Morgunblaðið - 12.09.2007, Blaðsíða 18

18 MIÐVIKUDAGUR 12. SEPTEMBER 2007 MORGUNBLAÐIÐ
HÖFUÐBORGIN
AKUREYRI
Eftir Skapta Hallgrímsson
skapti@mbl.is
ALLS skrifuðu um 600 manns, um
það bil 3,5% bæjarbúa, undir
áskorun til meirihluta bæjarstjórn-
ar Akureyrar um að hann segði af
sér vegna þess, að fólki á aldrinum
18-23 ára var meinað að gista á
tjaldstæðum bæjarins á hátíðinni
Einni með öllu um verslunar-
mannahelgina. Birgir Torfason,
veitingamaður, afhenti Sigrúnu
Björk Jakobsdóttur bæjarstjóra
listana í gær.
„Stórfurðuleg ákvörðun“
Birgir er einn af Vinum Akur-
eyrar, en það er félagsskapur at-
hafnamanna sem heldur umrædda
hátíð. Söfnunin er ekki í nafni
þeirra heldur tók Birgir sjálfur af
skarið með að hrinda af stað söfn-
uninni vegna óánægju í bænum.
Hluti þeirra sem þátt tók skráði
nafn sitt á blað en aðrir á netinu.
„Ég tek við þessu og legg fyrir
meirihlutann; við sitjum hér í um-
boði okkar flokka, þar var ákvörð-
unin tekin en ekki á þessum vett-
vangi,“ sagði Sigrún Björk í gær.
Á plagginu er skorað á meiri-
hluta bæjarstjórnar að „sjá sóma
sinn í því að segja af sér nú þegar“.
Áskorunin er sett fram vegna
„stórfurðulegrar ákvörðunar
meirihlutans í sambandi við ný-
liðna verslunarmannahelgi þar
sem verulegar skorður voru settar,
og allt að því bann, við því að fólk á
aldrinum 18-23 ára gæti heimsótt
Akureyri vegna hátíðarinnar Einn-
ar með öllu“.
Birgir segir Vini Akureyrar afar
ósátta við ákvörðun meirihlutans.
„Okkur var lofað að aldurstakmark
á tjaldstæðum yrði óbreytt – 18
ár,“ segir hann um fund með bæj-
aryfirvöldum í júní. Og ekki síst
eru þeir ósáttir við að ákvörðun
meirihlutans var ekki tilkynnt fyrr
en á mánudegi fyrir verslunar-
mannahelgina. „Við hefðum hugs-
anlega skipulagt hátíðina öðruvísi,
hefðum við vitað þetta fyrr, eða
jafnvel hætt við að halda hana.“
Lengi verið ljóst
Sigrún Björk var í fríi þegar
fundurinn var haldinn í júní en skv.
sínum upplýsingum hafi þá verið
lagðar mun harðari línur, með Vin-
um Akureyrar, en Birgir nefnir.
„Já, fyrst var talað um 25 ára
[aldurstakmark] en þá ætluðum
við að hætta við hátíðina en okkur
var þá lofað að tjaldstæðamálin
yrðu óbreytt – 18 ára – en löggæsl-
an yrði efld.“ Á mánudegi fyrir
verslunarmennahelgi hefði hins
vegar verið tilkynnt um nýtt ald-
urstakmark.
Sigrún segir að skv. öllum bók-
unum bæjarráðs frá því í fyrra sé
alveg ljóst að harðar yrði tekið á
þessu máli en áður. „Það var kom-
inn tími til að taka á þessu.“
Hún sagði að einhvers staðar
yrði að draga mörkin „og umræðan
í þjóðfélaginu eftir þetta held ég að
hafi skilað okkur töluvert fram á
veginn,“ sagði bæjarstjóri.
Birgir segir að bæjarhátíðir hafi
verið víða um land og allt gengið
vel vegna þess að allir hafi verið já-
kvæðir og boðið fólk velkomið.
„Fólk á þessum aldri er hins vegar
ekki velkomið til Akureyrar um
þessa helgi. Þremur vikum síðar er
það þó velkomið í Verkmennta-
skólann, Menntaskólann og Há-
skólann. Hvers vegna þá?“
 „Okkur var lofað að aldurstakmark á tjaldstæði yrði óbreytt – 18 ár“
 Bæjarstjóri: Lengi legið ljóst fyrir að harðar yrði tekið á málum en áður
600 vilja að meirihlutinn fari
frá vegna tjaldstæðamálsins
Morgunblaðið/Skapti Hallgrímsson
Ósammála Birgir Torfason og Sigrún Björk Jakobsdóttir með undir-
skriftarlistana. Birgir er ósáttur við meirihluta bæjarstjórnar.
Í HNOTSKURN
»Í árskoruninni sem Birgirafhenti bæjarstjóra í gær
segir að gert sé grín að ákvörð-
un bæjaryfirvalda „út um allt
land. Þetta varð til þess, að tal-
ið er, að tugir milljóna töp-
uðust í innkomu hjá veitinga-
húsum, verslunum og öðrum
fyrirtækjum á Akureyri.“
»Lagt er til í áskoruninni, aðvarsla tjaldstæðanna verði
tekin úr höndum skátanna og
boðin út með skilyrðum. Birgir
telur skátana hafa þrýst á bæj-
aryfirvöld í málinu.
KRISTJÁN Jóhannsson óperusöngvari
hélt eftirminnilega tónleika á Akureyri á
sunnudaginn í tilefni níræðisafmælis móð-
ur sinnar, eins og greint hefur verið frá.
Daginn eftir sótti Kristján eldri borgara
heim á Dvalarheimilið Hlíð, þar sem móðir
hans býr einmitt, og söng – en það gerir
hann gjarnan þegar hann kemur í sinn
gamla heimabæ. Segist telja það skyldu
sína að gleðja gamla fólkið.
Eitt af því sem Kristján gerði á Ak-
ureyri var að sækja heim listamanninn
Nóa, Jóhann Ingimarsson – en margir
þekkja hann sem Nóa í Valbjörk.
Það fór vel á með þeim, Nói bauð upp á
hákarl og brennivín og Kristján hugðist
kaupa eitt verk eftir Nóa. Eftir að þeir
höfðu gengið um og skoðað ýmislegt sagði
söngvarinn: „Þetta er mjög interressant“
og staðnæmdist við myndina sem þeir
standa við á ljósmyndinni, stórt ab-
straktverk. Þeir sáu ýmsar fígúrur fyrir
sér í verkinu, t.a.m. sjálfa Hamraborgina,
sem Kristján syngur svo gjarnan um, og
urðu ásáttir um að krafturinn sem byggi í
því hæfði persónu Kristjáns og mundi
sóma sér vel í stigaganginum í húsi hans
við Gardavatnið á Ítalíu.
„Hamraborgin“
upp á vegg
hjá Kristjáni
Morgunblaðið/Hjálmar
Eftir Guðna Einarsson
gudni@mbl.is
SIGURSÆL skáksveit Laugalækj-
arskóla í Reykjavík var heiðruð við
hátíðlega athöfn á sal skólans í gær.
Liðsmenn sveitarinnar eru nú allir
nema einn komnir í framhaldsskóla
og tefla því ekki lengur í skáksveit
Laugalækjarskóla. Daði Ómarsson
tefldi á 1. borði fyrir hönd skáksveit-
arinnar. Hann hefur nú hafið nám
við Menntaskólann í Hamrahlíð. En
hvernig kynntist hann skákinni?
„Mamma mín skráði mig á nám-
skeið í Laugarnesskóla þegar ég var
í 4. bekk. Þá var Torfi Leósson
[skákþjálfari sveitarinnar] að kenna
þar. Í Laugarnesskóla myndaðist
sveit og við vorum allir í henni nema
Aron sem er ári yngri en við,“ sagði
Daði. Hann sagði áhugann á skák-
inni hafa kviknað hægt en svo óx
hann eftir því sem sveitin vann fleiri
mót og titla. „Skákáhuginn er alltaf
að aukast hjá mér, þetta er alltaf að
komast á nýtt og nýtt þrep.“
Skákin mjög tímafrek
Daði teflir í Taflfélagi Reykjavík-
ur og hefur setið í Skákskóla Íslands
undanfarin þrjú ár og notið þar leið-
sagnar Helga Ólafssonar stórmeist-
ara. Þá hefur Daði teflt á mörgum
mótum undanfarið og um leið hefur
dregið mjög úr því að hann setjist að
tafli með vinum og kunningjum. Auk
Norðurlandamóts grunnskólasveita
tók Daði þátt í ólympíumóti í Singa-
púr fyrir skákmenn yngri en 16 ára.
Þar tefldi Daði á 3. borði fyrir hönd
Íslands. Einnig tefldi hann með
sveit Laugalækjarskóla á Evr-
ópumeistaramóti grunnskóla sem
haldið var í Búlgaríu og á ein-
staklingsmóti í Póllandi. Daði sagði
taflmennskuna útheimta mikil
ferðalög og tíma. „Ég vann ekkert í
sumar, var bara að tefla,“ sagði
Daði. Hann er nú kominn með 1.950
ELO-stig og er óðum að safna fleiri
stigum.
Daði var spurður hvort hann ætti
sér einhverja fyrirmynd á sviði
skáklistarinnar. Hann sagði þær
vera nokkrar en ef hann ætti að
velja eina úr þeim hópi þá yrði það
Gari Kasparov. „Hann tefldi byrj-
anir sem ég tefli og hann er líka frá-
bær skákmaður,“ sagði Daði. En
hvað um framtíðina?
„Mig langar að ná langt og verða
alþjóðlegur meistari eða stórmeist-
ari. Það er langtímamarkmiðið. Ég á
svolítið langt í land með það.“
En hvernig stendur á því að það
voru bara strákar í skáksveit
Laugalækjarskóla?
„Ég veit það eiginlega ekki,“
sagði Daði. „Þetta er svolítið meiri
strákaíþrótt en stelpna. Ég held að
það sé að aukast að stelpur tefli.“
Gott að hafa afreksmenn
„Það er alltaf gott að hafa afreks-
menn eins og þessir drengir eru.
Þeir hafa verið sjálfum sér og skól-
anum til mikils sóma undanfarin ár
sem þeir hafa verið hérna og teflt
fyrir hönd skólans. Bæði sem sveit
og sem einstaklingar á mótum hér
innanlands. Þetta eru góðar fyr-
irmyndir,“ sagði Björn Björg-
vinsson, skólastjóri Laugalækj-
arskóla, um skáksveitina.
Velgengni sveitarinnar hefur
smitað út frá sér. Í skólanum eru
taflborð og sagði Björn að þau væru
mikið notuð. Yngri nemendur skól-
ans eru mjög virkir í skákinni, tefla í
skólanum og skrá sig til þátttöku í
skólamótum sem haldin eru reglu-
lega. Björn taldi gildi skákarinnar
vera ótvírætt í skólastarfinu.
Sigursæl skáksveit Laugalækjarskóla var heiðruð í skólanum í gær
Skákáhuginn
er alltaf að
aukast og eflast
Morgunblaðið/Brynjar Gauti
Norðurlandameistarar Skáksveitin er nú að mestu útskrifuð úr Laugalækjarskóla.
SKÁKSVEIT Laugalækjarskóla
sigraði með yfirburðum á skákmóti
norrænna grunnskóla sem haldið
var í Finnlandi á dögunum. Ís-
lenska sveitin fékk 16½ vinning, í
öðru sæti varð lið sænsks skóla sem
fékk 11½ vinning og í þriðja sæti
norsk sveit með 10½ vinning. Þetta
var þriðja árið í röð sem skáksveit
Laugalækjarskóla vinnur Norð-
urlandameistaratitil grunnskóla-
sveita. Auk þess hefur sveitin
a.m.k. unnið fjóra Íslandsmeist-
aratitla og tvívegis lent í öðru sæti
á Evrópumeistaramótum skóla-
skáksveita. Jón Páll Haraldsson að-
stoðarskólastjóri sagði að glæsi-
legur árangur sveitarinnar
byggðist á þrotlausum æfingum
liðsmanna og mikilli vinnu Torfa
Leóssonar, skákþjálfara og skák-
kennara, en hann hefur þjálfað
sveitina frá upphafi.
Á myndinni er skáksveitin knáa
ásamt þjálfara sínum á sviði Lauga-
lækjarskóla í gær. F.v.: Torfi Leós-
son þjálfari, Aron Ellert Þor-
steinsson, Vilhjálmur Pálmason,
Einar Sigurðsson, Matthías Pét-
ursson og Daði Ómarsson.
Mikil sigurganga