Morgunblaðið - 23.08.2007, Blaðsíða 20

ferðalög
20 FIMMTUDAGUR 23. ÁGÚST 2007 MORGUNBLAÐIÐ
Þó að við hjónin séum sögðstanda að rekstrinum í eig-in nafni stöndum við svosannarlega ekki ein. Þetta
er öllu heldur stórt fjölskyldufyr-
irtæki enda eru allir okkar nánustu
boðnir og búnir að koma hingað á
sumrin og hjálpa til. Þetta er al-
gjörlega magnað og við höfum stund-
um verið að grínast með að Bjarni
hefði örugglega ekki getað fengið
betri heimanmund með mér en fjöl-
skylduna mína því það eru ófáar
stundirnar sem þau hafa eytt í þræla-
búðunum hér fyrir norðan. Ég sendi
bara út verkefnalista fyrir hverja
hvítasunnu og geta menn þá bara val-
ið sér verkefni gegn mat, drykk og
góðum félagsskap,“ segir Elsa Björk
Skúladóttir, sem ásamt manni sínum
Bjarna Páli Vilhjálmssyni rekur
ferðaþjónustu í Saltvík rétt hjá Húsa-
vík.
Þau hjónin gera út á hestaferðir
undir merkjum Íshesta og reka auk
þess hestaleigu og reiðskóla fyrir
börn.
Vel þjálfuð og járnuð hross
Yfir háannatímann á sumrin eru
120 hross í Saltvík, þar af eiga Salt-
víkurbændur áttatíu hross sjálfir og
fá lánuð fjörutíu hross til viðbótar af
nágrannabændum. „Þeir sjá sér hag í
því að lána okkur hrossin sín því þeir
fá til baka vel þjálfaða og járnaða
hesta að hausti,“ segir Elsa.
Þrettán ár eru nú liðin síðan Bjarni
Páll fór að bjóða upp á hestaferðir frá
Saltvík, en upphafið má rekja til þess
að foreldrar Bjarna, þau Védís
Bjarnadóttir og Vilhjálmur Pálsson,
tóku Saltvíkurjörðina á leigu af ríkinu
fyrir hestana sína. Æ síðan hefur
Saltvík verið einn af nokkrum sam-
starfsaðilum Íshesta, sem sér alfarið
um sölu- og markaðsmál. Húsavík-
urbær á nú jörðina, en Saltvík-
urbændur hafa keypt húsakost og
byggt upp enda var hann í mikilli nið-
urníðslu hér áður fyrr.
„Við tökum við ferðahópunum á
Akureyrarflugvelli og miðum við að
hafa ekki fleiri en 21 í hóp sem mark-
ast af svefnrými íbúðarhússins. Við
erum að bjóða upp á tvær fastar fimm
daga ferðir, annars vegar Northern
Exposure-ferðina og hinsvegar Dia-
mond Circle-ferðina, en segja má að
eini munurinn á þessum tveimur
ferðum sé að gist er í uppbúnum rúm-
um í Diamond Circle-ferðinni, en í
svefnpokaplássi í hinni. Allar ferð-
irnar okkar byrja og enda í Saltvík.
Hóparnir fá þjóðlegar móttökur og
kjarngott meðlæti á meðan far-
arstjóri gengur um og kannar reið-
getu gestanna til að geta valið hest
við hæfi, en miðað er við tæplega þrjá
hesta á hvern gest.
Fyrsti reiðdagur er fremur stuttur,
en eftir það eru 30 til 50 km lagðir að
baki á hverjum degi. Miklar nátt-
úruperlur eru hér allt í kring sem við
förum um. Nefna má Mývatn, Lax-
árdal, Þeistareyki, Aðaldalinn, Bárð-
ardalinn, Reykjahverfi.
Níu daga sérferð var svo sett upp
hjá Saltvíkurbændum til að bjóða upp
á fjölbreytni fyrir þá gesti, sem lang-
aði að koma aftur og upplifa fleiri hes-
taævintýri með þessum líflegu
hrossabændum.
„Í ferðinni er haldið frá Saltvík að
Laugum og inn að Illugastöðum, það-
an inn í Bárðardal og svo er rétt heils-
að upp á það besta af Sprengisand-
inum í tvo daga og komið til baka um
Mývatnssveit. Hingað til hefur verið
farin ein slík ferð að sumri, en í sumar
eru þær tvær vegna fjölda fyr-
irspurna enda má segja að aðsókn í
hestaferðirnar hafi aldrei verið meiri
en einmitt nú.“
Í fyrra var svo efnt til þriggja daga
Drottningaferðar með dekurívafi
undir fararstjórn Unnar Steinsson.
Önnur slík ferð var á dagskrá í vor
undir fararstjórn Lilju Bolladóttur og
sú þriðja er á teikniborðinu í haust.
Barnagaman Reiðskóli er rekinn í Saltvík fyrir sex ára og eldri. Á ferð Aðsóknarmet hefur verið slegið í Saltvíkurferðunum í sumar.
Morgunblaðið/Jóhanna Ingvarsdóttir
Saltvíkurbændur Hjónin Elsa Björk Skúladóttir og Bjarni Páll Vilhjálmsson hafa haft í nógu að snúast í sumar.
Fólk er yfirkomið af náttúrunni
Hestaferðir, hestaleiga
og reiðskóli er meðal þess
sem starfsemin í Saltvík
snýst um. Jóhanna Ingv-
arsdóttir fór í heimsókn
til húsráðenda.
Þetta stúss er ægilega
skemmtilegt, en brjáluð
vinna. Maður leggur
allt í þetta, bæði
vinnuna og sálina
SIGLINGAR um heimsins höf með
skemmtiferðaskipi er ferðamáti
sem Íslendingar hafa ekki gert
mikið af að nýta sér til þessa, þó að
auðvitað skeri alltaf einhverjir sig
frá fjöldanum.
Ferðaskrifstofan Úrval-Útsýn er
þessa dagana að taka við umboði
fyrir ítalska skipafélagið Silversea,
sem á og rekur 4 glæsileg
skemmtiferðaskip og sérhæfir sig í
lúxusferðum um heimsins höf.
Eitt af skipum félagsins, Silver
Wind, lá við bryggju við Reykjavík-
urhöfn nú í vikunni og gafst blaða-
manni tækifæra á að líta á aðstöð-
una um borð sem er öll hin glæsi-
legasta. Silversea hefur enda verið
valið besta skipafélagið af ferða-
tímaritinu Condé Nast Traveller, í
flokki skipa sem sigla með hámark
400 manns – 9 ár í röð.
„Íslendingar eru fyrst og fremst
spenntir fyrir hlýrri slóðum og
áfangastöðum sem eru langt í
burtu. Og Silversea er með sigl-
ingar út um allan heim, úti fyrir
Afríku, Asíu, í Suður-Indlandshafi,
Miðjaðarhafinu,“ segir Guðrún Sig-
urgeirsdóttir, framleiðslustjóri hjá
Úrvali-Útsýn. „Svo eru þeir að
sjálfsögðu líka í Karíbahafinu, þar
sem flestir sigla, en þessar fram-
andi slóðir eru virkilega spennandi.
Þeir bjóða svo einnig upp á sér-
stakar golfferðir og það er eitthvað
sem golfdeildin okkar kemur til
með að ræða við þá um á næst-
unni.“
Siglt um Indlandshaf
Fyrsta ferðin sem Úrval-Útsýn
býður upp á með Silversea er 6
stjörnu lúxussigling um Indlands-
haf, sem farin verður dagana 4.-20.
febrúar. Siglt verður með skipinu
Silver Cloud frá Mombasa í Kenýa
og yfir til Mahe á Seychelles-
eyjum. Siglingin sjálf er í lúxus-
klassa, enda allt er innifalið og við-
komustaðirnir, Kenýa, Zanzibar,
Mayotte og Seychelle-eyjar flestum
framandi,
Komið er við í Dubai á útleið og
dvalið í tvær nætur í Mahé áður en
flogið er til baka.
Um borð í skipum Silversea er
boðið upp á leiksýningar, klassíska
tónleika, spilavíti, sundlaug, leik-
fimisali og heilsulind, auk þriggja
veitingastaða sem leggja mikið upp
úr veislumat og drykk. Allar vist-
arverur falla þá í flokk svo nefndra
svíta og eru að lágmarki 27 m².
Lúxusferðir um
heimsins höf
Á siglingu Boðið er upp á ferðir um framandi slóðir sem og kunnuglegri.
Ein af svítunum Vistarverur í
Silversea-skipunum eru rúmgóðar.
Við laugina Góð aðstaða er til að
slappa af um borð í skipunum.