Morgunblaðið - 09.10.2007, Blaðsíða 33

MORGUNBLAÐIÐ ÞRIÐJUDAGUR 9. OKTÓBER 2007 33
árnað heilla
ritstjorn@mbl.is
Félagsstarf
Aflagrandi 40 | Vinnustofan er opin kl. 9-16.30.
Jóga kl. 9, postulínsmálun kl. 13, leshópur kl.
13.30, jóga kl. 19.
Árskógar 4 | Bað kl. 9.30, handavinna kl. 8-16,
smíði/útskurður kl. 9-16.30, leikfimi kl. 9.45,
boccia. kl. 8-16.
Bólstaðarhlíð 43 | Bónusrúta kl. 12.30. Hár-
greiðsla, böðun, alm. handavinna, fótaaðgerð,
morgunkaffi/dagblöð, vefnaður, hádegisverður,
línudans, kaffi. Á morgun kl. 12.30 verður Krísu-
víkurleiðin farin að Strandakirkju og kaffihlað-
borð á Hafinu bláa. Skráning í s. 535-2760.
Dalbraut 18-20 | Vinnustofa í handmennt opin.
Framsögn. Félagsvist kl. 14.
Félag eldri borgara í Kópavogi | Síðdegisvaka í
Gjábakka kl. 14. Kristmundur Halldórsson rifja
upp fyrstu árin í sögu Kópavogs í máli og mynd-
um. Kaffiveitingar og skemmtiatriði.
Félag eldri borgara, Reykjavík | Skák kl. 13, fé-
lagsvist kl. 20. Menningarhátíð FEB í Borg-
arleikhúsinu 16. október, miðasala er hafin í
Borgarleikhúsinu og á skrifstofu FEB s. 588-
2111. Námskeið í framsögn hefst 23. október,
leiðbeinandi Bjarni Ingvarsson skráning á skrif-
stofu FEB.
Félagsheimilið Gjábakki | Leikfimi kl. 9.05 og
9.55. Gler- og postulínsmálun kl. 9.30, handa-
vinna kl. 10, leiðbeinandi er við til kl. 17. Yoga kl.
10.50, tréskurður kl. 13, róleg leikfimi kl. 13, al-
kort kl. 13.30, ganga kl. 14, stólajóga kl. 17, jóga
á dýnum kl. 17.50. Fræðsluerindi Glóðar sem
vera átti í kvöld er frestað um eina viku.
Félagsheimilið Gullsmára 13 | Vefnaður kl. 9,
jóga og myndlist kl. 9.30, ganga kl. 10, leikfimi
kl. 11, hádegisverður kl. 11.40, bútasaumur kl. 13
og handavinnukvöld kl. 20.
Félagsstarf eldri borgara, Garðabæ | Les-
hringur bókasafnsins kl. 10, karlaleikfimi í Ás-
garði kl. 13, bossía kl. 14, vatnsleikfimi í Mýri kl.
14, línudans í Kirkjuhvoli kl. 13, trésmíði kl. 13.30,
kyrrðarstund í kirkjunni kl. 12 og félagsvist kl. 13.
Opið í Jónshúsi kl. 10-16, lokað í Garðabergi.
Félagsstarf Gerðubergs | Vinnustofur opnar kl.
9-16.30, m.a. glerskurður, leiðsögn veitir Vigdís
Hansen. Haustlitaganga um Elliðaárdalinn kl.
10.30. Á morgun kl. 10 er dansæfing í samstarfi
við FÁÍ A, umsj. Guðrún Nielsen. Strætisvagnar,
4, 12 og 17. S. 5757720.
Furugerði 1, félagsstarf | Aðst. við böðun kl. 9,
bókband kl. 13, frjáls spilamennska og affiveit-
ingar kl. 15.
Garðabæjardeild Rauða kross Íslands | Prjóna-
kaffi 10. október kl. 16-18 í Hrísmóum 4 (Garða-
torgi). Sjálfboðaliðar prjóna fatnað sem nýtist í
neyðaraðstoð. Garn verður á staðnum en gott
væri að hafa prjóna meðferðis. Kaffiveitingar.
Hraunbær 105 | Handavinna, glerskurður,
hjúkrunarfræðingur kl. 9, boccia kl. 10, leikfimi
kl. 11, hádegismatur kl. 12, bónusbíllinn kl. 12.15
og kaffi kl. 15.
Hraunsel | Félagsmiðstöðin opnar kl. 9, mynd-
mennt, kl. 10, leikfimi, kl. 11.30, brids kl. 13.
Hvassaleiti 56-58 | Bútasaumur kl. 9-13 hjá
Sigrúnu. Jóga kl. 9-11, Björg F. Helgistund kl. 14
hjá séra Ólafi Jóhannssyni. Námskeið í myndlist
kl. 13.30-16.30 hjá Ágústu. Böðun fyrir hádegi.
Hæðargarður 31 | Síðasti skráningardagur í
styrktar- og þjálfunarhóp 50+ í World Class
Laugum. Einkaþjálfun. Bókmenntah. kl. 20.
Anna Karlsdóttir fjallar um Ólöfu frá Hlöðum. S.
568-3132.
Korpúlfar Grafarvogi | Gaman saman á Korp-
úlfsstöðum kl. 13.
Norðurbrún 1 | Smíðastofan og vinnustofan í
handmennt opin. Myndlistarnámskeið. Þrykk og
postulín. Leikfimi kl. 10.
Sjálfsbjörg félag fatlaðra á höfuðborgarsvæð-
inu | Uno spil í kvöld í félagsheimilinu Hátúni 12
kl. 19.30.
Vesturgata 7 | Hárgreiðsla og fótaaðgerðir kl.
9-16, myndmennt kl. 9-16, enska kl. 10.15-11.45,
hádegisverður kl. 11.45, leshópur kl. 13.30, spurt
og spjallað /myndbandasýning kl. 13-14, búta-
saumur og frjáls spil kl. 13-16, kaffiveitingar kl.
14.30.
Vitatorg, félagsmiðstöð | Smiðja kl. 8.30,
handavinnustofan opin með leiðsögn kl. 9-
16.30, morgunstund leikfimi kl. 10, hárgreiðslu
og fótaaðgerðarstofur opnar alla daga, upp-
lestur kl. 12.30, félagsvist kl. 14. uppl. um starfið
í síma 411-9450.
Þórðarsveigur 3 | Hjúkrunarfræðingur (fyrsta
þriðjudag í mánuði) kl. 9. Bænastund kl. 10, bón-
usbíllinn kl. 12 og bókabíll kl. 16.45.
Kirkjustarf
Árbæjarkirkja. | Foreldramorgunn kl. 10-12.
Samvera foreldra með ung börn. Spjall, fræðsla
og samvera. STN (starf með 6-9 ára börnum) kl.
15-16. TTT (starf með 10-12 ára börnum) kl. 16-
17.
Áskirkja | Opið hús kl. 10-14 í dag. Spjall, föndur
og tekið í spil. Kl. 12 bænastund í umsjá sókn-
arprests. Boðið er upp á hádegisverð eftir
bænastundina.
Breiðholtskirkja | Bænaguðsþjónusta kl. 17.30.
Digraneskirkja | Leikfimi ÍAK kl. 11, kirkjustarf
aldraðra kl. 11.45, málsverður. Helgistund og
samvera, Elín Þöll Þórðardóttir og Ragnar Páls-
son tala og syngja og Þórður Örn Sigurðsson
les. KFUM&K fyrir 10-12 ára kl. 17-18.15. Æsku-
lýðsstarf Meme 9.-10. bekkur kl. 19.30-21.30.
(www.digraneskirkja.is)
Fella- og Hólakirkja | Kyrrðarstund kl. 12, um-
sjón hefur Ragnhildur Ásgeirsdóttir djákni, org-
elleikur, íhugun og bæn. Orgelleik annast Guðný
Einarsdóttir. Eftir stundina er boðið upp á súpu
og brauð gegn vægu verði. Kirkjustarf eldri
borgara hefst kl. 13. Farið verður í Grafarvogs-
kirkju.
Fríkirkjan Kefas | Almenn bænastund kl. 20.
Hægt er að senda inn bænarefni á kefas@-
kefas.is
Grafarvogskirkja | Opið hús fyrir eldri borgara,
kl. 13.30-16. Helgistund, handavinna, spilað og
spjallað, kaffi og veitingar. TTT fyrir börn 10-12
ára kl. 16-17 í Grafarvogskirkju. TTT fyrir börn
10-12 ára kl. 17-18 í Borgarholtsskóla.
Grensáskirkja | Kyrrðarstund kl. 12-12.30. Veit-
ingar gegn vægu gjaldi kl. 12.30 í safnaðarheim-
ili.
Hallgrímskirkja | Fyrirbænaguðsþjónusta kl.
10.30. Beðið fyrir sjúkum. Starf fyrir eldri borg-
ara alla þriðjudaga og föstudaga kl. 11-14. Leik-
fimi, súpa, kaffi og spjall.
Hjallakirkja | Prédikunarklúbbur presta í um-
sjón sr. Sigurjóns Árna Eyjólfssonar kl. 9.15-
10.30.
KFUM og KFUK | Fundur í AD KFUK kl. 20 á
Holtavegi 28. Heimsþing KFUK í Nairobi í máli
og myndum. Umsjón Hildur Þóra Hallbjörns-
dóttir, Kristín Sverrisdóttir og Ragnheiður
Sverrisdóttir. Kaffi eftir fundinn.
Laugarneskirkja | „Veraldleg list og andlegt líf.“
kl. 19, Ólöf I. Davíðsdóttir guðfræðinemi fræðir.
Kvöldsöngur kl. 20, Þorvaldur Halldórsson leiðir
sönginn. 12 Spora hópar og trúfræðsla sr.
Bjarna um „Gæði náinna tengsla“ kl. 20.30.
Óháði söfnuðurinn | Alfa námskeið 1 kl. 19-22.
Vídalínskirkja Garðasókn | Opið hús hefst með
kyrrðarstund kl. 12, súpa og brauð kr. 400. Spil-
að kl. 13-16, vist og bridge, púttgræjur á staðn-
um. Kaffi kl. 14.45. Akstur fyrir þá sem vilja,
upplýs: 895-0169.
70ára afmæli. Ingólfur Bárð-arson rafverktaki, Kjarr-
móa 15 í Njarðvík, er sjötugur í
dag, þriðjudaginn 9. október.
Hann mun eyða deginum í faðmi
fjölskyldunnar.
60 ára afmæli. Lára Mar-grét Ragnarsdóttir,
fyrrverandi alþingismaður, er
sextug í dag, 9. október.
Hún býr og starfar í Strasbourg,
Frakklandi.
dagbók
Í dag er þriðjudagur 9. október, 282. dagur ársins 2007
Orð dagsins: Hann stendur mér við hlið til þess að veita mér lið og vernd. (Daníel 11, 1.)
Viðskipta- og hagfræðideildHÍ býður til hádegisfyr-irlestrar á morgun, miðviku-dag, kl. 12.15 í stofu 101 í
Odda.
Þar ætlar Magnús Árni Skúlason
hagfræðingur að flytja erindið Um-
breytingar á íslenskum íbúðamarkaði:
staða, horfur og þróun.
„Í fyrirlestrinum fjalla ég um þær
breytingar sem átt hafa sér stað á ís-
lenskum húsnæðismarkaði frá árinu
2004, þegar bankarnir hófu innreið
sína á íbúðalánamarkaðinn. Einnig
ætla ég að gera grein fyrir hagfræði
húsnæðismarkaðar, og stjórnsýslu-
legri uppbyggingu íslenska húsnæð-
iskerfisins,“ segir Magnús.
Magnús segir að íslenski húsnæð-
ismarkaðurinn fylgi sömu lögmálum
og aðrir markaðir: „Það aðgreinir þó
íslenska markaðinn frá öðrum ná-
grannaþjóðum okkar að leigumark-
aður er lítill og stærstur hluti fast-
eigna í séreign, en húsnæðiskerfið
hefur verið byggt upp sem séreign-
arkerfi með hagrænum hvötum eins
og vaxtabótum,“ útskýrir Magnús.
„Gott aðgengi að lánsfé, samþætting
fjármagnsmarkaða og góð vaxtakjör
sköpuðu kjöraðstæður til lántöku á
sínum tíma. Til viðbótar má nefna að
hækkun lánshlutfalls og hámarksláns-
fjárhæðar ruddi úr vegi hindrunum til
kaupa á stærra og dýrara húsnæði.
Saman leiddu þessir þættir til þeirrar
hækkunar á fasteignaverði sem orðið
hefur á síðustu 3 árum.“
Magnús nefnir að eins og staða
markaðarins er í dag séu takmörk á
félagslegu hlutverki Íbúðalánasjóðs:
„Sjóðnum var m.a. ætlað að auðvelda
lágtekjufólki að kaupa sér íbúð, en
tenging lánsupphæðar við brunabóta-
mat veldur því að lán íbúðalánsjóðs
duga skammt við kaup á húsnæði á
höfuðborgarsvæðinu, þar sem miklu
munar á markaðsverði og brunabóta-
mati. Það er frekar að Íbúðalánasjóð-
ur gagnist þeim sem vilja kaupa hús-
næði á landsbyggðinni, þar sem
bankarnir eru um leið tregari til lána,
enda er þar minni velta á fasteigna-
markaði,“ segir Magnús.
Fyrirlestur miðvikudagsins er öll-
um opinn og aðgangur ókeypis. Nán-
ari upplýsingar má finna á heimasíðu
Viðskipta- og hagfræðideildar á slóð-
inni www.vidskipti.hi.is.
Viðskipti | Fyrirlestur um hræringar á íslenskum fasteignamarkaði
Þróun á íbúðamarkaði
 Magnús Árni
Skúlason fæddist í
Reykjavík 1969.
Hann lauk B.S. í
hagfræði frá HÍ
1992, meistaragr.
1996 frá HÍ og
MBA gráðu frá
Cambridge-há-
skóla 2001. Magn-
ús var stundakennari við HÍ, og síð-
ar við Háskólann á Bifröst þar sem
hann varð dósent og forstöðumaður
Rannsóknarseturs í húsnæðismálum.
Hann starfrækir nú Reykjavik
Economics, ráðgjafarfyrirtæki á
orku- og fasteignamarkaði. Magnús á
tvö börn.
Fyrirlestrar og fundir
Þjóðminjasafnsið | Þriðji hádegisfyrirlestur
Sagnfræðingafélagsins í haust verður í dag
kl. 12.05-12.55, í fyrirlestrasal Þjóðminja-
safnsins. Axel Kristinsson sagnfræðingur
fjallar um evrópska samkeppniskerfið. Að-
gangur er ókeypis og öllum heimill.
Geðhjálp | Sjálfshjálparhópur þeirra sem
þjást af þunglyndi er starfræktur alla þriðju-
daga kl. 20 í húsi Geðhjálpar. Hópurinn er
opinn öllum sem eiga við umrætt vandamál
að stríða.
Sjálfshjálparhópur þeirra sem eiga aðstand-
endur með geðraskanir hittist í húsi Geð-
hjálpar á Túngötu 7, Reykjavík, alla þriðju-
daga kl. 18.
Kvenréttindafélag Íslands, Hallveig-
arstöðum | KRFÍ stendur fyrir hádegisfundi
þar sem jafnlaunamálin verða rædd. Jó-
hanna Sigurðardóttir félagsmálaráðherra,
Hannes G. Sigurðsson, aðstoðarfram-
kvæmdastjóri SA, og Hlér Guðjónsson frá
Háskólanum á Bifröst verða með fram-
söguerindi og taka þátt í pallborðs-
umræðum. Hádegisverður í boði.
Fréttir og tilkynningar
Bergmál líknar- og vinafélag | Opið hús
verður sunnudaginn 14. október kl. 16 í
Blindraheimilinu Hamrahlíð 17. Fram koma
Elín og Elísabet Eyþórsdætur og Hildur Frið-
riksdóttir. Matur að hætti Bergmáls. Uppl.
og skráning hjá Þórönnu í síma 568-1418 /
820-4749, fyrir föstud. 12. október.
Á DEGI nautgriparæktar á Hvanneyri um helgina var margt um manninn. Meðal
annars voru kynnt rannsóknarverkefni í nautgripa- og jarðrækt á vegum Land-
búnaðarháskóla Íslands og samstarfsaðila. Hún Jóhanna Sigríður frá Selfossi hafði
hins vegar mestan áhuga á kálfunum í fjósinu á Hvanneyri.
Dagur nautgriparæktar haldinn hátíðlegur á Hvanneyri
Baulaðu nú, Búkolla mín
Ljósmynd/Áskell Þórisson
FRÉTTIR
NÁMSKEIÐ í kínversku þar
sem áhersla verður lögð á
menningu og sögu Kína um
leið og undirstöðuatriði kín-
verskrar tungu og let-
urgerðar verða kynnt eru að
hefjast hjá Gallery Kína, Ár-
múla 42.
Reynt verður að hafa nám-
skeiðin í senn skemmtileg og
fræðandi og verða 3 x 2
tímar. Gallery Kína er versl-
un sem selur kínverska list-
muni frá mismunandi tíma-
skeiðum í kínverskri
listasögu. Á námskeiðinu
verða m.a. ákveðnir listmun-
ir í versluninni teknir fyrir
og tákn og gerð þeirra út-
skýrð.
Tveir kínverskir leiðbein-
endur halda námskeiðið sem
fer fram á
íslensku. Námskeiðin verða
á sunnudögum og hefjast
sunnudaginn 14. október kl.
11-12:30. Frá 12:30-13:00
verður frjáls tími þar sem
þátttakendum gefst færi á að
spyrja leiðbeinendurna nán-
ar um kínverska menningu
og sögu.
Námskeið í kínversku
DR. HENRY Rosemont verður gestur á málstofu í Háskólanum á
Bifröst í dag, 9. október, kl. 15.30.
Dr. Rosemont fjallar um Kína og Bandaríkin í fyrirlestri sínum
sem hann kallar „The US and China. Who threatens Who?“. Mál-
stofan stendur í klukkutíma og er öllum opin.
Málstofa um
Kína og Bandaríkin
UMFERÐARÓHAPP varð föstudaginn 5. október síðastliðinn
klukkan 21:09 á mótum Snorrabrautar og Bústaðavegar í
Reykjavík, en umferð þar er stjórnað með umferðarljósum.
Lentu þar saman fólksbifreið af Toyota Corolla-gerð, grá að
lit, sem ekið var suður Snorrabraut og fólksbifreið af gerðinni
VW Polo, blá að lit, sem ekið hafði verið norður Bústaðaveg
með fyrirhugaða akstursstefnu eftir Hringbraut (gömlu) til
vesturs.
Ágreiningur er uppi um stöðu umferðarljósa þegar árekst-
urinn varð og því eru þeir vegfarendur sem kunna að hafa
orðið vitni að óhappinu beðnir að hafa samband við lögreglu í
síma 444 1000.
Vitni vantar