Morgunblaðið - 11.10.2007, Síða 35

MORGUNBLAÐIÐ FIMMTUDAGUR 11. OKTÓBER 2007 35
SKJÓTT skipast veður í lofti. Það
eru ekki nema nokkrir mánuðir síð-
an ríkið ákvað að losa um 15% eigna-
hlut sinn í Hitaveitu Suðurnesja,
sem þeir eignuðust við að veita fyr-
irtækinu ríkisábyrgð og stuðning í
upphafi starfseminnar. Auðvitað má
segja að eðlilegt geti talist að ríkið
hafi tekið hæsta tilboðinu sem barst,
frá Geysir Green Energy. Og ekki
svo skrýtin viðbrögð stjórnenda
Reykjanesbæjar að leggjast á sveif
með þeim GGE-mönnum í framhald-
inu, þar sem þeir höfðu þá nýverið
opnað aðalskrifstofur sínar hér í
Reykjanesbæ, og verið ötulir við að
styrkja þá starfsemi sem þá var ný-
hafin á Keflavíkurflugvelli þ.e. Keili.
Forsvarsmenn GGE létu þá hafa
eftir sér að einn megintilgangurinn
með kaupum sínum að væri að gott
að geta sýnt erlendum viðskipta-
félögum hvernig hlutirnir væru
gerðir og sýnt bæði virkjanirnar á
Svartsengi og Reykjanesi. Eftir
mikinn ólgusjó þar sem tekist var á
um eignarhaldið í Hitaveitu Suð-
urnesja var svo undirrituð sátt um
eignarhaldið í byrjun júlí síðastliðins
þar sem menn töldu sig hafa gert
samning um tryggar skorður um
eignarhaldið og hugðust einhuga
standa saman um að vinna ötullega
að vexti og viðgangi HS sem sjálf-
stæðs og öflugs orkufyrirtækis. Við
það tilefni sagði forstjóri Geysir
Green Energy „Við teljum það mikið
ábyrgðarhlutverk að vera hluthafar í
fyrirtæki eins og hitaveitan er og
það er okkar markmið að félagið
haldi áfram að vaxa og dafna, öllum
hagsmunaaðilum félagsins, við-
skiptavinum og öðrum til heilla.“
Menn litu bjartsýnir til framtíðar og
töldu að hag þess fyrirtækis, sem
byggt hafði verið upp af almannafé
undanfarin 30, ár væri borgið og
menn myndu standa við innihald
sáttarinnar. Hlutur Reykjanesbæjar
eftir samkomulagið var metinn á 18,
5 milljarða kr.
Markaðurinn hefur sinn gang,
segja spekingarnir, og án þess að því
er virðist að tala við kóng eða prest
ákveða eigendur GGE að sameinast
útrásararmi Orkuveitu Reykjavíkur,
Reykjavík Energy Invest með þeim
rökum að fyrirtækin væru byrjuð að
rekast á hvort annað á erlendum
mörkuðum. Flestir eru sammála um
að sú gjörð í sjálfu sé bæði skyn-
samleg og rétt, um það er ekki deilt.
Hinsvegar held ég að það sé nánast
samdómaálit allra að aðferðafræðin
sem beitt var við þessa sameiningu
er alls ekki í anda þess lýðræðis sem
við Íslendingar teljum okkur standa
fyrir.
Af því er best verður séð af frétt-
um þeim er berast af málinu hafa t.d
hvorki stjórn hitaveitunnar né bæj-
arstjórn Reykjanesbæjar fengið
möguleika á að tjá sig um málið fyrr
en það var gengið í gegn. Við sam-
einingu REI og GGE lögðu félögin
OR og GGE inn eignarhluta sína í
Hitaveitu Suðurnesja sem nú er
48%.
Hugmyndir hafa verið uppi um að
skipta hitaveitunni upp þannig að
Reykjanesbær eignist meirihluta í
fyrirtæki sem tryggir að vatn, hiti,
og rafmagn ásamt frárennsli verði í
meirihlutaeign Reyknesinga, en öll
réttindin því fylgjandi verði í hönd-
um REI. Þetta myndi þýða fyrir
okkur íbúa Suð-
urnesja, Hafn-
arfjarðar og Vest-
mannaeyja að við
verðum undir hælnum
á REI hvað varðar
verðlagningu á þess-
um gæðum. Þetta get-
ur í mínum huga ekki
verið það sem var lagt
upp með þegar ríkið
ákvað að selja hlut
sinn og samræmist
ekki á nokkurn hátt
þeim hugmyndum sem
kynntar voru í aðdraganda sölunnar.
Það er alveg ljóst af viðbrögðum
fólks án tillits til flokksskírteina, án
tillits til búsetu, að
flestum finnst hér heldur bratt
farið og skilja ekki þann hraða sem á
málinu er.
Eftir atburði dagsins
í dag 8/10 skyldi maður
ætla að þeir sem ennþá
ráða yfir meirhlutanum
í Hitaveitu Suðurnesja
þ.e. Reykjanesbær
34,75%, Hafnarfjörður
15,42%, Grindavík,
Sandgerði, Garður og
Vogar 1,25%, haldi að
sér höndum þar til
menn hafa orðið sam-
mála um hvernig að-
komu einkaaðila að
orkufyrirtækjum skuli
háttað og almenn sátt náist þar um.
Það myndi vera í anda sátt-
arsamkomulagsins sem menn und-
irrituðu á sumarmánuðum.
Skjótt skipast veður í lofti
Hannes Friðriksson vill sátt um
Hitaveitu Suðurnesja »Menn litu bjartsýnirtil framtíðar og
töldu að hag þess fyr-
irtækis, sem byggt hafði
verið upp af almannafé
undanfarin 30 ár væri
borgið.
Hannes Friðriksson
Höfundur er innanhússarkitekt og
íbúi í Reykjanesbæ.
Rakarastofan
Klapparstíg
S: 551 3010
Hair play frá
Rakarastofan
Klapparstíg
Fréttir
í tölvupósti