Morgunblaðið - 09.10.2007, Blaðsíða 6

6 ÞRIÐJUDAGUR 9. OKTÓBER 2007 MORGUNBLAÐIÐ
FRÉTTIR
Það er satt og ljóst, að mennirnir hafa blekkt og
svikið sjálfa sig, oft hörmulega, þegar mest var í
boði og í húfi.
Síðar meir hafa fallið þungir dómar um þá, sem
töldust bera ábyrgð á slysförum mannkyns af því
tagi. Enginn vildi vera því marki brenndur, sem
þeir fengu og gengu með síðan.
Ekki er hitt síður satt og sannreynt, að menn
hafa fallið fyrir blekkingum og lygum, kropið fyrir
slóttugum föntum, hyllt, kjassað og sleikt hófa og
klær samviskulausra níðinga.
En þegar menn og atburðir liðins tíma eru
dæmdir á einn veg andmælalaust virðist enginn
þurfa að spyrja sjálfan sig, hvernig honum hefði far-
ist á þeim tíma og í sporum þeirra, sem þá féllu illa
á prófi.
Hvort hann hefði stutt eða fellt Sókrates.
Hvort hann hefði játast eða hafnað Kristi.
Og hvað hann styður eða hverju hann bregst á
líðandi tíð.
Allir telja sjálfa sig nánast óhulta fyrir þeirri
glapskyggni, sem hefur valdið þeim óförum á ör-
lagastundum mannkyns, sem eftir á blasa við hverju
auga sem hrópleg smán og myrkvun.
Á öllum tímum virðist það vera lítill minnihluti,
sem hugsar af teljandi alvöru út í það, að líf þeirra
sjálfra kunni að vera lóð á metaskálum góðs og ills í
veröldinni.
En þær stundir sögunnar, þar sem mannkyn af-
hjúpast og verður nakið eitt andartak í því kalda
leiftri, sem sýnir, hvað það getur orðið ægilega
blekkt, eiga erindi við mann allra tíma.
Hver maður ber sína ábyrgð á því, hvort mann-
lífið hneigist fremur þangað í átt, sem sorti grúfir
yfir mannlegri hugsun og atferli, ellegar í þá aðra
stefnu, sem er lýst upp af hugsun og hegðun þeirra
manna, sem helst bregða birtu yfir feril mannkyns-
ins og vekja góða von um framtíð þess.
Sigurbjörn Einarsson
Hvað viltu, veröld? (10)
Eftir Steinþór Guðbjartsson
steinthor@mbl.is
JAAP Hoop de Scheffer, fram-
kvæmdastjóri Atlantshafsbanda-
lagsins, segir að þótt Íslendingar
geti ekki tekið þátt í hernaðar-
aðgerðum NATO hafi þeir lagt sitt
af mörkum á öðrum sviðum og
hann sjái ekki breytingu á frið-
argæslustörfum þeirra enda sé
hann ánægður með stöðu Íslands á
þeim vettvangi.
Geir H. Haarde, forsætisráð-
herra, og Ingibjörg Sólrún Gísla-
dóttir, utanríkisráðherra, áttu í
gær fund með framkvæmdastjóra
NATO. Þar var meðal annars rætt
um flug rússneskra sprengjuflug-
véla yfir Atlantshafi. Jaap Hoop
de Scheffer sagði að málið hefði
verið tekið fyrir hjá NATO-Rúss-
landsráðinu og það væri rétti vett-
vangurinn. Spurður hvort sam-
bandið við Rússa hefði versnað
sagði hann svo ekki vera en NATO
og Rússland væru ekki alltaf sam-
mála.
Farið yfir ýmis erfið mál
Ingibjörg Sólrún Gísladóttir
sagði að fundurinn hefði einkum
snúist um leiðtogafund NATO í
Búkarest á næsta ári og þau mál
sem þar yrðu helst á dagskrá.
Farið hefði verið yfir ýmis erfið
mál eins og stöðuna í Afganistan
og Kósóvó. Eins hefði verið rætt
um norðurslóðir og mikilvægi þess
að menn hefði varann á sér vegna
þessa heimssvæðis, því flest benti
til þess að hér yrðu miklir olíu- og
gasflutningar á komandi árum og
ef siglingaleiðin opnaðist yfir
heimskautið breyttust forsendur.
Að sögn utanríkisráðherra hafði
framkvæmdastjóri NATO fullan
skilning á þessu. Hann hefði sagt
að NATO hefði notið þess á und-
anförnum árum að hafa ekki þurft
að hugsa mikið um norðurslóðir en
líklega þyrftu menn að fara að
huga betur að því.
Jaap Hoop de Scheffer kom til
landsins vegna fundar þingmanna-
samtaka NATO og notuðu for-
sætisráðherra og utanríkisráð-
herra tækifærið til að funda með
honum.
Geir H. Haarde segir að aðeins
hafi verið um viðræður að ræða en
ekki ákvarðanatöku. Hann segist
vera mjög sáttur við stöðuna eins
og hún sé nú gagnvart NATO og
nefnir í því sambandi að Ísland
hafi fengið tillögu um lofthelgiseft-
irlit samþykkta. Málið sé í vinnslu
og gera megi því skóna að bráð-
lega megi sjá hér eftirlitsflug af
hálfu NATO og væntanlega einnig
æfingar.
Segist vera ánægður
með framlag Íslendinga
Morgunblaðið/Golli
Í Ráðherrabústaðnum Geir H. Haarde forsætisráðherra, Jaap de Hoop Scheffer, framkvæmdastjóri NATO, og
Ingibjörg Sólrún Gísladóttir utanríkisráðherra ræða við fréttamenn að fundinum loknum í Ráðherrabústaðnum.
Í DAG fer fram skýrslutaka fyrir Héraðsdómi
Austurlands yfir fimm lettneskum starfsmönnum
GT verktaka ehf. og/eða starfsmannaleigunnar
Nordic Contruction Line (NCL), sem unnið hafa
við Hraunaveitu Kárahnjúkavirkjunar.
Til stóð að taka skýrslur af 13 Lettum, en átta
þeirra eru farnir til Reykjavíkur og jafnvel af
landi brott. Segir AFL, starfsgreinasamband
Austurlands, það vera vegna hótana GT verktaka/
NCL. Mennirnir hafi leitað aðstoðar AFLs vegna
meintra ranginda fyrirtækjanna varðandi launa-
greiðslur og gefið skýrslur til lögreglu um þvinga-
nir og skjalafals. Þeim hafi í kjölfarið verið hótað
því af aðila frá GT verktökum/NCL „að þeir
myndu aldrei fá vinnu hér á landi né í Lettlandi og
þeir fengju ekki farseðla sína […]. Þeim var jafn-
framt boðið að fá farseðla sína afhenta og reynt að
bera á þá fé og áfengi – til að fá þá til að yfirgefa
landið strax,“ segir m.a. í yfirlýsingu frá AFLi.
Lögmaður AFLs, Eva Dís Pálmadóttir hdl.,
hefur kært hótanirnar til lögreglu. Farið var fram
á að lögregla stöðvaði mennina átta sem heltust úr
lestinni, þar sem þeir væru mikilvæg vitni í kæru-
máli. Því var hafnað. Einnig var farið fram á að
Héraðsdómur Austurlands tæki skýrslur af mönn-
unum sem vitnum í einkamálum samstarfsmanna
sinna og verður skýrslutaka þeirra fimm sem eftir
eru í dag. GT verktakar/NCL segja ásakanir
AFLs uppspuna einan og að brugðist verði við
með viðeigandi hætti. Fyrirtækið segist í yfirlýs-
ingu fagna lögreglurannsókn á málefnum lettn-
esku mannanna sem starfa á þeirra vegum.
Samkvæmt samkomulagi sem Vinnumálastofn-
un gerði við Arnarfell í september, þar sem Arn-
arfell ábyrgðist réttar launagreiðslur GT verktaka
og þjónustuaðila þeirra, munu innheimtumál
AFLs snúast m.a. gegn Arnarfelli – en kærur um
þvinganir gegn GT verktökum/NCL.
Tíu Lettar úr Hraunaveitu hafa bæst í hóp
þeirra sem leituðu eftir aðstoð hjá AFLi. Talið er
að um 40 Lettar hafi verið við störf fyrir GT verk-
taka/NCL, undirverktaka Arnarfells við virkj-
unina, til skamms tíma.
AFL segir Lettana hafa verið þvingaða með
hótunum um brottrekstur til að kvitta fyrir mót-
töku mun hærri launa en þeir fengu. Í Lettlandi
hafi verið sami0ð við þá um ca. 135.000 kr. mán-
aðarlaun fyrir dagvinnu, en þeir síðan unnið mun
meira og tímalaun að meðaltali 435 kr. hvort held-
ur unnið var að næturlagi eða að degi til.
AFL segir jafnframt að tvö lykilvitni málsins
séu á leið úr landi; túlkar GT verktaka, sem séð
hafi um að deila út launum og fá undirskriftir
starfsmanna á kvittanir fyrir launagreiðslum.
Aukin harka færist í viðskiptin
Morgunblaðið/Steinunn Ásmundsdóttir
Farnir? Til stóð að taka skýrslur af 13 Lettum,
en átta þeirra eru hugsanlega farnir úr landi.
KRANI á vörubíl stórskemmdist
þegar kraninn rakst upp undir
Höfðabakkabrú í Reykjavík í gær-
morgun. Að sögn lögreglu hafði bíl-
stjórinn gleymt að setja bílkranann
í rétta stöðu og því skagaði hann
lengra upp í loft en góðu hófi
gegndi.
Slökkvilið höfuðborgarsvæðisins
hreinsaði upp glussann sem lak úr
krananum. Töluvert tjón varð á
vörubílnum. Umferð tafðist fremur
lítið enda umferðarkúfurinn að
baki þegar slysið varð, um klukkan
10:30.
Gleymdi
krananum uppi
STJÓRN Heimdallar fagnar þeirri
sátt og samstöðu sem náðst hefur í
meirihluta borgarstjórnar Reykja-
víkur að stefnt sé að því að selja
hlut Orkuveitu Reykjavíkur í dótt-
urfélaginu Reykjavík Energy In-
vest. Þetta kemur fram í ályktun
frá félaginu.
Þar segir ennfremur: „Mikilvægt
er að borgin fái sanngjarnt verð
fyrir sinn hlut og að faglega verði
staðið að sölu á hlut hennar. Kjörið
væri að nýta söluhagnaðinn í fram-
haldinu í að lækka álögur, og færa
ákvörðunina um hvernig skuli nýta
ágóðann, beint í hendur borgarbúa
og annarra eigenda Orkuveit-
unnar.
Heimdallur treystir því að
fulltrúar flokksins í borginni fylgi
eftir hugsjónum og kosningamálum
flokksins og leysi úr þeim ágrein-
ingi sem þar kann upp að koma.
Mikilvægt er að opinber gagnrýni
sé sett fram af ábyrgð og undir
nafni.“
Fagnar sátt
og samstöðu
TVEIR harðir árekstrar urðu á Ak-
ureyri í gærdag og -kvöld. Mildi
þótti að enginn slasaðist alvarlega í
óhöppunum. Annars vegar var um
að ræða árekstur tveggja bíla á
gatnamótum Þingvallastrætis og
Vallagerðis síðdegis, en þar var
jeppa ekið í veg fyrir fólksbíl. Hins
vegar varð árekstur tveggja bíla á
Hjalteyrargötu. Tildrög hans eru
hins vegar ókunn.
Árekstrar á
Akureyri
Ljósmynd/Þorgeir Baldursson
KARLMAÐUR um tvítugt var í gær
dæmdur í tveggja mánaða skilorðs-
bundið fangelsi í Héraðsdómi Vest-
fjarða, fyrir að hafa í tvígang gengið í
skrokk á sama manni síðasta vor. Í
fyrra skiptið skallaði hann manninn
og sló hann hnefahöggum í andlitið,
en í síðara skiptið sló hann manninn í
andlitið og sparkaði í gagnauga
hans. Í bæði skipti hlaut fórnarlamb-
ið nokkra áverka af. Í fyrra skiptið
bólgur og mar, sár og brotna tönn,
en eftir síðari árásina glóðarauga,
bólgur á augnlokum og gagnauga,
bólgur og skrámur á höndum, auk
þess sem flísaðist úr framtönn. Bóta-
kröfur brotaþola hljóðuðu upp á
679.000 krónur, en þær kröfur voru
lækkaðar og ákærði var dæmdur til
þess að greiða honum 365.000 krón-
ur í skaða- og miskabætur.
Játningin virt til málsbóta
Ákærði játaði sök fyrir dómi, en
tók fram í sambandi við síðari árás-
ina að brotaþoli hefði ítrekað verið
búinn að hringja í hann í þeim til-
gangi að mana hann til slagsmála.
Honum var virt til málsbóta að
hafa játað brotin fyrir dómi og að
hann hefur ekki áður hlotið refsingu.
Ennfremur þótti rétt að líta til ungs
aldurs ákærða, en hann var nýorðinn
19 ára þegar hann framdi brotin.
Ólafur Hallgrímsson fulltrúi flutti
málið af hálfu ákæruvaldsins og
Kristinn Halldórsson héraðsdómari
dæmdi í því.
Dæmdur fyrir
tvær líkamsárásir