Morgunblaðið - 22.09.2007, Blaðsíða 6

6 LAUGARDAGUR 22. SEPTEMBER 2007 MORGUNBLAÐIÐ
FRÉTTIR
Eftir Sunnu Ósk Logadóttur
sunna@mbl.is
„ÞAÐ var mjög vel mætt og vel tek-
ið í þetta. Það er augljós áhugi í há-
skólasamfélaginu á félagi sem
þessu,“ segir Lovísa Arnardóttir,
ein fimm háskólastúdína sem stofn-
uðu í gær Femínistafélag Háskóla
Íslands. 70-80 manns mættu á stofn-
fundinn sem fram fór í Odda. Þegar
að fundi loknum höfðu yfir sextíu
stúdentar og kennarar skráð sig í
félagið. „Þessi mikli áhugi er auð-
vitað mjög ánægjulegur,“ segir
Lovísa og segist eiga erfitt með að
lýsa viðbrögðum sínum eftir fund-
inn. „Við erum bara alveg í skýj-
unum!“ segir hún loks hlæjandi.
Á fundinum komu jafnt stúd-
entar sem kennarar í pontu og lýstu
ánægju sinni með stofnun félagsins.
Taka þátt í jafnréttisviku
Stúdínurnar fimm eru nú í bráða-
birgðastjórn félagsins en ný stjórn
verður kosin á aðalfundi í byrjun
október, að aflokinni jafnréttisviku
HÍ sem er dagana 2.-5. október.
„Við ætlum að kynna félagið ræki-
lega á jafnréttisvikunni og vonumst
svo eftir framboðum í stjórn fyrir
aðalfund félagsins strax í kjölfar-
ið,“ segir Lovísa.
Tilgangur félagsins er að upp-
lýsa stúdenta og samfélagið um
femínisma með því að fjalla um
hann á fræðilegum grundvelli. Fé-
lagið mun sjá um að halda fyr-
irlestra og námskeið um jafnrétti
kynjanna, og sjá til þess að Háskóli
Íslands taki sig á og verði leiðandi
afl í jafnréttisbaráttu íslensks sam-
félags.
En hvað skýrir mikinn áhuga á
félagi sem þessu að mati Lovísu?
„Líklega skýringin sú að fólk er
orðið þreytt á neikvæðri umræðu
og fáfræði í samfélaginu um fem-
ínisma,“ svarar hún.
Þreytt á stöðnun
Á vefsíðu félagsins, femstud-
ent.blogspot.com, segir m.a. um
viðhorf stofnenda: „Við erum orðin
þreytt á því að jafnréttisbarátta
kynjanna standi í stað. Við erum
orðin þreytt á því að mismunun á
grundvelli kyns sé svona áberandi
og látin viðgangast. Við erum orðin
þreytt á því hvernig samfélagið
stýrir þessari þróun, og við erum
orðin þreytt á orðræðunni og hvað
umræðan um femínisma er víða
mikill útúrsnúningur sem oftast er
byggður á fáfræði eða misskiln-
ingi.“
Lovísa segir að félagið hafi m.a.
þann tilgang að gera fólki grein
fyrir að femínismi er fræði „og að
það sé alls ekkert neikvætt við fem-
ínisma“.
Hún bendir á að til þess að ná ein-
hverjum árangri í jafnréttisbarátt-
unni verði allir að taka sig á. Allir
verði að breyta hugsunarhætti sín-
um, átta sig á vandanum og reyna
að greina á milli þess sem er rétt og
þess sem er norm, og því ekki endi-
lega rétt.
„Við viljum að til sé félag við Há-
skóla Íslands sem sér um það að
upplýsa fólk. Hvað er það að vera
femínisti? Hvers vegna viljum við
að jafnrétti kynjanna séð náð?
Hverju viljum við breyta og hvern-
ig getum við breytt einhverju?“
spyrja stofnendur félagsins m.a. á
heimasíðunni. Segir Lovísa m.a.
standa til að koma upp lista á
heimasíðunni yfir fræðibækur svo
áhugasamir geti lesið sér til um
femínisma og kynjafræði.
Fimm stúdínur stofna Femínistafélag Háskóla Íslands og sextíu manns hafa gengið í félagið
„Augljós áhugi
í háskólanum“
Ljósmynd/Eva
Áhugi Kennarar og stúdentar fjölmenntu á stofnfund Femínistafélags Háskóla Íslands í gær.
Ljósmynd/Eva
Stofnendur Lovísa Arnardóttir, Alma Joensen, Finnborg Steinþórsdóttir
og Anna Dröfn Ágústsdóttir. Á myndina vantar Maren Sæmundsdóttur.
BÆJARRÁÐ Kópavogs hefur sam-
þykkt aðgerðaáætlun til að bæta
leikskóla bæjarins. Fulltrúar leik-
skólanefndar bæjarins kynntu
áætlunina í gær og segir formaður
hennar að þótt ekki sé um neina
töfralausn að ræða þá muni áætl-
unin bæta starfsumhverfi starfs-
manna leikskólanna.
Samúel Örn Erlingsson, fulltrúi
Framsóknarflokksins í leik-
skólanefnd Kópavogsbæjar og
jafnframt formaður nefndarinnar,
segir aðgerðaáætlunina hafa
tvenns konar tilgang. „Í fyrsta lagi
þá verðum við að laða starfsfólk að
leikskólunum en við höfum ekki
farið varhluta af því að sam-
keppnin um starfsfólk er mikil um
þessar mundir. Í öðru lagi þá er
markmiðið ekki síður að gera leik-
skólana að enn betri vinnustöðum
og hlúa að því fólki sem þar er fyr-
ir og hefur tekið þennan slag með
okkur.“
Um 30 starfsmenn vantar á þá
16 leikskóla sem Kópavogsbær
rekur en þar starfa um 340 starfs-
menn. Í áætluninni felast kjarabæt-
ur eins og auknar greiðslur vegna
kostnaðar í starfi og jafnframt
námsstyrkir til leikskólakennara.
Einnig á að auka tækifæri starfs-
manna til náms í leikskólafræðum
og gera stjórnendum kleift að
sækja stjórnunarnám sem hentar
þeirra þörfum. Erlendum starfs-
mönnum verður einnig boðið ís-
lenskunámskeið á vegum bæjarins.
Samúel Örn segir Kópavogsbæ
ætíð hafa lagt áherslu á að leik-
skólar bæjarins séu góðir vinnu-
staðir. Bætt vinnuaðstaða sé þess
vegna mikilvægt markmið í áætl-
uninni enda sé ljóst að mikið álag
hafi verið á starfsmönnum leik-
skólanna síðastliðin ár. Einn liður í
áætluninni er m.a. að bjóða upp á
námskeið til að draga úr streitu.
„Eins og þú sérð þá eru þetta
ekki neinar töfralausnir. En við lít-
um á þetta sem verkefni og þetta
er verkefni sem við hér í Kópa-
vogsbæ höfum verið að vinna að í
mjög langan tíma.“ Vísar Samúel
þar til þess að bærinn hafi vaxið
afar hratt síðastliðin ár eða um
1.200 íbúa á ári að meðaltali og nú
séu um 1.800 börn í leikskólum
hans. Þau voru um 600 fyrir rúm-
um 15 árum. Á sama tíma hafi
þjónusta stóraukist. „Við höfum
allan þennan tíma verið að ráða
fleira fólk og það auðveldar okkur
að líta á þetta sem verkefni en ekki
vandamál.“
Hann segir erfitt að meta hversu
mikið áætlunin kosti bæjarsjóð þar
sem á sama tíma og reynt sé að
bæta þá þjónustu sem fyrir er þá
eigi sér stað mikil uppbygging á
leikskólum. Bendir Samúel á að nú
á næstunni verði nýr leikskóli opn-
aður fyrir um 120 börn.
Nú þegar hefur ýmsum liðum
áætlunarinnar verið komið í fram-
kvæmd. Í maí á þessu ári var gerð-
ur samningur við leikskólakennara
um svokölluð tímabundin viðbót-
arlaun en þeim er ætlað að vega
upp á móti tímabundnu álagi sem
oft kemur upp á leikskólunum.
Voru framlög til leikskóla þá jafn-
framt aukin.
Morgunblaðið/Eggert
Vilja auka fagþekkingu Sesselja Hauksdóttir, Samúel Örn Erlingsson, Lovísa Ólafsdóttir, Unnur Arna Jónsdóttir
og Árni Þór Hilmarsson kynntu aðgerðaáætlun leikskólanefndar Kópavogsbæjar á blaðamannafundi í gær
Efla leikskóla bæjarins
Eftir Egil Ólafsson
egol@mbl.is
MJÖG erfitt er að manna vaktir lög-
reglumanna víða um land, sérstak-
lega um helgar. Þrír menn eru hættir
eða eru að hætta í Vestmannaeyjum
og tvo menn vantar á Sauðárkróki og
a.m.k. einn annar er nálægt því að
hætta. Ástandið er erfitt víða um
land, en alls vantar 60-80 lögreglu-
menn til starfa að sögn Björns Mika-
elssonar, yfirlögregluþjóns á Sauðár-
króki.
Á Sauðárkróki er einn lögreglu-
maður hættur, og annar er frá í 6-8
mánuði vegna veikinda. Sá þriðji hef-
ur sett húsið sitt á sölu og á kost á
starfi á höfuðborgarsvæðinu og fjórði
maðurinn hefur einnig haft orð á að
hætta. Björn segist vera búinn að
reyna mikið að fá menn til starfa en
án árangurs.
Björn segir að launakjör lögreglu-
manna eigi stóran þátt í því hversu
erfiðlega gengur að fá menn til
starfa. Grunnlaun sumarmanna séu
um 135 þúsund á mánuði og þó að
menn komist upp í 270 þúsund með
vaktavinnu á kvöldin og um helgar
séu þetta of lág laun til að freista
manna sem eiga kost á betur launaðri
vinnu annars staðar. Hann segir að
grunnlaun fangavarða og tollvarða
séu t.d. hærri en grunnlaun lögreglu-
manna.
Björn segir að til viðbótar óánægju
með laun sé fyrir hendi á Sauðár-
króki óánægja meðal lögreglumanna
með yfirstjórn lögreglumála á staðn-
um. Það bæti ekki stöðuna.
Björn segir að þegar hann sé að
reyna að manna vaktir um helgar
leiti hann til lögreglunnar á Blöndu-
ósi og Akureyri. Á báðum þessum
stöðum vanti lögreglumenn til starfa.
Staðan sé betri á Siglufirði og Ólafs-
firði, en menn eigi hins vegar rétt á
fríum og það sé ekki hægt að treysta
á hjálp þaðan.
Dýrt fyrir ríkið
að missa menn úr stéttinni
Í Vestmannaeyjum vantar einn
lögreglumann til starfa. Annar hætt-
ir störfum í október og sá þriðji hætt-
ir í nóvember. Jóhannes Ólafsson, yf-
irlögregluþjónn í Vestmannaeyjum,
segir að tilraunir til að fá menn til
starfa hafi engu skilað enn sem komið
er.
„Við leysum þetta með auknu álagi
á þá sem eru fyrir og með því að hafa
færri á vakt. Maður veit ekki hvað
menn endast lengi í því. Það er ekki
skemmtilegt fyrir menn að eiga aldr-
ei frí um helgar,“ segir Jóhannes.
Hann telur launakjör lögreglu-
manna stærstu ástæðuna fyrir því að
illa gengur að manna lögregluliðið.
Þetta birtist m.a. í því að ekki hafi
tekist að fá nægilega marga menn í
lögregluskólann í haust. Jafnframt
fari margir menntaðir lögreglumenn
úr löggæslustörfum og í önnur störf.
Hann bendir á að þetta sé dýrt fyrir
ríkið því það verji umtalsverðum fjár-
munum í að mennta lögreglumenn
sem fari síðan í önnur störf.
Það eru ekki bara lögregluum-
dæmi á landsbyggðinni sem eru að
auglýsa eftir mönnum til starfa.
Sama á við um lögregluna á höfuð-
borgarsvæðinu.
Erfitt að
manna vaktir
um helgar
Um 60-80 lögreglumenn vantar til
starfa og víða er mjög erfitt ástand