Morgunblaðið - 29.07.2007, Qupperneq 40

40 SUNNUDAGUR 29. JÚLÍ 2007 MORGUNBLAÐIÐ
UMRÆÐAN
FASTEIGNA
MARKAÐURINN
ÓÐINSGÖTU 4, SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/
Jón Guðmundsson, sölustjóri og lögg. fasteignasali.
Tunguvegur - einbýlishús
með aukaíbúð
Nýlega endurnýjuð 256 fm eign með aukaíbúð, 32 fm bílskúr og skemmtilegri
suðvesturverönd. Eignin er nýlega end-
urnýjuð á vandaðan og smekklegan
hátt. Eignin skiptist m.a. í hol með
vinnuaðstöðu, vandað eldhús, stofu
með arni, sólstofu með útgengi í garð til
suðvesturs, 5 herbergi, stórt sjónvarps-
hol og flísal. baðherb. Auk þess er 2ja
herb. aukaíbúð með sérinng. Ræktuð
lóð með hita í stéttum. EIGNASKIPTI
MÖGULEG Á MINNI EIGN NÆRRI
MIÐBORGINNI. VERÐ 69,9 MILLJ.
Grundartangi - Mosfellsbæ
Fallegt 83 fm raðhús á einni hæð á
þessum gróna stað í Mosfellsbæ. Eignin
skiptist í anddyri, 2 herbergi, bjarta
stofu, eldhús, þvottaherb./geymslu og
flísalagt baðherbergi. Ræktuð lóð með
hellulögðum veröndum og skjólveggj-
um. Hús nýlega málað að utan. Stutt í
alla þjónustu. Laust til afhendingar við
kaupsamn. Verð 24,9 millj.
Keilufell - frábær staðsetning
mikið útsýni
Fallegt 203 fm einbýlishús, hæð og ris á
steyptum kjallara auk 29 fm opins bíl-
skýlis. Nýlegar innréttingar eru í eldhúsi,
tvær stofur og 5 herbergi auk fataher-
bergis. Mögul. er að innrétta íbúð í kjall-
ara. Eignin stendur mjög skemmtilega
á hornlóð með stórkostlegu útsýni yf-
ir Elliðavatnið, Elliðaárdalinn og víðar.
Verð 55,0 millj.
Bræðraborgarstígur
Fallegt 168 fm einbýlishús, hæð og
kjallari auk 18 fm bílskúrs. Húsið var að
mestu leyti endurbyggt árið 1990 og var
þá m.a. skipt um járn á húsi og þaki,
gler í gluggum og rafmagns- og vatns-
lagnir endurnýjaðar. Eignin skiptist m.a.
í samliggjandi skiptanlegar stofur, eld-
hús með nýlegri innréttingu, 3-4 her-
bergi og 2 baðherbergi. Eignarlóð 445,0
fm ræktuð með hellulagðri verönd. Hiti
er í innkeyrslu og sérbílastæði. Verð
55,0 millj.
Álftaland
Fallegt og vel skipulagt 289 fm einbýlis-
hús á tveimur hæðum með 32 fm innb.
bílskúr á þessum eftirsóttastað í Foss-
vogi. Eignin skiptist m.a. í glæsilegt eld-
hús með miklum innréttingum og vönd-
uðum tækjum, stórar samliggjandi stof-
ur, sjónvarpsstofu, 4 rúmgóð herb.,
sjónvarpshol og flísalagt baðherb. með
nýjum innréttingum auk gesta snyrting-
ar. Stórar svalir til suðurs og austurs
með útsýni yfir Fossvoginn. Ræktuð
lóð. Verðtilboð.
Espigerði - Glæsileg útsýnisíbúð
með þrennum svölum
Glæsileg 164 fm íbúð á tveimur hæðum
auk sér stæðis í bílageymslu. Íbúðin
hefur öll verið endurnýjuð á sl. 7-8 árum
og er í góðu ásigkomulagi. Íbúðin skipt-
ist m.a. í stórar samliggjandi stofur með
fallegu útsýni að Esjunni, eldhús með
miklum sérsmíðuðum innréttingum,
sjónvarpshol, 2 stór herbergi og flísalagt
baðherbergi auk gesta snyrtingar.
Sérgeymsla í kjallara. Þrennar svalir, út
af stofu og báðum herbergjum. Mikils
útsýnis nýtur yfir borgina og víðar.
Verð 55,0 millj. Skipti möguleg á ein-
býli í Fossvogi. Milligjöf staðgreidd.
Laugavegur - 3ja herb. íbúð
í nýju lyftuhúsi
93 fm glæsileg íbúð á 2. hæð í nýju og
vönduðu lyftuhúsi í miðborginni. Svalir
til suðurs út af herbergi með heitum
potti og útgengi á svalir úr stofu er vísa
út að Laugavegi. Sérsmíðaðar innrétt-
ingar, hvítar sprautulakkaðar og með
granítborðplötum í eldhúsi og vandað
baðherbergi með stórum sturtuklefa.
Sérgeymsla í kjallara með tengi fyrir
þvottavél. Laus fljótlega.
Verð 34,9 millj.
Opið hús í dag, sunnudaginn 29. júlí,
milli kl. 14 og 16.
Mjög gott og vandað, talsvert mikið endurnýjað, einbýlishús í Kópavogi. Húsið
er samtals 286,9 fm með tvöföldum 47 fm bílskúr. Húsið er sérlega vel hannað
og skipulag gott. Góðir möguleikar á að útbúa aukaíbúð á neðri hæð. Stór og
vel ræktuð lóð. Verð 69 millj. Uppl. gefur Sigurður sölumaður í síma 898 3708.
Grænatún 22 - Kópavogi
ER ekki íslensk náttúra dásam-
leg? Er ekki gott að fara eftir erf-
iðan dag út og njóta hennar, hlaða
batteríin og koma heim tvíefldur?
Það finnst mér. Við búum í góðu
þjóðfélagi þar sem flestir hafa í
sig og á og geta notið lífsins í frí-
tíma sínum. Mikið
hefur verið unnið að
gerð göngustíga fyrir
gangandi manneskjur
og eins fyrir hesta-
fólk til að auðvelda
því aðgengi að nátt-
úrunni. Það hefur
verið metnaður hjá
sumum sveit-
arfélögum að byggja
upp útivistarsvæði
fyrir íbúa sína. Það
væri lengi hægt að
telja upp alla þá góðu
hluti sem verið er að
gera og augljósan
metnað hjá sumum stjórnendum.
Þegar erlendir ferðamenn koma
til Íslands taka þeir oft eftir
göngustígum og útivistarsvæðum,
og hugsa margir að þeir kynnu vel
við sig í slíku samfélagi.
En stundum skil ég ekki hvað
vakir fyrir þeim sem boðið hafa
fram þjónustu sína til að gæta
hagsmuna almennings, þ.e. stjórn-
málamönnum. Það er eins og eitt-
hvað gerist þegar þeir komast að
kjötkötlunum. Nú er ég íbúi í Ála-
fosskvosinni í Mosfellsbæ og skil
ekki hvernig það getur þjónað
hagsmunum almennings að eyði-
leggja umhverfi Kvosarinnar með
vegagerð og viðvarandi umferð-
arhávaða. Mosfellsbær er ynd-
islegur bær að búa í, þar er falleg
náttúra allt í kring. Við eigum tvo
staði í bænum sem eru einskonar
kennileiti bæjarins – Gljúfrastein,
heimili Nóbelsskáldsins og svo
Álafosskvosina. En kjörnir stjórn-
endur Mosfellsbæjar hafa ein-
hverra hluta vegna þann ásetning
að eyðileggja þann sælureit sem
Kvosin er. Varmáin
sem rennur í gegnum
Kvosina er frá upp-
tökum til ósa á skrá
um náttúruminjar og
samkvæmt lögum
þýðir það að ekki má
byggja neitt í 50
metra nálægð við ána.
En stjórnendur Mos-
fellsbæjar virðast
ekki þurfa að fara eft-
ir lögum því þeir eru
að setja veg við ána
sem mun eyðileggja
þann sælureit sem
Kvosin er og Mosfell-
ingar og aðrir hafa notið í gegnum
árin. Bæjaryfirvöld segja að val á
vegstæði byggist á umfangs-
miklum rannsóknum á aksturs-
leiðum út úr Helgafellshverfi. En
það fær enginn að sjá niðurstöður
þessara rannsókna því þær eru
svo umfangsmiklar. Eins hafa
bæjaryfirvöld deiliskipulagt veg-
inn í bútum án þess að kynna um-
fang vegagerðarinnar í heild sinni.
Enda vita bæjaryfirvöldin ekki
enn hvernig leysa á tengibrautina
inn á Vesturlandsveginn og enn
síður framhaldið. Getur einhver
útskýrt það fyrir mér hvernig það
er hægt? Mér finnst þetta vera
álíka gáfulegt og að byggja hús
þar sem aðeins er tekið út eitt
herbergi í stað heillar hæðar.
Við í Álafosskvosinni erum ekki
ein um að undrast hvað bæjaryf-
irvöld í Mosfellsbæ eru að gera.
Það þarf ekki að horfa lengra en
til Kópavogs og sjá að við sem er-
um vinnuveitendur ykkar skiptum
engu máli eftir að frambjóðendur
hafa náð kosningu. Eða viljum við
hafa þetta eins og sagt var frá í
Fréttablaðinu mánudaginn 23. júlí
sl.: „oddviti Bæjarhrepps gaf
tengdaforeldrum dóttur sinnar
grænt ljós að reisa sumarhús á
Borðeyri þrátt fyrir að skipulags-
nefnd hafi ekki gefið þeim leyfi.
Ekkert stórmál segir oddvitinn.“
Ég vil að lög í landinu séu virt
og krefst þess að fá að sjá þær
aðrar akstursleiðir sem stjórn-
endur Mosfellsbæjar segja að þeir
hafi borið saman við gerð skipu-
lagsáætlana fyrir Helgafellshverfi.
Eða eru það bara sumir og aðrir
ekki í þessu þjóðfélagi sem þarf að
kynna hlutina fyrir?
Hvers vegna?
Soffía Alice Sigurðardóttir
skrifar um vegagerðina í Ála-
fosskvosinni
»Ég skil ekki hvernigþað getur þjónað
hagsmunum almenn-
ings að eyðileggja um-
hverfi Kvosarinnar með
vegagerð og viðvarandi
umferðarhávaða.
Soffía Alice
Sigurðardóttir
Höfundur er leiðsögumaður.
NÝSKÖPUN í listum hefur aldrei
í mannkynssögunni verið jafn-
gegndarlaus og á 20.
öld. Byltingarkenndar
hugmyndir hafa sumar
getið af sér verðug af-
kvæmi en aðrar –
blessunarlega – dáið
drottni sínum. Því mið-
ur er samt eins og öll
þessi nýsköpun sé oftar
en ekki sprottin af
ósegjanlegri hræðslu
listamanna við stöðnun,
skort á frumleika. Fyr-
ir bragðið verða til
ótrúlegustu afstyrmi
sem haldið er á lífi fyr-
ir tilstilli kúltúrmafíunnar sem sér
um að gæðastimpla og markaðs-
setja fyrirbærið „list“. Saklausir
„listunnendur“ láta svo glepjast af
þessu listræna stýrikerfi og þora
ekki fyrir sitt litla líf að setja spurn-
ingarmerki við tilverurétt fram-
leiðslunnar.
Ég hef gaman af „klassískri“ tón-
list, svokallaðri, og
hlusta oft á gömlu
„Gufuna“ þar sem ým-
islegt bitastætt er í
boði. Ég hef mikið
yndi af tónlist 20. ald-
ar og kann vel að meta
nýsköpun. En nýsköp-
un verður að vera ann-
að og meira en eitt-
hvert „concept“ –
þ.e.a.s. að láta sér
detta eitthvað nýtt í
hug og gera það. Það
má ekki vanta kjötið á
beinin.
Í „Hlaupanótunni“ á Gufunni sl.
miðvikudag var m.a. flutt það sem
gaf tilefni til þessara skrifa minna.
Þar fjallaði ungur maður, Gunnar
Steinn Gunnarsson, um rúmenska
„tónskáldið“ Radulescu og sýn-
ishorn af framlagi hans til nútíma-
tónlistar. Þar sagði m.a. (ég get mér
reyndar til um greinarmerki) : „Í
hafsjó hins heyranlega tónsviðs eru
ekki lengur skref, tónbil og hljómar
heldur ólgandi hljóðrænt rafgas –
tónlist framtíðarmerkisins.“ Og síð-
ar: „Þegar Radulescu talar um
hljóðrænt rafgas er það myndlíking
um hljóð sem eru í óreiðukenndum
veggjum sem hafa samt sterkan
samhljóm.“ Síðasta tóndæmið var
svo ca 7 mínútna langur hluti af
verki fyrir stóra hljómsveit sem
hljómaði eins og eitt samfellt sker-
andi hátíðniískur, svipað eyrnasuði
sem þjáir tugi milljóna manna um
heim allan sem margir myndu gefa
aleiguna til þess að losna við.
Í lokin kom svo þetta: „Radulescu
vinnur með vísindi hljóðs, ýmist ný
eða forn. Hann vinnur með ævaforn
hlutföll. Mikið af áhrifum koma
jafnframt úr dulrænum hug-
myndum um tónlist í gegnum ald-
irnar. Hann trúir á mátt nátt-
úrulegra hlutfalla tóna, eins og
Radulescu orðar það sjálfur. Á leið
út úr en í senn inn í eilífðina nær
tónlistin að færa inn í tímann yf-
irnáttúrulegt ástand sálarinnar.
Þetta er hið eina markmið og
ástæða fyrir tilvist tónlistar."
Það getur ekki verið hlutverk
sómakærrar útvarpsstöðvar að bera
svona rugl á borð fyrir nokkurn
mann, og það á úrvalshlust-
unartíma.
Hlaupið út undan sér
Gylfi Baldursson gagnrýnir
þátt á gömlu Gufunni síðastlið-
inn miðvikudag
» Það getur ekki veriðhlutverk sómakærr-
ar útvarpsstöðvar að
bera svona rugl á borð
fyrir nokkurn mann.
Gylfi Baldursson
Höfundur er heyrnarfræðingur.