Morgunblaðið - 09.10.2007, Blaðsíða 4

4 ÞRIÐJUDAGUR 9. OKTÓBER 2007 MORGUNBLAÐIÐ
FRÉTTIR
Eftir Önund Pál Ragnarsson
onundur@mbl.is
KARLMAÐUR á fimmtugsaldri
var í gær dæmdur til að greiða
80.000 króna sekt fyrir að hafa sem
gangnaforingi í ágúst á síðasta ári
ekið torfæruhjóli, óskráðu og án
skráningarmerkja, utan vega og
merktra slóða á Mývatnsöræfum.
Sú háttsemi mannsins var talin
brotleg við umferðarlög, en hann
gekkst við því að hafa ekið hjólinu
utan vega. Málið var rekið fyrir
Héraðsdómi Norðurlands eystra.
Sýndi aðgát við aksturinn
Maðurinn var einnig ákærður
fyrir brot gegn 17. gr. laga um
náttúruvernd, sem leggur bann við
utanvegaakstri vélknúinna öku-
tækja. Brot gegn því ákvæði getur
varðað sektum eða fangelsi allt að
tveimur árum, en umhverfisráð-
herra veitir undanþágur frá því
með reglugerð. Dómari komst að
þeirri niðurstöðu að þar sem
smalamennska teldist til starfa við
landbúnað heyrði háttsemi ákærða
undir undanþáguákvæði í reglu-
gerð, sem heimilar utanvegaakstur
við slík störf þegar öðru háttalagi
verður ekki við komið.
Staðhæfingu ákærða um að
hann hefði engum landspjöllum
valdið með notkun vélhjólsins þótti
ekki hafa verið hnekkt, og var hann
því talinn hafa virt skilyrði reglu-
gerðarákvæðisins um að hafa sér-
staka aðgát við aksturinn. Hjólið
hafði einungis bælt gras lítillega á
leið sinni. Maðurinn var því sýkn-
aður af þeim hluta ákærunnar.
Svavar Pálsson fulltrúi sótti
málið en Guðmundur H. Pétursson
hdl. var verjandi. Erlingur Sig-
tryggson héraðsdómari dæmdi í
málinu.
Smali ók vélhjóli utan vega
 Hlaut 80.000 króna sekt fyrir brot á umferðarlögum  Ekki talið brotlegt
gegn náttúruverndarlögum vegna undanþágu um landbúnaðarstörf í reglugerð
Eftir Steinþór Guðbjartsson
steinthor@mbl.is
KJARTAN Magnússon, borgar-
fulltrúi Sjálfstæðisflokks, hefur
lagt til í stjórn Faxaflóahafna að
skoðað verði með hvaða hætti
megi merkja staði í gömlu höfn-
inni með tilvísun í sögu hafn-
arinnar.
Miklar framkvæmdir eiga sér
nú stað á Austurbakka Reykjavík-
urhafnar vegna fyrirhugaðs tón-
listarhúss og ráðstefnumið-
stöðvar. Ýmsar minjar eru á
svæðinu og bendir Kjartan á að
þær verði ekki eyðilagðar þar
sem þær séu verndaðar með lög-
um. Hann segir mikilvægt að
gerð verði úttekt á því hvað eigi
að varðveita. Sumt hverfi óhjá-
kvæmilega ofan í grunn og bíla-
kjallara en annað megi hafa sýni-
legt. Í því sambandi bendir hann á
að sýna megi gömul hafnarmann-
virki með því til dæmis að setja
glerplötu yfir eins og gert hafi
verið með Ingólfsbrunn.
Gerð Reykjavíkurhafnar fór
fram á árunum 1913 til 1920 en
áður voru trébryggjur út frá
hlöðnum steinköntum á svæðinu.
Trébryggjurnar eru horfnar en
elsta steinbryggjan var hlaðin og
er undir Pósthússtrætinu við toll-
húsið. Kjartan segir að einn hluti
hugmyndar sinnar sé að merkja
gömlu strandlengjuna.
Minjar
verði
sýnilegar
Vísað verði í þekkta staði í sögu gömlu hafnarinnar
Morgunblaðið/Frikki
Minjar Kjartan Magnússon borgarfulltrúi vill að minjar á hafnarsvæðinu verði sýnilegar almenningi.
FRÉTTASKÝRING
Eftir Rúnar Pálmason
runarp@mbl.is
Á SÍÐUSTU tveimur árum var
um 25-35 útlendingum vísað af
landi brott eftir að hafa afplánað
refsidóma hér á landi, samkvæmt
bráðabirgðatölum frá Útlendinga-
stofnun. Forstjóri Fangelsismála-
stofnunar vill kanna hvort hægt sé
að láta útlendinga sem hljóta dóm
fyrir afbrot á Íslandi afplána í
heimalandinu.
Í lögum um útlendinga eru
heimildir til að vísa útlendingum
úr landi, jafnt þeim sem koma frá
Evrópska efnahagssvæðinu,
EFTA-svæðinu eða frá löndum ut-
an þessara svæða. Heimildir um
þetta má finna í 20. grein og 43.
grein laganna sem eru frá 2002.
Útlendingastofnun tekur ákvörð-
un um brottvísun eftir að Fangels-
ismálastofnun hefur sent tilkynn-
ingu um að viðkomandi hafi beðið
um reynslulausn.
Úr landi eftir helming
Útlendingar sem dæmdir eru í
fangelsi hér á landi þurfa að af-
plána helming refsingar en fá síð-
an reynslulausn, að því gefnu að
Útlendingastofnun hafi vísað þeim
úr landi. Þetta gildir líka fyrir
refsidóma sem Íslendingar yrðu
að afplána að 2⁄3 hlutum.
Þurfum á okkar
plássum að halda
Hjá Fangelsismálastofnun er
verið að kanna hvort unnt sé að
senda útlendinga úr landi til að af-
plána dómana í heimalandinu, án
þess að viðkomandi fangar hafi
samþykkt slíkt framsal. Að sögn
Valtýs Sigurðssonar, forstjóra
Fangelsismálastofnunar, krefst
framsal án samþykkis sérstakra
samninga við viðkomandi land.
Vandamálið sé þó oftar að fang-
elsin í þessum löndum séu yfirfull
og því erfitt í framkvæmd. „Það er
náttúrlega ljóst að við þurfum á
okkar plássum að halda og vildum
gjarnan að þetta væri gert. En
þetta er flókið lagalega séð,“ sagði
Valtýr.
Útlendingar 18%
heildarfjöldans
Alls eru 118 manns í fangelsum
hér á landi og eru útlendingar 22
talsins eða um 18% heildarfjöld-
ans. Það þýðir þó ekki að útlend-
ingar hljóti um 18% fangelsisdóma
því að sögn Erlends Baldurssonar,
afbrotafræðings hjá Fangelsis-
málastofnun, eru erlendir fangar
ekki vistaðir utan fangelsa, s.s. hjá
Vernd. Ástæðan er sú að ekki þyki
ástæða til að endurhæfa þá og
hjálpa þeim að aðlagast íslensku
samfélagi enda liggi fyrir að þeim
verður vísað úr landi að afplánun
lokinni. Ef ekki standi til að vísa
erlendum fanga úr landi, t.d.
vegna tengsla hans við landið, gildi
hið sama um hann og íslenska
fanga.
Á síðustu tveimur árum var 25-35 útlendingum vísað úr landi eftir refsidóma
Kannað hvort útlendingar
afpláni í heimalandinu
Í HNOTSKURN
» 118 manns sitja í fang-elsum hér á landi, þar af
eru 22 útlendingar.
» Af þessum 22 eru 14Litháar, þar af níu í
gæsluvarðhaldi vegna rann-
sóknar á stórfelldu þjófn-
aðarmáli.
» Hinir átta eru af mis-munandi þjóðernum.
Morgunblaðið/Brynjar Gauti
Afplánun Útlendingar sem dæmdir eru í fangelsi hér á landi þurfa að
afplána helming refsingar en fá síðan reynslulausn.
Á NÆSTA ári eru 30 ár liðin frá því að Fé-
lag íslenskra landslagsarkitekta (FÍLA)
var stofnað af fimm einstaklingum sem þá
höfðu lokið námi í faginu. Tæplega 60 ár
eru liðin frá því fyrsti íslenski landslags-
arkitektinn lauk prófgráðu.
Í tilefni afmælisins hafa félagsmenn í
hyggju að gera sér nokkurn dagamun.
Fyrsta verkefnið sem FÍLA mun fram-
kvæma í tilefni tímamótanna er að taka
Hagatorg í tímabundið fóstur.
Félagsmenn ætla að fjölmenna á torgið í
dag kl. 16 og setja niður 12.000 krókusa
sem munu blómstra í aprílmánuði nk. en
apríl er alþjóðlegur mánuður landslags-
arkitektúrs.
Taka Hagatorg í
fóstur um stund
Blómstrandi Krókusar munu með vorinu
skrýða Hagatorg í Reykjavík.
MORGUNBLAÐINU hefur borist eftirfar-
andi yfirlýsing frá Dorrit Moussaieff
vegna forsíðufréttar DV í gær:
„Það særir mig að DV skuli birta ranga
frétt um að ég hafi „borgað verðlaun“ sem
Louise T Blouin stofnunin veitti eig-
inmanni mínum fyrir framlag hans til um-
hverfismála við hátíðlega athöfn í New
York. Einu tengsl mín við Louise T Blouin
stofnunina eru að ég bauð í nútíma-
listaverk á uppboði sem haldið var
snemma árs 2006 í tilefni af opnun lista-
safns stofnunarinnar í Lundúnum. Að auki
hef ég veitt fulltrúa fjölmiðlafyrirtækis,
sem tengt er Louise T Blouin og gefur út
um 200 áhrifarík tímarit um listir, upplýs-
ingar um ungt, íslenskt myndlistarfólk.
Þetta er ástæða þess að í þakkarskrá
stofnunarinnar fyrir árið 2006 er ég nefnd
meðal stuðningsaðila (e. supporters). Þess-
ar staðreyndir munu fulltrúar Louise T
Blouin stofnunarinnar staðfesta.
Að gera því skóna að eiginmaður minn
hafi hlotið þessi verðlaun vegna þess að ég
hafi borgað fyrir þau er í senn móðgandi
og særandi.“
Yfirlýsing frá
Dorrit Moussaieff
MORGUNBLAÐINU hefur borist eft-
irfarandi yfirlýsing frá Björgólfi Guð-
mundssyni:
„DV greinir í dag frá orðrómi um að
Björgólfur Guðmundsson, formaður
bankaráðs Landsbankans, hafi þrýst á
Vilhjálm Þ. Vilhjálmsson, borgarstjóra,
um að flýta samningum um sameiningu
Reykjavík Energy Invest og Geysir
Green Energy til þess að laga „... fjár-
hagsstöðu Hannesar gagnvart bank-
anum“ eins og segir í blaðinu en Hannes
Smárason er forstjóri FL Group sem er
einn af stærstu hluthöfum í Geysir Green
Energy.
Af þessu tilefni vill Björgólfur Guð-
mundsson taka fram að aðdróttanir DV
um afskipti hans af máli þessu eru al-
gjörlega útí hött. Björgólfur hafði enga
vitneskju um sameiningu Reykjavík
Energy Invest og Geysir Green Energy
fyrr en tilkynnt var um hana í fjöl-
miðlum.
Vinnubrögð DV í máli þessu eru víta-
verð þar sem blaðið leitaði hvorki til
Landsbankans né skrifstofu Björgólfs
Guðmundssonar áður en blaðið birti
ósannindi sem geta skaðað orðspor og
hagsmuni Landsbankans og Björgólfs
Guðmundssonar bæði hér heima og er-
lendis en bankinn er undir ströngu eft-
irliti fjármálayfirvalda í hverju því landi
sem hann starfar auk alþjóðlegra mats-
fyrirtækja.“
Yfirlýsing frá
Björgólfi
Guðmundssyni