Morgunblaðið - 09.10.2007, Blaðsíða 17

MORGUNBLAÐIÐ ÞRIÐJUDAGUR 9. OKTÓBER 2007 17
AKUREYRI
AUSTURLAND
Eftir Steinunni Ásmundsdóttur
steinunn@mbl.is
FRAMTÍÐARSÝN um netháskóla
er sú að Íslendingar geti farið í há-
skólanám hvenær sem er á netinu.
Saman yrðu sett námskeið og ein-
ingar samræmdar frá ólíkum háskól-
um og þannig gæti fólk búið til sitt
nám.
Þekkingarnet Austurlands (ÞNA)
stendur 16. október n.k. að ráðstefnu
á Egilsstöðum um Netháskóla Ís-
lands, þar sem farið verður yfir sam-
starf háskóla og samræmingu í mati,
kennslufræði dreifnáms, sköpun
góðs námsumhverfis á netinu, sam-
ræmingu á mörgum tæknilegum um-
hverfum háskólanna og hvernig
netháskóli geti stutt við þróun stað-
bundins náms í þekkingarsetrum og
minni háskólum.
Hugmyndin um netháskóla hefur
verið í farvatninu frá árinu 2000 hjá
Þekkingarneti Austurlands og und-
irbúningur ÞNA að slíkum skóla eitt
af verkefnum Vaxtarsamnings fyrir
Austurland. ÞNA og menntamála-
ráðuneyti hafa verið í viðræðum við
háskóla landsins. Netháskólar
þekkjast orðið víða, m.a. í Svíþjóð,
Kanada, Frakklandi og Skotlandi.
Háskólarnir jákvæðir
„Nú er verið að setja umræðu um
netháskóla í gang fyrir alvöru,“ segir
Stefanía G. Kristinsdóttir, fram-
kvæmdastjóri ÞNA. „Við vonumst til
að afrakstur ráðstefnunnar verði
leiðarvísir fyrir framtíðina og sett
verði í gang stefnumótunar- og hug-
myndafræðivinna.“
ÞNA vinnur skv. samningi við
ráðuneytið tillögu að vef netháskóla.
„Að setja upp sérstaka stofnun
gæti verið ein leiðin að netháskóla,
en einnig þarf að hugsa um hvað slík-
ur skóli á að gera,“ segir Stefanía. „Á
grundvelli þess getum við svo velt
fyrir okkur rekstrarformi, staðsetn-
ingu og sviðum. Háskólarnir þurfa
að skoða hvort þeir vilja og geta auk-
ið framboð á háskólanámi í fjarnámi,
samræmt skráningarkerfi sín og
námskeiðafyrirkomulag þannig að
hægt sé að meta á milli skóla og búa
til nám. Símenntunarmiðstöðvar
þurfa jafnframt að skoða hvort þær
geti eflt sitt samstarf og samræm-
ingu. Við erum með námsver um
land allt og háskóla sem eru að
kenna á öllum helstu fagsviðum, svo
spurningin er aðeins hversu langt
við erum tilbúin að ganga og hvort
innbyrðis samkeppni eigi eftir að
standa hugmyndinni fyrir þrifum,
eða efla hana. Vonandi verður í vor
lögð fram áætlun um stofnun og
starfsemi netháskóla sem allir há-
skólarnir og símenntunarmiðstöðvar
skrifa undir.“ Að sögn Stefaníu hafa
símenntunarmiðstöðvarnar sérstak-
an áhuga á kennslufræði dreifnáms.
Hvernig styðja megi við það, minnka
bilið í gæðum milli staðbundins náms
og dreifnáms og hvaða kennslufræði
og umhverfi henti best. Hún vonast
til að netháskóli geti byrjað í ein-
hverri mynd næsta vetur, þó að
námsframboð og því um líkt sé nokk-
uð sem þróist á lengri tíma.
Morgunblaðið/Steinunn Ásmundsdóttir
Menntunartækifæri Stefanía G. Kristinsdóttir, framkvæmdastjóri Þekk-
ingarnets Austurlands, leiðir vinnu um nýjan netháskóla á Íslandi.
Netháskóli Íslands risa-
vaxið menntunarverkefni
Egilsstaðir | Undir næstu helgi
verður blásið til Sigfúsarþings, í
minningu Sigfúsar Sigfússonar
þjóðsagnaritara. Tilgangur þess er
að heiðra minningu Sigfúsar og
verka hans og einnig að halda starfi
hans áfram, þ.e. að safna þjóðsög-
um, segja sögur og varðveita munn-
lega sögu.
Vilhjálmur Hjálmarsson, fv. þing-
maður og ráðherra, mun setja þing-
ið, en þar verður farið yfir ævi og
störf Sigfúsar að þjóðsagnaritun.
Munnleg geymd og sagnalist skipa
veglegan sess og m.a. verður sér-
stakt námskeið í sagnamennsku
báða dagana. Einnig er boðið upp á
námskeið um söfnun þjóðfræða og
munnlega sögu og aðferðir hennar.
Farið verður í söguferð á slóðir Sig-
fúsar.
Skráð beint eftir heimildum
Sigfús Sigfússon (1855-1935) var
fyrsti safnarinn sem skráði upp á
eigin spýtur stórt safn þjóðsagna
beint eftir heimildarmönnum. Hann
safnaði sögnum á Austurlandi og
umskrifaði allt efni sitt fyrir 16
binda útgáfu sem komu út á árunum
1922 til 1958 og var síðar endur-
útgefið.
Meðal þeirra sem koma að
þinginu eru Helgi Hallgrímsson
náttúrufræðingur, þjóðfræðingarnir
Júlíana Magnúsdóttir og Rósa Þor-
steinsdóttir og Unnur María Berg-
sveinsdóttir sagnfræðingur. Þau
Ingi Hans Jónsson og Sigurborg Kr.
Hannesdóttir verða til leiðsagnar
um sagnamennsku. Þinghald fer
fram í Kirkjumiðstöðinni á Eiðum á
föstudag og laugardag.
Arfleifð Sigfúsar
þjóðsagnaritara
Morgunblaðið/Steinunn Ásmundsdóttir
Sagnir Helgi Hallgrímsson og fleiri
fjalla um Sigfús þjóðsagnaritara.
„ÞETTA er mjög mikilvægt skref
fyrir okkur og mun opna margar
dyr innan Bandaríkjanna, til enn
frekara samstarfs við bandaríska
háskóla og rannsóknarstofnanir,“
sagði dr. Björn Gunnarsson, aka-
demískur forstöðumaður RES
Orkuskóla á Akureyri, við Morg-
unblaðið í gær eftir að hann und-
irritaði samstarfsyfirlýsingu við
virtan tækniháskóla í Bandaríkj-
unum, Colorado School of Mines,
um rannsóknir og kennslu í auð-
linda- og orkumálum.
Það var dr. Masami Nakagawa,
jarðefnaverkfræðingur og prófess-
or, sem skrifaði undir samstarfs-
yfirlýsinguna fyrir hönd skólans í
Colorado, en dr. Nakagawa hefur
verið falið af forseta skólans að
koma á laggirnar stofnun sem sér-
hæfir sig í sjálfbærri þróun í Colo-
rado-ríki.
Samkomulag skólanna tveggja
kveður á um samvinnu á sviði
kennara- og nemendaskipta, dvöl
gistiprófessora í hvoru landi fyrir
sig, samvinnu um rekstur sumar-
skóla, um undirbúning ráðstefna,
málstofa og einstakra fyrirlestra,
og síðast en ekki síst samvinnu um
rannsóknir á sviði auðlinda- og
orkumála.
Björn sagði Tækniháskólann
Colorado School of Mines eina af
þekktustu menntastofnunum
Bandaríkjanna á sínum fagsviðum,
og þó að víðar væri leitað. „Hann
þykir hafa ströngustu inntökuskil-
yrði allra háskóla í Colorado, og al-
mennt meðal ríkisháskóla innan
Bandaríkjanna.“
Dr. Nakagawa hefur dvalið hér á
landi í nokkrar vikur til þess að
kynna sér orkumál á Íslandi og
sérstaklega starfsemi og uppbygg-
ingu RES. Hann lýsti í gær yfir
mikilli ánægju með samstarf skól-
anna og sagði við Morgunblaðið að
það væri líklega mun mikilvægara
fyrir sinn skóla en fólk gerði sér
grein fyrir, ekki síst vegna þess
hve góð tengsl RES hefði við sam-
starfsaðila bæði á hinum Norður-
löndunum og Austur-Evrópu, en
einnig á Filippseyjum, Indónesíu
og Kína. Colorado í miðjum Banda-
ríkjunum gæti því verið heppileg
staðsetning til þess að tengja sam-
an austrið og vestrið.
Nakagawa segir Bandaríkja-
menn í æ ríkari mæli gera sér
grein fyrir mikilvægi endurnýjan-
legra orkugjafa og hlutverk stofn-
unarinnar sem honum hefði verið
falið að koma á fót yrði ekki síst að
rannsaka félagsleg áhrif þeirra
breytinga sem framundan væru.
Hefðbundnar orkurannsóknarstof-
ur væru þegar fyrir hendi en fram-
undan væri einnig að rannsaka
hvernig hugarfar fólks breyttist,
sem og nýting orkunnar, með nýj-
um orkugjöfum.
Um 73% allrar orku sem notuð
er á Íslandi fást með endurnýjan-
legum orkugjöfum en þau 27% sem
uppá vantar eru einkum eldsneyti
á samgöngutæki og fiskiskip.
Björn Gunnarsson sagði raunhæft
að skipta yfir í aðra orkugjafa á bíl-
um og skipum á næstu 20-30 árum,
en það yrði erfiðara í fluginu. „En
við gætum orðið fyrsta þjóðin í
heiminum sem notar einungis end-
urnýjanlega orku, hvort sem skipt
yrði yfir í vetni, metanól eða eitt-
hvað annað.“ Nakagawa sagði það
almenna skoðun sérfræðinga á
þessu sviði að ef Íslendingum tæk-
ist ekki að færa sig alveg yfir í end-
urnýjanlega orkugjafa tækist það
engum. „Ég og margir aðrir erum
á þeirri skoðun að Ísland verði í
forystu til framtíðar á þessu sviði,
ekki bara í jarðvarmaorku heldur í
hinum flókna heimi endurnýjan-
legra orkugjafa.“
RES Orkuskóli í samstarf við virtan tækniháskóla í Colorado í Bandaríkjunum
„Mjög mikilvægt skref“
Morgunblaðið/Skapti Hallgrímsson
Samstarf Masami Nakagawa frá Tækniháskólanum Colorado School of
Mines og Björn Gunnarsson, akademískur forstöðumaður RES.
Í HNOTSKURN
»RES Orkuskóli á Akureyri(School for Renewable
Energy Science) er alþjóðleg
einkarekin mennta- og vís-
indastofnun sem vinnur að
aukinni samkeppnishæfni ís-
lensks atvinnulífs á sviði end-
urnýjanlega orkugjafa.
»Eitt af verkefnum RESverður að bjóða eins árs al-
þjóðlegt meistaranám í vist-
vænni orkunýtingu. Skólinn er
rekinn í samstarfi Háskólans á
Akureyri og Háskóla Íslands.
» Í Colorado School of Mineser aðaláhersla lögð á verk-
fræði- og raunvísindamenntun
í tengslum við nýtingu nátt-
úruauðlinda. Þetta er rík-
isskóli með 3200 nemendur,
þar af 700 í framhaldsnámi.
ELDRI hjón voru flutt á Sjúkrahúsið á
Akureyri til skoðunar í fyrradag eftir
að mikinn reyk lagði um hús þeirra,
vegna elds sem kviknaði í eldhúsinu.
Þeim varð ekki meint af reyknum og
þurftu ekki að dvelja á sjúkrahúsinu.
Þau gátu hins vegar ekki snúið heim
strax vegna skemmda á íbúðinni og eit-
urgufa.
Eldurinn kviknaði í feiti í potti á
eldavél. Hjónin höfðu brugðið sér niður
í kjallara en heyrðu í reykskynjara og
drifu sig upp, sáu hvers kyns var og
konan slökkti eldinn með blautu hand-
klæði. Skemmdir urðu töluverðar, ekki
síst af reyk.
Hjónum varð ekki
meint af reyknum
FÉLAGSVÍSINDATORG
verður að vanda í Há-
skólanum á Akureyri á
morgun, miðvikudag og
gestur dagsins að þessu
sinni er dr. Henry Rose-
mont, jr., prófessor em-
eritus í heimspeki og kín-
verskum fræðum við St. Mary’s College í
Maryland í Bandaríkjunum. Hann flytur
erindi um rætur mannréttindahugsunar í
konfúsískri heimspeki á vegum ASÍS – As-
íuseturs Íslands og Háskólans á Akureyri.
Dr. Rosemont mun fjalla um ein-
staklingshugtakið sem grundvöll mann-
réttinda á Vesturlöndum og sýna að þótt
það geri kleift að færa rök fyrir borg-
aralegum og pólitískum réttindum geti
það ekki að sama skapi rennt stoðum und-
ir félagsleg, efnahagsleg og menningarleg
réttindi. Sjálfshugtakið eins og það er út-
fært í konfúsískri heimspeki býður hins
vegar upp á tryggingu allra þessara rétt-
inda.
Fyrirlesturinn á morgun, miðvikudag,
hefst kl. 12.15 í stofu L 201 á Sólborg.
Rætur mann-
réttindahugsunar
Bæna- og helgistundir eru haldnar öll
miðvikudagskvöld, kl. 20.15 í Bahá'í
miðstöðinni, Öldugötu 2, Reykjavík.
Húsið opnað kl. 19.45.
Allir velkomnir.
Bænir og ritningar allra trúarbragða.
Bahá'í samfélagið í Reykjavík
www.bahai.is
Helgistundir
í Bahá'í Miðstöðinni
Grafhýsi Bahá'u'lláh, stofnanda bahá'í
trúarinnar, í Bahjí nálægt borginni
'Akká í Ísrael, er helgasti staður
bahá'ía á jörðinni