Morgunblaðið - 04.01.2008, Qupperneq 2

2 FÖSTUDAGUR 4. JANÚAR 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
Eftir Önund Pál Ragnarsson
onundur@mbl.is
14.500 KAUPSAMNINGUM var
þinglýst árið 2007 og námu heild-
arviðskipti með fasteignir um 360
milljörðum króna, að því er fram
kemur á vef Fasteignamats rík-
isins. Þetta er sögð mesta velta á
fasteignamarkaðnum á einu ári.
Meðalupphæð kaupsamninga var
um 25 milljónir króna.
Árið 2006 var veltan 269 millj-
arðar króna, fjöldi kaupsamninga
rúmlega 11.700 og meðalupphæð á
hvern kaupsamning um 23 millj-
ónir króna. Heildarvelta fast-
eignaviðskipta hefur samkvæmt
þessu aukist um 30% milli ára og
fjöldi kaupsamninga aukist um
rúmlega 20%.
Þróunin í lok árs var hins vegar
nokkuð ólík þeirri mynd sem þess-
ar heildartölur gefa.
Viðsnúningur í lok árs
Tölur sem birtar eru á vef Fast-
eignamatsins sýna einnig að í
samanburði við sama tímabil á
árinu 2006 hófst viðsnúningur í
nóvembermánuði síðastliðnum, í
virkni á fasteignamarkaði á höf-
uðborgarsvæðinu. Kaupsamningar
voru 690 í nóvember síðastliðnum
en 592 í nóvember 2006. Þeim fór
heldur fækkandi í síðustu viku
mánaðarins og hélt sú þróun
áfram í desember. Svo fór að
kaupsamningar urðu um það bil
13,3% færri í desember 2007 en
2006. Þeim fækkaði úr 610 í 529
milli þessara tveggja desem-
bermánaða.
2006 afbrigðilegt ár?
Ýmislegt bendir til þess að 2006
sé þrátt fyrir allt ekki heppilegt
viðmiðunarár þegar fast-
eignamarkaðurinn er annars veg-
ar, enda sker það sig nokkuð úr í
þróun síðustu ára. Í töflu sem
Fasteignamatið birtir á vef sínum
kemur fram að fjöldi þinglýstra
kaupsamninga á landinu var minni
á árunum eftir 1990, en fór að
aukast hraðar um og eftir 1997.
Meðalfjöldi kaupsamninga á ár-
unum 1997-2007 er rétt tæplega
11.700. 2006 virðist því vera við
meðaltal þess tímabils. Hins vegar
var fjöldi kaupsamninga töluvert
yfir meðallagi 2004 (14.359) og
2005, sem var metár (15.836), auk
þess sem 14.500 kaupsamningum
var þinglýst 2007. Vaknar sú
spurning hvort samanburður við
önnur ár en 2006 geti gefið raun-
sannari mynd af framhaldinu.
Hæfir 2006 til samanburðar?
Samdráttur m.v.
sama tímabil á
síðasta ári
 

 
  

    
 !"!
      









 









EFTIR áramótin má víða sjá papparusl á götum úti.
Þessar stúlkur léku sér að stóreflis pappakassa í vik-
unni. Þessa dagana er unnið að því að fjarlægja flug-
eldaleifar en nú styttist í að jólatrén bætist í safnið.
Morgunblaðið/Valdís Thor
Að leik með leifar áramótanna
TÆPLEGA 7.200 manns leituðu til
Læknavaktarinnar í Smáralind í
Kópavogi í nýliðnum desember og
hafa aldrei fleiri sótt þangað í einum
mánuði, en fyrra metið var um 6.500
manns, að sögn Atla Árnasonar,
læknis og formanns stjórnar
Læknavaktarinnar. Auk þess fóru
læknar Læknavaktarinnar í um 850
vitjanir í mánuðinum.
Læknavaktin er heilsugæslu-
þjónusta utan dagvinnutíma. Atli
Árnason segir að helsta skýringin á
þessum fjölda fólks þar í desember
sé mikill fjöldi frídaga í desember
að þessu sinni. Heilsugæslur séu
lokaðar um helgar og á hátíðisdög-
um en þá sé Læknavaktin opin sem
og eftir klukkan fimm á virkum
dögum. Þá gangi ýmsar pestir.
Um 62.000 skjólstæðingar nutu
þjónustu Læknavaktarinnar á ný-
liðnu ári. „Þetta er langstærsta ein-
staka móttakan á höfuðborgar-
svæðinu og við erum bara með opið
utan dagvinnutíma,“ segir Atli.
Læknar á höfuðborgarsvæðinu
sjá um þjónustuna á Læknavaktinni
og hjúkrunarfræðingar sinna síma-
ráðgjöf. Á níunda tug lækna starfar
á Læknastöðinni.
Met slegið
á Lækna-
vaktinni
Eftir Steinþór Guðbjartsson
steinthor@mbl.is
STJÓRNVÖLD á Sri Lanka til-
kynntu formlega í gær að þau
hefðu sagt upp vopnahléssam-
komulaginu frá 2002. Ingibjörg
Sólrún Gísladóttir utanríkisráð-
herra segir að í kjölfarið verði ís-
lensk og norsk stjórnvöld að skoða
með hvaða hætti staðið verði að
framhaldinu en ljóst sé að eftirlit-
inu sé sjálfhætt.
Norðmenn og Íslendingar hafa
starfrækt samnorrænu eftirlits-
sveitirnar, SLMM, frá 2002, en
Finnar, Danir og Svíar hættu þátt-
töku að kröfu
tígranna 2006.
Samkvæmt til-
kynningu
stjórnvalda Sri
Lanka er sam-
komulaginu rift
frá og með 16.
janúar nk. Ingi-
björg Sólrún
segir að ekki sé
alveg víst með
þá dagsetningu vegna þess að
Norðmenn hafi verið í viðræðum
við stjórnvöld á Sri Lanka um dag-
setningar. Ekki sé aðeins um brott-
flutning Íslendinga og Norðmanna
að ræða heldur beri einnig að hafa í
huga að um 50 heimamenn starfi
fyrir eftirlitssveitirnar og öryggis-
ástand gagnvart því fólki geti orðið
töluvert ótryggt. Íslendingar og
Norðmenn beri ákveðna siðferði-
lega ábyrgð gagnvart þessu fólki
og skoða þurfi með hvaða hætti
hægt sé að aðstoða það, en til þess
þurfi hugsanlega meira en 14 daga.
Utanríkisráðherra segir að
ákveðin skylda hvíli á stjórnvöldum
Sri Lanka um að tryggja öryggi ís-
lensku og norsku eftirlitsmann-
anna og ekki sé ástæða til þess að
ætla, að þessar friðargæslusveitir
verði skotmark deiluaðila, ef átök
brjótist út. Hins vegar sé ljóst að
ofbeldisverkum stríðandi fylkinga,
stjórnarhersins og Tamíl-tígranna,
hafi fjölgað og ástæða sé til að hafa
áhyggjur af því að átök og ofbeldi
aukist enn frekar í landinu. Menn
láti sér ekki nægja hernaðarleg
skotmörk heldur fari að beina sjón-
um sínum að borgaralegum skot-
mörkum.
Níu Íslendingar starfa á vegum
SLMM á Sri Lanka. Auk þess eru
þar þrír Íslendingar á vegum Þró-
unarsamvinnustofnunar Íslands og
segir Ingibjörg Sólrún Gísladóttir
að framhald verka þeirra verði
metið í ljósi breyttra aðstæðna.
Stjórnvöld á Sri Lanka sögðu í gær upp vopnahléssamkomulaginu frá 2002
Eftirlitsstarfi Íslendinga
á Sri Lanka er sjálfhætt
Ingibjörg Sólrún
Gísladóttir
KARLMAÐUR fannst látinn í íbúð sinni í
Asparfelli á miðvikudagskvöld og er talið
að hann hafi verið látinn dögum saman án
þess að nokkur hafi vitjað hans. Lögreglan
á höfuðborgarsvæðinu hefur málið til
skoðunar og segir að síðast hafi verið vit-
að um manninn á lífi á Þorláksmessu þeg-
ar vandamenn heimsóttu hann og færðu
honum mat og jólagjafir. Nágrönnum
hans þótti undarlegt, þegar fram liðu
stundir, að ekki sæist til hans og ákváðu
að kalla á lögregluna sem fór inn til hans
og fann hann látinn.
Maðurinn er fæddur árið 1945 og segir
lögreglan að andlát hans hafi ekki borið
að með refsiverðum hætti.
Aðeins örfáir dagar eru síðan roskin
kona fannst látin heima hjá sér en hennar
hafði þá ekki verið vitjað dögum saman.
Fannst látinn
heima hjá sér
LEIKSKÓLAGJÖLD í Hafnarfirði hækk-
uðu um 3,5% um áramótin.
Ellý Elíasdóttir, forseti bæjarstjórnar
Hafnarfjarðar og formaður fræðsluráðs,
segir að leikskólagjöldin hafi ekki hækkað
í tvö ár. Hækkunin nú sé í takt við verð-
lagshækkanir og það sem sé að gerast í
nágrenni við Hafnarfjörð.
Eftir hækkunina er almennt gjald 2.117
kr. fyrir hverja klukkustund.
Leikskólagjöld
hækka um 3,5%
Morgunblaðið/Ómar
ALLT fóður hjá Fóðurblöndunni hækkar
um 5-7% á morgun.
Hækkunin er til komin vegna mikilla
hækkana á innfluttum hráefnum til fóð-
urgerðar, samkvæmt frétt á vef Lands-
sambands kúabænda. Þar kemur einnig
fram að búast megi við að fljótlega verði
nauðsynlegt að hækka aftur. Heimsmark-
aðsverð á korni hafi hækkað og útlit sé
fyrir áframhaldandi hækkanir. Jafnframt
segir að hámarks smásölulyf flestra dýra-
lyfja hafi hækkað um 3-4% síðan í maí og
allt upp í 19%.
Fóður hækkar
um 5-7%
TÍU hjóla vöruflutningabíll með tengi-
vagni valt í snarpri vindhviðu undir Hafn-
arfjalli um klukkan hálfníu í gærkvöldi.
Að sögn lögreglunnar í Borgarnesi var bíl-
stjórinn einn í bílnum og sakaði ekki.
Reynt verður að reisa bílinn við í dag en
hann liggur utan vegar.
Valt í snarpri
vindhviðu
LÖGREGLAN á höfuðborgarsvæðinu leit-
ar fágætra bóka sem stolið var úr einka-
safni í Reykjavík á síðari hluta ársins 2006
og fyrrihluta síðasta árs. Frá þessu er sagt
á lögregluvefnum og eru þeir sem ein-
hverjar upplýsingar geta gefið um málið
beðnir um að hafa samband í síma 444-
1000.
Fram kemur að gömlum Íslandskortum
var stolið úr sama safni og að þeirra sé
einnig leitað. Um er að ræða m.a. ýmis
ferða- og landafræðirit eftir bæði íslenska
og erlenda höfunda sem og útgáfur forn-
rita og eru birtir listar yfir bækurnar sem
saknað er.
Lögreglan leitar
fágætra bóka