Morgunblaðið - 09.11.2007, Síða 46

Ég er í þeim forrétt-
indahópi að helsta
áhugamál mitt er líka vinnan
mín… 51
»
reykjavíkreykjavík
konu sína og syni, pikkaði upp gítar
og brenndi svo áfram til Ísfjarðar.
Úti í horni sat blaðamaður og lapti á
kaffi, en vestur var hann kominn til
að fylgjast með útgáfutónleikum
Mugisons vegna þriðju plötu hans,
Mugiboogie.
Það var gríðarleg stemning fyrir
tónleikunum í byggðarlaginu – og
maður fann vel fyrir því hversu
hreyknir íbúar þar eru af honum
Mugga sínum. Mestum hamförum á
tónleikadaginn fór samt Papamug,
pabbi Mugisons, sem græjaði allt
sem þurfti að græja bæði fyrir og
eftir tónleika. Eldaði meira að segja
kássu fyrir hljómsveitina og keypti
handa henni bjór. Mugison verður
annars á höfuðborgarsvæðinu um
helgina og ég mæli ekki með því við
nokkurn mann að missa af tón-
leikum hans hér, en hann verður í
Hafnarfirði á morgun og í Reykjavík
á sunnudaginn.
Eftir Arnar Eggert Thoroddsen
arnart@mbl.is
ÉG má víst teljast nokkuð heppinn
að hafa komist frá Reykjavík til Ísa-
fjarðar og aftur til baka á innan við
sólarhring – með flugvél. Algengt er
að lendingarskilyrði fyrir vestan séu
hreinlega ekki fyrir hendi. Og víst
fékk maður hefðbundinn skammt af
hristingi á meðan fjallið og fjörð-
urinn göptu við manni í aðfluginu.
Mugison og sveit hans tóku hins
vegar enga áhættu og keyrðu sam-
dægurs til Ísafjarðar frá Reykjavík
frekar en að fljúga. Þessi sonur
Súðavíkur renndi svo í hlaðið heima
hjá tengdamóður sinni, sem býr við
hliðina á honum, tveimur og hálfum
tíma fyrir gigg. Smellti kossi á Rúnu
Kássu og bjór fyrir strákana
Flottur Mugison á þriðjudaginn.
 Í tilefni af Degi
íslenskrar tónlist-
ar í dag munu Rás
1 og Rás 2 senda
beint út frá Organ
við Hafnarstræti.
Útsending hefst
kl. 13 og lýkur kl. 16. Á þeim tíma
munu Bubbi Morthens, Mugison og
Hjálmar spila í beinni útsendingu í
Popplandi á Rás 2 og Hlaupanótan
og Víðsjá senda út frá Organ eftir
fjögurfréttir. Ungliðasveitin Retro
Stefson spilar á staðnum og meðal
gesta sem mæta í spjall má nefna
Jakob Frímann Magnússon, Mar-
gréti Bóasdóttur og handhafa Bjar-
karlaufsins sem verða veitt í fyrsta
sinn á degi íslenskrar tónlistar á
morgun. Jafnframt segir Árni
Heimir Ingólfsson frá yfirstandandi
ferðalagi Sinfóníuhljómsveitar Ís-
lands um Þýskaland og tónlist-
arperlur úr safni Ríkisútvarpsins
hljóma en útsending stendur fram
að kvöldfréttum kl. 18. Gestum og
gangandi er að sjálfsögðu boðið að
koma og fylgjast með á Organ.
RÚV sendir beint út frá
Organ í Hafnarstræti
 Stuttmyndin „Góðir gestir“ eftir
Ísold Uggadóttur hlaut að-
alverðlaun Copenhagen Gay and
Lesbian Film Festival sem fram fór
nýlega. „Góðir gestir“ var frum-
sýnd á Alþjóðlegu kvikmyndahátíð-
inni í Reykjavík í fyrra og hlaut til-
nefningu til Edduverðlaunanna.
„Góðir gestir“ er fyrsta myndin
sem Ísold leikstýrir. Í umsögn dóm-
nefndar segir að myndin sé vel leik-
in og endir myndarinnar sé einn sá
óvæntasti sem sést hefur lengi. Hún
sverji sig í ætt við dogma-hefðina
og minni oft á tíðum á Festen. Þá er
sagt að leikstjórn myndarinnar sé
framúrskarandi og að Ísold eigi
bjarta framtíð fyrir sér.
Góðir gestir sigursælir
Eftir Ásgeir H. Ingólfsson
asgeirhi@mbl.is
EIRÍKUR Örn Norðdahl hafði heilmikinn áhuga
á þorskastríðinu en komst ekki í að lesa allar
bækurnar sem hann hafði aflað sér um það.
Þannig að hann fór að spinna og útkoman varð
langt prósaljóð (46 erindi), „Síðasti liðhlaupi
þorskastríðsins,“ sem er eitt af burðarverkum
ljóðasafns Eiríks Þjónn, það er Fönix í ösku-
bakkanum mínum! „Þetta er náttúrulega sögu-
fölsun,“ viðurkennir Eiríkur fúslega en í ljóðinu
kallast á hermennska og sjómennska, tvö karl-
mennskutákn kynslóðanna, hið síðarnefnda
vissulega mun nær Ísfirðingnum Eiríki. „Pabbi
var á sjó alla mína barnæsku,“ segir hann og við-
urkennir að sjálfur sé hann á vissan hátt lið-
hlaupi. Ekki bara að hann hafi farið að skrifa í
stað þess að fara á sjóinn heldur sé hann líka
nokkurs konar liðhlaupi í hópi skálda. „Ég kem
hálfpartinn frá hlið inní allar þessar kreðsur,“
segir Eiríkur sem hefur búið á Ísafirði, í Berlín
og nú í Helsinki en öllu minna í Reykjavík þar
sem flest hin íslensku ungskáldin eiga aðsetur
sitt.
Endurljóðblandanir og
frelsi Bandaríkjaforseta
Þessar liðhlaupatengingar eru þó það næsta
sem ég kemst því að tengja persónu Eiríks ljóð-
unum hans. Ljóðin eru afskaplega tilraunakennd
og hann er mikið að vinna með annarra manna
texta. Mörg stutt ljóð eru í þessari löngu ljóða-
bók (200 síður) en burðarverkin eru áðurnefnd-
ur liðhlaupi og „Súblímavatn“, safn endur-
ljóðblandanna á „Tímanum og vatninu“. „Ég tek
þetta meistaraverk módernismans og heimfæri
það á tegund ljóðlistar sem íslensk ljóðskáld hafa
að mestu neitað að taka þátt í.“ Um er að ræða
alls kyns orðablandanir sem internetið og rit-
vinnsluforrit eru oft notuð til þess að skapa.
„Með þessu fjarlægir maður egóið og finnur
ákveðin tæki sem ég beiti svo á texta. Sam-
tímaraunveruleikinn er svo fullur af texta, við
höfum aldrei lesið svona mikinn texta enda er
hann alls staðar.“ Eiríkur segir brýnt að svara
þeim texta og bregðast við honum.
Um módernismann segir hann að þar birtist
húmanískur draumaheimur og heimspekilegar
vangaveltur sem hafi átt sinn líftíma en einfald-
lega runnið sitt skeið. „Það hlustar enginn á slíkt
lengur. Stóru hugtökin eru ekki skilgreind leng-
ur, þegar Bush notar orðið frelsi skiljum við það
ekki sama skilningi og þegar Churchill notaði
sama orð. Þannig er slík ljóðlist að herma hug-
myndir upp á ljóðræna orðræðu rétt eins og Bush
hermir frelsið upp á pólitíska orðræðu.“
Sjóaraeðli skáldsins
En Fönixinn er þó ekki eina bókin sem Eiríkur
kemur að þetta árið, alls eru sex bækur í Bókatíð-
indum sem hann annað hvort hefur samið eða
þýtt. Í vor kom út Handsprengja í morgunsárið
sem hann vann með Ingólfi Gíslasyni og nú í
haust kom út þýðingasafn erlendra ljóða, 131.839
slög með bilum, auk þess sem hann á þrjár þýð-
ingar aðrar. „Ég ákvað í vor að hætta að bíða
eftir ritlaununum og sagði upp dagvinnunni og
þetta er bara það sem maður þarf að gera til að
geta unnið ritlaunalaust, vinna allar mínar vök-
ustundir,“ segir Eiríkur sem einnig hefur verið
að vinna útvarpsþætti fyrir RÚV um ljóðlist,
skrifa greinar og taka þátt í ljóðahátíðum og
upplestrum, nokkuð sem hægt er að fá smápen-
ing fyrir í Skandinavíu. „Það er líklega þarna
sem sjóaraeðlið segir til sín,“ segir vestfirski
ljóðhlaupinn Eiríkur Örn Norðdahl að lokum þar
sem hann bíður eftir bát til Stokkhólms með ís-
lenskan blaðamann í símanum.
Tilraunaglaður liðhlaupi
Eiríkur Örn Norðdahl kemur að sex bókum í Bókatíðindum
Morgunblaðið/Svavar
Fullt af texta „Samtímaraunveruleikinn er svo fullur af texta, við höfum aldrei lesið svona mikinn
texta enda er hann alls staðar,“ segir ljóðskáldið Eiríkur Örn Norðdahl.
Tónlistardagar Dómkirkjunnar
laugardagur 10. nóvember kl. 16.00:
Kórtónleikar í Landakotskirkju
Dómkórinn flytur mótettur frá 16. öld til okkar daga.
Meðal þeirra eru Jubilate Deo eftir Gabrieli, Der Geist hilft unser
Schwachheit auf eftir Bach og De profundis eftir Knut Nystedt.
Aðgangur 1.500.
Dómkórinn í Reykjavík.
M
b
l 9
33
60
1