Morgunblaðið - 09.10.2007, Blaðsíða 8

8 ÞRIÐJUDAGUR 9. OKTÓBER 2007 MORGUNBLAÐIÐ
FRÉTTIR
Í TILEFNI af 50 ára afmæli Félags
frímerkjasafnara fyrr á þessu ári
heldur félagið veglega sýningu í
Ráðhúsi Reykjavíkur 11.-14. októ-
ber næstkomandi, í samstarfi við
Myntsafnarafélag Íslands. Mikill al-
þjóðlegur áhugi er á sýningunni og
frá Svíþjóð koma til dæmis 25 með-
limir. Tæplega 40 einstaklingar og
félagasamtök sýna efni á sýning-
unni, allt frá frímerkjum til síma-
korta.
Margt góðra safna verður til sýn-
is en áhugaverðasti einstaki hlutur-
inn verður að teljast „Biblíubréfið“,
en það ber heiti sitt vegna þess að
það er sagt hafa fundist í gamalli
fjölskyldubiblíu árið 1972, eða 97
árum eftir að það var sent. Bréfið
tilheyrir safni Douglas Storcken-
feldt greifa frá Svíþjóð, en hann
keypti það í safn sitt fyrir 1,6 millj-
ónir sænskra króna árið 2005 af
uppboðsfyrirtæki í Sviss.
Það er von þeirra sem að sýning-
unni standa að hún muni vekja
áhuga yngri kynslóðarinnar á frí-
merkjasöfnun. Heimasíða félagsins
er www.frimerki.is/ff.
Verðmæt frímerki á sýningu
Verðmætt „Biblíubréfið“ fannst í
gamalli fjölskyldubiblíu 97 árum
eftir að það var sent.
SÉRA Arna Grétars-
dóttir, fyrrverandi
prestur á Seltjarnar-
nesi, var sett prestur
hjá íslenska söfnuð-
inum í Noregi á
sunnudag. Athöfnin
fór fram í Norberg-
kirkju, sem er safn-
aðarkirkja Íslendinga
á Óslóarsvæðinu.
Séra Sigurður Sig-
urðarson, vígslu-
biskup í Skálholti,
setti séra Örnu inn í
embættið við hátíð-
lega athöfn þar sem
Ískórinn söng undir
stjórn nýs norsks kór-
stjóra og fyrrverandi prestur safnaðarins, Helgi Hróbjartsson, og sóknar-
presturinn í Norbergkirkju, séra Gunnar Norberg, fluttu ræður og buðu
sóknarprestinn velkominn. Sóknin nær frá Kristiansand í suðri allt til
Hammerfest í norðri, segir í frétt frá söfnuðinum. Messað er að minnsta
kosti einu sinni á ári í Kristiansand, Stavanger, Bergen, Þrándheimi og
Tromsö auk þess að sjá um fermingarundirbúning barna.
Settur prestur í Noregi
Prestar Helgi Hróbjartsson, Arna Grétarsdóttir,
Sigurður Sigurðarson og Gunnar Norberg.
HERBERT Valdimarsson, starfs-
maður í Þjónustumiðstöð Hafnar-
fjarðarbæjar, hefur nú hætt störf-
um hjá bænum eftir 44 ár. Herbert
vann sem vélamaður í þjónustu-
miðstöðinni eða í áhaldahúsinu eins
og það hét áður. Vinir og sam-
starfsmenn Herberts héldu kveðju-
hóf fyrir hann í þjónustumiðstöð-
inni og Lúðvík Geirsson bæjarstjóri
heimsótti Herbert sl. föstudag og
færði honum mynd sem þakklætis-
vott fyrir vel unnin störf í þágu
bæjarins.
Vélamaður hjá
bænum í 44 ár
Í Hafnarfirði Herbert Valdimars-
son og Lúðvík Geirsson bæjarstjóri.
SAMGÖNGURÁÐHERRA verða í
dag afhentar undirskriftir yfir
1.000 manns sem mótmæla gjald-
töku í Hvalfjarðargöng. Í mótmæl-
unum segir að húsbílaeigendur og
ferðafólk mótmæli gjaldtöku í
Hvalfjarðargöng. „Hvergi annars
staðar á landinu er tekinn vegtollur
af þjóðvegi nr. 1. Bifreiðaeigendur
greiða nú þegar rúmlega 47 millj-
arða í bifreiðatengd gjöld en aðeins
18,5 milljarðar skila sér til vega-
framkvæmda og viðhalds. Við telj-
um því að svigrúm sé til að jafna
stöðu ferðafólks og rétta hlut íbúa á
Vesturlandi,“ segir í áskoruninni.
Gegn gjaldtöku
Í TENGSLUM við Vinnuverndar-
vikuna 2007, „Hæfilegt álag er
heilsu best“, óskar Vinnueftirlit
ríkisins eftir ábendingum um fyrir-
myndarfyrirtæki. Fyrirhugað er að
veita vinnustöðum viðurkenningu
sem standa sig vel í að skapa góðar
vinnuaðstæður þar sem álag á
hreyfi- og stoðkerfið við vinnu er
heppilegt og breytilegt.
Ábendingarnar skal senda á gud-
mundur@ver.is fyrir 15. október
nk. Nánari upplýsingar á heimasíð-
unni www.vinnueftirlit.is.
Hæfilegt álag
G
O
TT
F
Ó
LK

20%
18%
16%
14%
12%
10%
8%
6%
4%
2%
0%
Líf I
16 - 44 ára
Líf II
45 - 54 ára
Líf III
56 - 64 ára
Líf IV
65 ára og eldri
Nafnávöxtun sl. 5 ár
Nafnávöxtun sl. 12 mán.
Nafnávöxtun á ársgrundvelli miðast við 31. júlí 2007.
Traust eignastýring Íslenska lífeyrissjóðsins
Lífeyrissparnaður er einn verðmætasti sparnaðurinn þinn og því er mikilvægt að ávaxta
hann rétt. Með traustri eignastýringu hefur Íslenski lífeyrissjóðurinn náð góðri ávöxtun
fyrir viðskiptavini sína og þannig tryggt þeim fjárhagslegt frelsi við starfslok.
Hafðu samband við ráðgjafa okkar í 410 4040 og fáðu nánari upplýsingar
um Íslenska lífeyrissjóðinn.
Í MYNDSKREYTTRI heilsíðu-
grein Þráins Bertelssonar í Frétta-
blaðinu á sunnudag leggur hann
ranglega útaf bréfi sem Hrafn
Gunnlaugsson skrifaði mér á sínum
tíma og vitnað er til í dagbókum
mínum á netinu. Bréfið fjallar um
gagnrýni Hrafns á mig sem rit-
stjóra Morgunblaðsins og Sjálf-
stæðisflokkinn fyrir linkind í barátt-
unni við kommúnista á kaldastríðs-
árunum. Þar er talað um nauðsyn
þess að verjast kommúnistum sem
stjórnuðu menningarmafíunni á
þeim hrollköldu árum og gagnrýnt
hvernig þeir eru látnir vaða uppi,
enda var það svo að borgaralegir
listamenn voru hundeltir og áttu
undir högg að sækja eins og harkan
var.
Þráinn rangtúlkar bréf Hrafns
auðvitað viljandi og segir það sýni
ofsóknir á hendur honum og félög-
um hans. Kallar þá fasista sem
veittu honum ekki aðstoð eða styrki,
en það var orðbragð stalínista á sín-
um tíma, nú merkingarlaus klisja
eins og Þráinn ætti að vita.
Grein Þráins er kaldastríðsstagl
og þeir ættu að lesa hana sem
þekktu það ekki og vilja kynnast
því, ómenguðu. Á Þjóðviljaárunum
var ég uppnefndur mccarþýisti og
grein Þráins nú er skrifuð í anda
þeirrar arfleifðar, enda varð hann
ritstjóri Þjóðviljans, þegar þessi
andi sveif yfir vötnum.
Sízt af öllu átti ég von á svona út-
úrsnúningi frá Þráni, en hann hefur
semsé ekki losað sig við arfleifð
kaldastríðsins þarna í nýja skjólinu
af Baugs-auðvaldinu. Hann gerði
nokkuð góða kvikmyndasyrpu frá
Vestmannaeyjum á sínum tíma, eins
og ég sagði honum þá, og á að gleðj-
ast yfir því, en ofsjónir vegna til-
vistarárangurs Hrafns Gunnlaugs-
sonar eru sálarhnútur sem mér er
með öllu óviðkomandi, enda veit ég
ekkert um kjötkatla þeirra kvik-
myndagerðarmanna, hvorki fyrr né
síðar.
Sjálfsvorkunn Þráins Bertels-
sonar og gamaldags pólitískur ofsi
eins og hann birtist í rangtúlkunum
hans eru ekki mitt vandamál, eða
Morgunblaðsins.
Þetta eru vandamál Þráins sjálfs.
(Sjá ennfremur matthias.is )
Matthías Johannessen,
fyrrum ritstjóri
Morgunblaðsins.
Draugagangur í Fréttablaðinu
Eftir Önund Pál Ragnarsson
onundur@mbl.is
„OKKUR vantaði einfaldlega betra
nafn sem sker okkur meira frá hin-
um blöðunum,“ segir Ólafur Þ.
Stephensen, ritstjóri fríblaðsins 24
stunda, sem áður hét Blaðið og
kemur nú út með nýju útliti og nýj-
um áherslum. 24 stundir eru, rétt
eins og forverinn, gefnar út af Ár-
vakri hf. og birtist fyrsta tölublaðið í
dag.
Mörg erlend fríblöð heita hlið-
stæðum nöfnum, eins og 24 timer í
Danmörku, eins og margir blogg-
arar bentu á í gær þegar tilkynning
barst um nafnbreytinguna. „Þó
þetta nafn sé ekki nýtt undir sólinni,
frekar en önnur nöfn blaða á Ís-
landi, finnst okkur það vera nútíma-
legt og fréttalegt og undirstrika
okkar útgáfustefnu. Hún er sú að
fylgjast vel með málum sem snerta
daglegt líf okkar lesenda 24 stundir
á sólarhring. Nafnið vísar líka til
þess að blaðið er efnismikið og á að
endast fólki þangað til næsta blað
dettur inn um lúguna,“ segir Ólafur.
Helgarútgáfan efld til muna
Meðfram útlitsbreytingunum
heldur efnisleg þróun blaðsins
áfram, en að sögn Ólafs verður helg-
arútgáfan efld sérstaklega. „Hún
verður stærri og efnismeiri en verið
hefur, alls kyns nýtt efni kemur inn
á laugardögum,“ segir hann. Til við-
bótar við fasta liði eins og helg-
arviðtalið, sem verið hefur vinsælt
hjá Blaðinu, verða fleiri viðtöl,
fréttaskýringar og úttektir auk þess
sem barnasíða og krossgáta bætast
við úrvalið svo eitthvað sé nefnt.
Stefnt er að því hjá 24 stundum að
efla frekar umfjöllun um mál sem
varða nærumhverfi lesenda og
beina hagsmuni almennings. „Við
viljum taka okkur stöðu með neyt-
endum, skattgreiðendum og notend-
um almannaþjónustu og höfum aug-
un á þeirra hagsmunum. Við tökum
þátt í að veita þeim sem selja vörur
og veita þjónustu aðhald,“ segir
Ólafur.
Ungir lesendur fá meira
Þá segir ritstjórinn að efni fyrir
lesendur frá tólf ára og upp fyrir
tvítugt verði gerð betri skil en áður.
„Við erum að gera efniviðnum fyrir
okkar yngri lesendahóp mun hærra
undir höfði aftast í blaðinu. Þannig
leggjum við héðan í frá meiri
áherslu á umfjöllun um dægur-
menningu og lífsstíl ungs fólks.
Daglega verður umfjöllun um hvers
kyns tækni, tölvur og Netið, sem er
nú mjög ríkur þáttur í lífi ungs fólks
í dag. Ellý Ármanns verður með
sinn dálk um frægt og áberandi fólk
í þjóðfélaginu á baksíðunni, sem við
gerum ráð fyrir að verði mikið les-
inn,“ segir Ólafur.
Sá dálkur mun vísa í vefsíðuna
sem Ellý heldur úti á mbl.is og öf-
ugt. Stefna hins nýja blaðs er einnig
að auka gagnvirkni við vefinn
mbl.is. Meira efni á borð við dóma
um bíla, tölvuleiki og slíkt mun því
streyma inn á vefinn í formi mynd-
skeiða, svo lesendur geti glöggvað
sig á dómum í blaðinu og fengið svo
meira á Netinu, að sögn Ólafs. „Við
ætlum að nýta báða miðla til fulls.“
Stjórnendur 24 stunda hafa sett
sér það markmið að ná 60% lestri á
blaðinu fyrir lok árs 2008, en fyrr-
nefndar breytingar eru þáttur í því.
„24 stundir“ verði
blað sem sker sig úr
Morgunblaðið/G.Rúnar
Ný handtök Starfsfólkið fundaði um breytingarnar í gærmorgun og vann
svo hörðum höndum að fyrsta eintakinu í gær, enda að mörgu að huga.
24 stundir Nafnið vísar til þess að blaðið sé bæði efnismikið og árvökult.
stundir24