Morgunblaðið - 09.11.2007, Qupperneq 27

vaxtarsprotar
MORGUNBLAÐIÐ FÖSTUDAGUR 9. NÓVEMBER 2007 27
Hreiðar Karlsson segir nýjategund af kjöti komna á
markaðinn sem veki áhuga
fréttamanna:
Segðu þegar frá sönnunum,
sjáirðu nokkurn vott um
kjöt sem er haft í könnunum,
en hvergi að finna í pottum.
Hjálmar Freysteinsson telur að
þetta eigi við um sérstaka tegund
af kjúklingabringum:
Sá sem fáa aura á
ætti að gerast slyngur.
Viljirðu spara veldu þá
verðkönnunarbringur.
Kristján Eiríksson yrkir
tilbrigði:
Sá sem fáa aura á
eygir tækifæri
í versluninni velur þá
verðkönnunarlæri.
Þá Pétur Stefánsson:
Sá sem fáa aura á
að því gjarnan hyggi;
í versluninni velja má
verðkönnunarhryggi.
Og Stefán Vilhjálmsson:
Sá sem fáa aura á
ætti að skoða það,
vel að gá og vísast fá
verðkönnunarspað.
Kristján segir jafnvel
stórskuldara geta gert sér gott í
munn á sláturtíðinni:
Sá sem ber hér öxlum á
okurlánaþunga
í versluninni velja má
verðkönnunarpunga.
Og Jóhannes Sigmundsson frá
Syðra-Langholti:
Sá sem fáa aura á
ætti að verða kátur,
því í verslun velja má
verðkönnunarslátur.
Loks Hólmfríður
Bjartmarsdóttir á Sandi í Aðaldal,
sem ætlar út í búð þegar
lágvöruverðsverslanir fá
vínsöluleyfi:
Ég sem fáa aura á
alger sveitajússa.
Í verslanirnar vil ég fá
verðkönnunarsjússa.
VÍSNAHORNIÐ
Af vörum
og verð-
könnunum
pebl@mbl.is
Eftir Karl Sigurgeirsson
karl@fosvar.is
Pálína Fanney Skúladóttir býrá Laugarbakka í Miðfirði,með manni sínum, Einari
Georg Einarssyni og tveimur börn-
um þeirra, Bergþóru Fanney og
Ásgeiri Trausta. Hún segist vera
sveitastúlka, ólst upp austur á Hér-
aði og var í grunnskóla á Hallorms-
stað. Þar bjó hún á heimavist og
kvöldin og frítímar fóru að mestu í
margvíslegt handverk, enda mikil
hefð fyrir slíku á staðnum.
Hún hafði þá snemma áhuga á
kirkjutónlist og söng í kór heima-
kirkju sinnar á Þingmúla 12 ára
gömul. Er hún var í skóla á Akra-
nesi hóf hún síðan nám í orgelleik,
hélt því svo áfram í Kópavogi hjá
norskum kennara, Ann Torild
Lindstad og fór loks til Svíþjóðar í
enn frekara nám. Pálína er nú
kirkjuorganisti og grunnskólakenn-
ari í Húnaþingi vestra.
Náttúran í ull
Prjónaskapurinn hefur sömuleið-
is fylgt Pálínu frá unga aldri og því
fannst henni kjörið tækifæri að
nýta sér þann grunn þegar boðið
var upp á kynningarfund hjá
Impru nýsköpunarmiðstöð, sem
haldinn var á Gauksmýri í Húna-
þingi í febrúar sl. Í framhaldi
ákvað hún að fara með viðskipta-
hugmynd sem hún hafði og að
sækja námskeið um stofnun fyrir-
tækis. Verkefnið er einnig styrkt af
Framleiðnisjóði landbúnaðarins,
Búnaðarsambandi og atvinnuráð-
gjöf svæðisins.
Verkefni Pálínu hefur hlotið heit-
ið „Náttúran í ull“ og felst í vinnslu
á vörum úr náttúrulituðu ull-
arbandi. Bandið kaupir hún einkum
af Ístex ehf., einspunnið úr hvítri
íslenskri ull. Það litar hún síðan
með efnum sem unnin eru úr jurt-
um sem eru soðnar upp og búinn
til lögur af. Segir Pálína fjölmargar
jurtir gefa góð litarefni, m.a. rab-
babararætur, njóla, hundasúrur,
sortulyng, gulmuru, fjalldrapa,
blóðberg. Til að festa liti betur í
bandinu notar hún síðan edik, sem
einnig er náttúruafurð. Pálína segir
jurtalitun aldagamla og trúlega
hafa verið stundaða allt frá land-
námi. Ferillinn er að hennar sögn
augljós, þar sem ullin er að-
alhráefnið og litarefnin í náttúrunni
allt í kring. Engin skaðleg eru
heldur notuð við litunarferlið og af-
gangur jurtanna fer í safnkassann.
Pálína styðst við tvær gamlar bæk-
ur um jurtalitun og er önnur frá
því um aldamótin 1900.
Þegar bandið er tilbúið til notk-
unar prjónar Pálína margvíslegan
fatnað, t.d. kjóla, skokka, herðasjöl
og handskjól og má á heimilinu
finna margvíslegar flíkur og
smærri muni úr ullarbandinu. Þeg-
ar Pálína er síðan orðin sátt við út-
komuna, gerir hún mynstur-
teikningu og setur í söluumbúðir
ásamt hæfilegu magni af ullarbandi
fyrir gerð flíkurinnar. Að hennar
mati er þetta betri leið en að selja
bandið í lausu máli, þar sem erfitt
getur verið að fá sömu liti í stærri
einingum.
Pálína segir að sér hafi komið á
óvart, hve auðvelt var að koma
þessari hugmynd sinni yfir í fyrir-
tæki og það verður áhugavert að
fylgjast með þessu metnaðarfulla
verkefni í framtíðinni.
Útkoman Flíkur hannaðar og
prjónaðar af Pálínu.
Litað samkvæmt
aldagamalli hefð
Morgunblaðið/Karl Sigurgeirsson
Jurtalitun Pálína kaupir hvíta ull og litar sjálf.
Vaxtasprotar nefnist verkefni sem
snýst um atvinnusköpun í sveitum
og hefur fjölmennur hópur fólks á
Suðurlandi og í Húnaflóa tekið
þátt í því.
- kemur þér við
Íbúar á Grettisgötu
ekki brugðið við eld
Var finnski fjölda-
morðinginn eftirherma?
Margrét Frímanns
fer á Litla-Hraun
Sighvatur er ekki
lengur í fallöxinni
Kiddi rokk er með
tónleikabakteríuna
Flugfreyja flýgur inn
í þulustarfið á RÚV
Hvað ætlar þú
að lesa í dag?