Morgunblaðið - 04.01.2008, Blaðsíða 8

8 FÖSTUDAGUR 4. JANÚAR 2008 MORGUNBLAÐIÐ
FRÉTTIR
HREYFING og Orkuveita Reykja-
víkur hafa samið um að sjó verði
veitt í heita potta nýrrar heilsulind-
ar Hreyfingar og Blue Lagoon spa
við Glæsibæ. Áhrif sjávar á húðina
eru talin heilnæm og góð. Sjórinn
sem veitt verður í pottana er jarð-
sjór sem tekinn er úr sjávarkant-
inum norður af Sæbraut gegnt
Kringlumýrarbraut með borun nið-
ur á um 14 metra dýpi. Sjórinn fer í
gegnum sandsíunarbúnað áður en
hann er afhentur Hreyfingu. Í til-
kynningu kemur fram að fólki gef-
ist kostur á að njóta sjávarins í heit-
um potti á nýju útisvæði.
Sjóveita Ágústa Johnson, fram-
kvæmdastjóri Hreyfingar, og Haf-
rún Þorvaldsdóttir frá Orkuveitu
Reykjavíkur handsala samninginn.
Nýtt sjóbað
SÍÐUSTU ár
hafa um fimm
þúsund manns
tekið þátt í veg-
legri Þrettánda-
gleði í Grafar-
vogi sem stofn-
anir og félaga-
samtök í hverf-
inu standa að.
Gleðin í Grafarvoginum fer fram
sunnudaginn 6. janúar og hefst með
sölu á blysum og kakói við gamla
Gufunesbæinn (ÍTR) kl. 16:30. Blys-
för með álfadrottningu og álfakóng
í broddi fylkingar hefst kl. 16:45.
Kveikt verður í þrettándabrenn-
unni á Gufunessvæðinu kl. 17. Veg-
leg flugeldasýning verður í boði
Egilshallar kl. 18. Jólasveinar, álf-
ar, tröll og fleiri kynjaverur ásamt
Grýlu mæta.
Þrettándagleði
í Grafarvogi
Í ÁRSLOKAKÖNNUN Gallup um
atvinnuöryggi sem gerð var í 61
landi víða um heim kemur fram að
83% Íslendinga segist búa við at-
vinnuöryggi. Þátttakendur voru
spurðir hvort þeir byggju við at-
vinnuöryggi eða hvort hætta væri á
að þeir misstu vinnuna. Norðmenn
eru öruggastir um sinn hag, 85%
þeirra segjast búa við atvinnu-
öryggi. Danir fylgja fast á hæla
þeirra, en 84% Dana telja sig búa við
atvinnuöryggi. Næstir koma Svíar
og Malasíubúar en Íslendingar eru í
fimmta sæti. Í Kamerún er atvinnu-
öryggið minnst samkvæmt könn-
uninni, þar segist 51% telja sig eiga
á hættu að missa vinnuna.
Atvinnuöryggi
FYRSTI hlát-
urjógatíminn á
nýju ári verður
haldinn í Maður
lifandi, Borg-
artúni 24 á morg-
un, laugardag,
frá kl. 10:30 til
11:30. Hlát-
urjóga er aðferð
sem indverski læknirinn Dr. Madan
Kataria hefur þróað. Ásta Valdi-
marsdóttir og Kristján Helgason
stjórna tímanum. Í hláturjóga getur
hver sem er hlegið í hópi, án til-
efnis, án brandara eða húmors.
Hláturjóga er blanda af hláturæf-
ingum, öndun og teygjum, segir í
fréttatilkynningu. Tímar verða
fyrsta laugardag hvers mánaðar og
er aðgangseyrir 1000 kr.
Hlegið án
tilefnis
STUTT
Á
rið var mjög hlýtt, það
tíunda hlýjasta frá upp-
hafi mælinga í Reykja-
vík, í Stykkishólmi og í
Vestmannaeyjum. Á
Akureyri var árið það fimmtánda
hlýjasta og á Teigarhorni það sex-
tánda hlýjasta en á öllum þessum
stöðvum ná mælingar aftur á 19. öld.
Meðalhiti í Reykjavík var 5,5 stig
og er það 1,2 stigum hlýrra en í með-
alári og tólfta árið í röð með hita of-
an meðallags. Hlýrra var árin: 2003,
1941, 1939, 1945, 1933, 1964, 1960,
1946 og 2004. Meðalhitinn á Akur-
eyri var 4,5 stig og er það 1,2 stigum
yfir meðallagi eins og í Reykjavík og
níunda árið í röð með hita ofan
meðallags. Í Stykkishólmi var með-
alhitinn 4,8 stig og er það 1,3 stigum
ofan meðallags og tólfta árið í röð
með hita ofan meðallags. Sömu ár
voru hlýrri í Stykkishólmi og í
Reykjavík.
Meðalhiti í Bolungarvík var 4,0
stig (1,1 yfir meðallagi), á Raufar-
höfn var hann 3,4 stig (1,4 yfir með-
allagi), á Dalatanga 4,6 stig (1,1 yfir
meðallagi), 5,4 stig á Kirkjubæjar-
klaustri (0,9 stigum yfir meðallagi)
og 5,9 á Stórhöfða í Vestmanna-
eyjum (1,1 stigi yfir meðallagi), 4,0
stig á Egilsstöðum (1,1 yfir meðal-
lagi) og 0,3 stig á Hveravöllum (1,4
stigum yfir meðallagi).
Hiti var í eða yfir meðallagi flest-
alla mánuði ársins, maí var kald-
astur að tiltölu í Reykjavík, en apríl
og júlí hlýjastir. Á Akureyri voru
apríl og mars hlýjastir að tiltölu, en
febrúar kaldastur. Úrkoma var
óvenjumikil á mestöllu Suður- og
Vesturlandi.
Með votviðrasömustu árum
Árið er það næstúrkomumesta frá
upphafi mælinga bæði í Stykkis-
hólmi og í Reykjavík. Úrkomumæl-
ingar mega heita samfelldar í Stykk-
ishólmi frá 1857, nú mældust þar
1.043 mm (48% umfram meðallag),
en mest var úrkoman árið 1933,
1.187 mm, þannig að nokkuð vantaði
á metið. Í Reykjavík hófust úrkomu-
mælingar 1884, en féllu niður að
mestu á árunum 1907 til 1920. Á ný-
liðnu ári mældist úrkoman í Reykja-
vík 1.127 mm (41% umfram meðal-
lag), mest mældist ársúrkoman
1.291 mm árið 1921. Ársúrkoman er
einnig í öðru sæti í Vestmannaeyj-
um, en þar mældist úrkoma meiri
1984.
Úrkomumagn þetta er ekki síst
athyglisvert í ljósi þess að fádæma
þurrt var langt fram eftir sumri á
mestöllu landinu. Norðaustanlands
var úrkoma hins vegar nærri meðal-
lagi þegar litið er á árið í heild, 493
mm á Akureyri, en meðaltalið er 490
mm.
Úrkomutíð hefur staðið samfellt á
Suður- og Vesturlandi frá því í
ágúst. Úrkoma síðustu 5 mánuði
ársins hefur aldrei mælst meiri í
Stykkishólmi (mælt frá 1857) og í
Reykjavík mun meiri en nokkru
sinni áður á sama tímabili (mælt
samfellt frá 1921 og einnig 1885 til
1906). Sömuleiðis í Vestmanna-
eyjum, en þar eru mælingar sam-
felldar frá 1881.
Dagar þegar úrkoma mældist 1
mm eða meiri voru 173 á árinu 2007 í
Reykjavík og er það 25 dögum um-
fram meðallag. Úrkoma var 1 mm
eða meiri í 82 daga á Akureyri, það
er 21 undir meðallagi. Árið var sól-
ríkt í Reykjavík, sólskinsstundirnar
mældust 1.509 eða 240 stundum um-
fram meðallag og er árið það 10. í
röð með fleiri sólskinsstundum en í
meðalári 1961-1990. Árið er hið átt-
unda sólríkasta frá upphafi sam-
felldra sólskinsmælinga 1923. Á
Akureyri mældust sólskinsstund-
irnar 1.058. Það er 13 stundum um-
fram meðallag.
Lengst af var snjólétt á árinu. Al-
hvítir dagar í Reykjavík reyndust 43
eða 12 dögum færri en í meðalári
1961 til 1990.
Einstakir mánuðir – yfirlit
Janúar var umhleypingasamur
mánuður og snjór meiri suðvestan-
lands en verið hefur í nokkur ár.
Mikið kuldakast gerði dagana 6. til
20., en mánaðarmeðalhitinn var
samt nærri meðallagi. Tíð var víðast
mjög hagstæð í febrúar, mjög snjó-
létt um mikinn hluta landsins og
færð með besta móti.
Óvenju sólríkt var um sunnan- og
vestanvert landið og úrkomudagar
óvenju fáir. Tíðarfar í mars var
fremur órólegt, var þó lengst af hag-
stætt til landsins, en til sjávarins var
gæftalítið og tíðin talin slæm. Sam-
göngutruflanir á heiðarvegum voru
með tíðara móti sökum illviðra, en
snjór var með minna móti í lágsveit-
um miðað við árstíma. Þrálát snjó-
flóðahætta var norðan til á Vest-
fjörðum þó snjór væri ekki mikill að
magni til.
Tíðarfar var almennt hagstætt í
apríl, en hans verður einkum minnst
fyrir tvær óvenjulegar hitabylgjur.
Sú fyrri varð um landið austanvert í
byrjun mánaðarins og komst hiti
hinn 3. í 21,2 stig í Neskaupstað.
Hiti hefur ekki mælst hærri svo
snemma árs. Síðari hitabylgjan
gekk yfir mikinn hluta landsins síð-
ustu daga mánaðarins. Lands-
hitamet aprílmánaðar féll hinn 29.
þegar hiti komst í 23,0°C á sjálfvirku
stöðinni í Ásbyrgi í Öxarfirði og í
21,9°C á mönnuðu stöðinni á Stað-
arhóli í Aðaldal. Hvoru tveggja er
met í sínum stöðvaflokki. Hitamet
féllu mjög víða á einstökum veður-
stöðvum. Mjög hlýtt var fyrstu dag-
ana í maí en annars var mánuðurinn
kaldur og snjóaði víða, m.a. sunnan-
lands í síðustu viku mánaðarins og
er það mjög óvenjulegt.
Júni var hlýr og þurr víðast hvar á
landinu. Hlýjast að tiltölu var á
Vestfjörðum þar sem hiti var meira
en þremur stigum yfir meðallagi ár-
anna 1961 til 1990. Vegna sífelldra
flutninga veðurstöðva er heldur
óhægt um samanburð, en mánuður-
inn er samt annar eða þriðji hlýjasti
júní frá upphafi mælinga á þessum
slóðum um aldamótin 1900. Mjög
þurrt var á landinu, fádæma þurrt
norðaustanlands og hefur aldrei
mælst jafnlítil úrkoma í júní á Akur-
eyri og nú, en þar mældist mánaðar-
úrkoman aðeins 0,4 mm.
Júlímánuður var mjög hlýr um
landið sunnan- og vestanvert, hiti
var í ríflegu meðallagi víðast fyrir
norðan, en við austur- og suðaustur-
ströndina var hitinn nærri meðal-
lagi. Óvenjuþurrt var um mikinn
hluta landsins mestallan mánuðinn,
jafnvel svo að gróðri hrakaði og
vatnsból þornuðu.
Mestir þurrkar á Vesturlandi
Mestir voru þurrkarnir inn til
landsins á Vesturlandi, víðast hvar á
vestanverðu Norðurlandi austur til
Eyjafjarðar og sums staðar á Vest-
fjörðum.
Einnig var óvenjuþurrt í Horna-
firði og sums staðar sunnan til á
Austfjörðum þar til allra síðustu
daga mánaðarins. Mest var úrkom-
an að tiltölu norðan til á Austfjörð-
um en náði þó ekki meðalúrkomu að
magni til. Júlí var sá næsthlýjasti
sem komið hefur í Reykjavík frá
upphafi samfelldra mælinga 1871,
hlýrra varð 1991, meðalhiti í júlí-
mánuðunum 1936, 1939 og 1944 er
þó ekki marktækt lægri en hitinn
nú. Flutningar Veðurstofunnar um
bæinn auka á óvissuna. Séu mán-
uðirnir júní og júlí teknir saman er
jafnhlýtt nú og var sömu mánuði ár-
ið 2003, hvoru tveggja hlýrra en
dæmi eru annars um frá upphafi
mælinga. Þetta var 12. júlímánuð-
urinn í röð með hita yfir meðallagi í
Reykjavík. Í Stykkishólmi voru júní
og júlí saman þeir hlýjustu frá 1933
og þar með næsthlýjastir frá upp-
hafi, munur er þó vart marktækur.
Í Reykjavík mátti heita þurrt frá
10. júní til mánaðamóta júní/júlí og
lítið rigndi fyrr en eftir 19. júlí. Á all-
mörgum stöðvum um norðvestan-
vert landið var mánaðarúrkoman
innan við 10 mm og í beinu fram-
haldi af þurrum júní var sums staðar
farið að gæta vatnsskorts. Einna
óvenjulegastir virðast sumarþurrk-
arnir hafa verið um landið suðaust-
anvert, austan Öræfa, en úrkoma í
júní til ágúst mældist aðeins 106 mm
á Teigarhorni og hefur aldrei mælst
minni frá upphafi mælinga 1873.
Skipti yfir í rigningar
Í ágúst skipti rækilega um veður-
lag, framan af mánuðinum var frem-
ur þurrt en síðan hófust rigningar,
einkum þó á Suður- og Vesturlandi.
Næturfrost voru algeng á Suður-
landsundirlendinu en aðrir lands-
hlutar sluppu mun betur.
Mánuðirnir allir september til
desember hafa verið óvenju úr-
komusamir um sunnan- og vest-
anvert landið en nyrðra þornaði eftir
því sem á haustið leið, nóvember var
t.d. einn hinn þurrasti sem þekkist á
Akureyri. Úrkoma var yfir meðal-
lagi á Akureyri í desember og met-
úrkoma víða um landið sunnanvert í
þeim mánuði. Hiti hefur lengst af
verið í ríflegu meðallagi. Tíð hefur
verið mjög rysjótt og sérlega
stormasamt eftir 20. nóvember.
Mjög snjólétt hefur verið það sem af
er vetri.
Veðurfarið á nýliðnu ári sýndi sínar margbreytilegustu hliðar
Skipti rækilega um
veðurfar í ágúst
Yfirlit Trausta Jóns-
sonar veðurfræðings
um tíðarfarið árið 2007
liggur nú fyrir. Árið var
mjög hlýtt, langvarandi
þurrkar um mitt sumar
en seinni hluti ársins
var óvenju votviðra- og
vindasamur.
Morgunblaðið/Golli
Endalaust slagviðri Rigningin linnti ekki látum seinni hluta ársins 2007.
VEFÞJÓNN mbl.is var undir miklu álagi í gær
vegna árása svonefndra spambotta, en það er hug-
búnaður sem keyrður er yfir netið til að koma aug-
lýsingum inn á vefsetur í óþökk rekstraraðila
þeirra. Árásirnar hafa beinst að gestabókasíðum
notenda á blog.is og þurfti að loka fyrir gestabóka-
færslur af þeim sökum um tíma í gær. Árásin hófst
í gærmorgun og stóð enn í gærkvöldi þó heldur
hefði dregið úr henni.
Samkvæmt upplýsingum Morgunblaðsins hafa
áþekkar árásir verið gerðar á mbl.is og fleiri vefi
nokkrum sinnum á undanförnum árum, þó sú sem
gerð var í gær hafi verið óvenju svæsin. Þannig
bárust tugir þúsunda færslubeiðna í gestabækur á
blog.is í gær og lokað var fyrir gestabókafærslur
um tíma.
Árni Matthíasson, verkstjóri á netdeild Morg-
unblaðsins, sagði að það væri tiltölulega algengt
að spjallvefir og bloggvefir yrðu fyrir árásum af
þessu tagi. Þegar svona árás sé gerð reyni vef-
þjónninn að svara eftir bestu getu og fyrir vikið
verði hann mjög þungur og fari að vinna hægt.
Árni sagði að þarna væri á ferðinni alþjóðleg
iðja, sem erfitt væri að koma í veg fyrir.
Spambottar gera óskunda á mbl.is
Árás Spambottar gerðu árás á vef mbl.is.