Morgunblaðið - 09.10.2007, Blaðsíða 18

18 ÞRIÐJUDAGUR 9. OKTÓBER 2007 MORGUNBLAÐIÐ
SUÐURNES
Eftir Helga Bjarnason
helgi@mbl.is
Keflavíkurvöllur | Með þeim samningum um
sölu á íbúðar- og skólahúsnæði á Keflavíkur-
flugvelli sem gengið hefur verið frá og lokið
verður við næstu daga hefur Þróunarfélag
Keflavíkurflugvallar ehf. komið í borgaraleg
not um 80% af því húsnæði sem því var falin
umsýsla með. Heildarsöluverð eignanna er um
16 milljarðar kr. Framundan er aukin áhersla
á skipulagningu gamla varnarliðssvæðisins,
þróun viðskiptatækifæra og hreinsun lands-
ins.
Þróunarfélag Keflavíkurflugvallar hefur
gengið frá sölu á 96 byggingum til Há-
skólavalla ehf. Þar er um að ræða 1.660 íbúðir
auk skrifstofu- og þjónustuhúsnæðis. Söluverð
húsnæðisins er um 14 milljarðar kr. Fasteign-
irnar verða afhentar um áramót.
Að Háskólavöllum ehf. standa fasteigna-
félagið Klasi hf., Glitnir, Fasteignafélagið
Þrek ehf., Sparisjóðurinn í Keflavík og Fjár-
festingafélagið Teigur ehf. Teigur er félag í
eigu Runólfs Ágústssonar framkvæmdastjóra
Keilis og á lítinn hlut en hin fjögur fyrirtækin
eiga nokkurn veginn jafn stóra hluti í Há-
skólavöllum. Markmið félagsins er að þróa
heilsteypt háskólasamfélag sem mun styðja
við þekkingaruppbyggingu á svæðinu. Í samn-
ingum Þróunarfélagsins og Háskólavalla eru
Keili, sem er miðstöð vísinda, fræða og at-
vinnulífs, tryggðar 500 íbúðir til ráðstöfunar
fyrir leiguíbúðir stúdenta. Háskólavellir yfir-
taka þær 340 íbúðir sem Keilir framleigir nú
til eigin stúdenta og háskólanema á höfuð-
borgarsvæðinu. Fær Keilir því fleiri íbúðir til
ráðstöfunar á næstu mánuðum.
Þróunarfélagið hefur einnig selt Keili tvær
skólabyggingar. Annars vegar er um að ræða
húsnæði sem hýsti menntaskóla varnarliðsins,
alls 5.400 fermetrar að stærð, og hins vegar
leikskóla, ásamt byggingarlóðum á svæðinu.
Söluverð eignanna er 320 milljónir kr.
Fyrirhugað er að nota húsnæði mennta-
skólans sem aðalstarfsstöð Keilis, en áður
þarf að vinna að endurbótum þess. Í húsnæði
leikskólans er þegar rekinn leikskóli með yfir
70 börnum og fyrirhuguð stækkun.
„Með þessu er búið að tryggja aðstöðu fyrir
starfsemi Keilis,“ segir Runólfur Ágústsson,
framkvæmdastjóri Keilis, um samninginn við
Þróunarfélagið. Þá fagnar hann því að öflugir
aðilar komi að uppbyggingu og rekstri þekk-
ingarsamfélagsins.
Unnið er að samningum um stofnun sér-
staks hlutfélags um rekstur íþróttamannvirkj-
anna á vellinum, það er að segja íþróttahúss
og sundlaugar. Reykjanesbær og Keilir munu
standa að því með Þróunarfélagi Keflavíkur-
flugvallar og mun hlutafélagið hafa forkaups-
rétt að eignunum. Kjartan Eiríksson, fram-
kvæmdastjóri Þróunarfélagsins, segir að
hlutverk þessa félags verði að koma íþrótta-
mannvirkjunum í not og reyna að afla tekna
til að standa undir rekstri þeirra.
Áður hefur Þróunarfélagið selt atvinnu-
húsnæði, svonefnda Tæknivelli.
„Allar hugmyndir okkar um innri gerð
þessa samfélags eru að ganga eftir,“ segir
Árni Sigfússon, bæjarstjóri í Reykjanesbæ.
Fulltrúar Þróunarfélags Keflavíkurflugvallar,
Háskólavalla, Reykjanesbæjar og Keilis hafa
undirritað yfirlýsingu um samstarf um upp-
byggingu alþjóðlegs háskóla- og þekking-
arsamfélags á háskólasvæðinu.
Árni Sigfússon segir að vel líti út með önnur
verkefni sem unnið hefur verið að á vall-
arsvæðinu, svo sem netþjónabú, kvikmynda-
ver og rannsóknir og þróun í orkumálum.
Skipulagt í samvinnu við kaupendur
Á þeim átta mánuðum sem Þróunarfélagið
hefur starfað hefur félaginu tekist að koma
verulegum hluta fasteigna á gamla varnarliðs-
svæðinu í borgaraleg not. Með þeim samn-
ingum sem þegar hafa verið gerðir og samn-
ingum sem verið er að ljúka verða um 80%
fasteignanna seldar, fyrir alls um 16 milljarða
króna, að sögn Kjartans Eiríkssonar fram-
kvæmdastjóra. Eftir eru meðal annars bygg-
ingar í nágrenni gamla herspítalans og fleira.
Kjartan er ánægður með það verð sem
fengist hefur fyrir eignirnar. Getur í því sam-
bandi um þær miklu kvaðir sem fylgja eign-
unum næstu árin sem takmarka möguleika
kaupendanna á að selja þær og leigja.
Spurður að því hvernig Þróunarfélagið
muni nota þá fjármuni sem það fær við sölu
eignanna segir Kjartan að framundan sé dýr
vinna við skipulag landsins, þróun tækifæra
og hreinsun svæðisins.
Byggðakjarninn á Vellinum er á um tveggja
ferkílómetra svæði af alls um 50 ferkílómetr-
um sem Þróunarfélagið fékk til þróunar og
umsýslu. Kjartan segir að nú verði lögð aukin
áhersla á vinnu við skipulag svæðisins, í sam-
vinnu við þau félög sem keypt hafa húsnæði á
svæðinu og Reykjanesbæ. Skipuleggja þurfi
svæðið alveg upp á nýtt til að draga ramma
um þá starfsemi sem þar verður í framtíðinni.
Þá segir Kjartan að áfram verði haldið und-
irbúningi að hreinsun, meðal annars með
rannsóknum.
Meirihluti fasteigna á vellinum seldur
Morgunblaðið/Ómar
Þorp Byggðakjarninn á Keflavíkurflugvelli nær yfir tvo ferkílómetra. Búið er að selja margar
fasteignir þar. Utan hans er tæplega fimmtíu ferkílómetra svæði á vegum Þróunarfélagsins.
Í HNOTSKURN
»Markmið og tilgangur KADECO erað leiða þróun og umbreytingu á
fyrrum varnarsvæðinu á Keflavík-
urflugvelli til borgaralegra nota.
»Ríkið fól félaginu einnig að annastrekstur, umsjón og umsýslu eigna á
svæðinu og hreinsun landsins.
Aukin áhersla verður
nú lögð á endurskipu-
lagningu svæðisins
Blönduós | Jóna Fanney Friðriks-
dóttir, bæjarstjóri á Blönduósi,
hefur ráðið sig í starf fram-
kvæmdastjóra Landsmóts hesta-
manna. Um er að
ræða tímabundið
starf, í ár.
„Mér bauðst
þetta starf og
ákvað að breyta
til,“ segir Jóna
Fanney um
ákvörðun sína.
Hún hefur ver-
ið bæjarstjóri
Blönduósbæjar í
tæp sex ár. Við
síðustu kosningar var hún bæj-
arstjóraefni nýs framboðs, E-
listans, sem náði meirihluta í bæj-
arstjórn. Jóna Fanney tilkynnti
uppsögn sína á aukafundi bæjar-
stjórnar í síðustu viku, nokkuð
óvænt.
Jóna Fanney segist taka við nýju
starfi um leið og hún nái að ljúka
sínum málum í bæjarstjórastarfinu.
Það komi í ljós á næstu dögum
hvenær það verði. Hún tekur fram
að hún muni búa á Blönduósi og
sitja áfram í bæjarstjórninni.
Hið nýja verkefni Jónu Fann-
eyjar tengist aðaláhugamáli henn-
ar, hestamennsku. Ásamt manni
sínum rekur hún ræktunarbú og
hestamiðstöð í Hnúkahlíð, rétt við
Blönduós.
Landsmót hestmanna verður
næst haldið á Gaddstaðaflötum við
Hellu 30. júní til 7. júlí á næsta ári.
Verkefni hennar lýkur þegar
gengið hefur verið frá eftir mótið.
„Ég sé svo til hvað þá tekur við,“
segir Jóna Fanney. Hún lætur þess
getið að fyrsta verkefni hennar í
nýju starfi verði að semja við veð-
urguðina um gott veður á lands-
mótinu.
Bæjarstjóri und-
irbýr landsmót
hestamanna
Jóna Fanney
Friðriksdóttir
LANDIÐ
Húsavík | Húsvíkingar og íbúar Tjör-
ness voru án rafmagns í tæpar sjö
klukkustundir sl. laugardag. Staður-
inn fær aðra tengingu með fram-
kvæmdum á álverslóð.
Rafmagnið fór af rétt fyrir klukkan
hálf tíu um morguninn. Að sögn
Hreins Hjartarsonar, framkvæmda-
stjóra Orkuveitu Húsavíkur, sló
Húsavíkurlína út vegna ísingar milli
aðveitustöðvar og Katla, alveg við
bæinn. Hreinn segir að erfitt hafi ver-
ið að eiga við málið. Ísingin hafi verið
lítil og varla sést frá jörðu en sest á
rafmagnslínurnar eins og flugvéla-
vængi. Við það hafi línurnar slegist
saman.
Landsnet er eigandi Húsavíkur-
línu. Þegar ekki tókst að koma raf-
magni á að nýju og ljóst var að bilunin
væri viðvarandi voru kallaðir út við-
gerðarmenn. Mesta ísingin var við
Þorvaldsstaðargil og þar voru jafn-
framt frekar erfiðar aðstæður. Voru
félagar í björgunarsveitinni Garðari
því fengnir til aðstoðar.
Aðspurður segist Hreinn vita til
þess að rafmagnsleysið hafi valdið
erfiðleikum í frystihúsi og víðar en
ekki sé vitað um tjón.
Hreinn segir að Orkuveitan hafi
varaafl, þegar bilanir verði í kerfi
veitunnar, sem gripið sé til þegar útlit
sé fyrir að viðgerð taki langan tíma.
Miðað sé við tíu tíma enda taki langan
tíma að koma dísilstöð og orkustöð-
inni á Húsavík af stað. Landsnet hafi
ekki varaafl til að grípa til þegar bil-
anir verði á Húsavíkurlínu. Tekur
Hreinn fram að álverslóðin á Bakka
muni tengjast raforkukerfinu á öflug-
an hátt, þegar framkvæmdir hefjist.
Sú tengist muni gagnast Húsavík
sem önnur tenging við raforkukerfið.
Ljósmynd/Hreinn Hjartarson
Ísing Björgunarsveitarmenn úr Garðari á Húsavík voru fengnir til að
aðstoða viðgerðarmenn Landsnets við Þorvaldsstaðargil á Húsavík.
Án rafmagns í
sjö klukkustundir
Raufarhöfn | „Mig lang-
aði bara til að prófa. Við
gerum svo góða kjöt-
súpu, ég og pabbi,“ segir
Brynjar Þór Ríkharðs-
son, nýkrýndur kjötsúpu-
meistari Íslands. Brynjar
Þór er fimmtán ára nem-
andi í grunnskólanum á
Raufarhöfn.
Efnt var til kjötsúpu-
keppninnar í tengslum
við hrútadaga á Rauf-
arhöfn. Hrútadagar eru
markaður fyrir lamb-
hrúta og koma bændur af
öllu landinu til að kaupa
hrúta til undaneldis. Í
tengslum við markaðinn
er efnt til dagskrár.
Fjöldi fólks kom til Rauf-
arhafnar af þessu tilefni.
Aðstandendur keppn-
innar höfðu fengið þátt-
tökutilkynningar frá
þekktum matreiðslu-
meisturum og fyrir-
tækjum en vegna veðurs fækkaði
verulega í hópnum. Brynjar Þór
fékk þó harða keppni því grunnskól-
inn á Raufarhöfn tók einnig þátt.
Gestir í Faxahöllinni fengu að
smakka á kjötsúpunni og gáfu henni
einkunn. Brynjar Þór stóð uppi sem
sigurvegari og fékk bikar með
áletruninni: Kjötsúpumeistari Ís-
lands.
Brynjar Þór segist stundum byrja
á kjötsúpunni, þegar pabbi hans er
ekki heima, og stundum eldi hann
súpuna alveg sjálfur. Uppskriftin er
hins vegar frá afa hans sem býr á
Flögu í Þistilfirði.
Brynjar fékk góð viðbrögð þegar
Fimmtán ára kjötsúpumeistari Íslands
Uppskriftin er frá
afa í Þistilfirði
Efnilegur Brynjar Þór Ríkharðsson, kjötsúpu-
meistari Íslands, með verðlaunabikarinn.
Morgunblaðið/Kristbjörg Sigurðardóttir
hann gaf gestum á hrútamark-
aðnum að smakka, svo góð að súpan
kláraðist á stuttum tíma. „Ég hefði
þurft að elda meira,“ segir Brynjar.
Hann segir að skemmtilegra hefði
verið að fá keppni frá þekktum mat-
reiðslumeisturum, eins og Friðriki
V. á Akureyri, eins og til stóð, en
heldur þó ekki að orðspor súpunnar
hans hafi hrætt þá frá þátttöku.
Draga þurfti Brynjar Þór í sím-
ann í frímínútum í skólanum í gær
því hann var í fótbolta með félögum
sínum. Hann segist einnig hafa
áhuga á torfæruvélhjólum en hann
á sjálfur öflugan krossara sem hann
notar aðallega í sveitinni.