Morgunblaðið - 04.01.2008, Blaðsíða 12

Reuters
Ódýr Ætli þessir miðlarar í New
York séu að ræða hlutabréfaverð?
VERÐ á hlutabréfum í heiminum
hefur ekki verið lægra í ríflega
þrjá áratugi miðað við Fed-
líkanið svokallaða sem ber ávöxt-
un hlutabréfa saman við ávöxtun
bandarískra ríkisskuldabréfa til
10 ára. Frá þessu greinir Bloom-
berg. Líkanið dregur nafn sitt af
því að bandaríski seðlabankinn,
sem í daglegu tali er nefndur
Fed, notar það til þess að meta
aðstæður á hlutabréfamarkaði
hverju sinni.
Margir hafa gagnrýnt líkanið,
segja það gefa of einfaldaða
mynd af aðstæðum og þar af leið-
andi sé það barnalegt. Gagnrýn-
endur þess komast þó ekki hjá
því að viðurkenna að það sagði
fyrir um að tæknibólan væri að
springa um síðustu aldamót og
högnuðust margir vel sem tóku
mark á því.
Samkvæmt útreikningum
Bloomberg – þar sem notast er
við Fed-líkanið – er hlutabréfa-
verð nú, í upphafi árs 2008, mjög
lágt í sögulegu samhengi. Í raun
hefur það ekki verið lægra síðan
1974.
Hlutabréfaverð lágt
í sögulegu samhengi
12 FÖSTUDAGUR 4. JANÚAR 2008 MORGUNBLAÐIÐ
FRÉTTIR
HEILDARAFLI skipa Þorbjarnar
hf. á árinu 2007 var rúmlega 26 þús.
tonn, að verðmæti 3,6 milljarðar.
Það er meiri afli en árið áður, en
verðmætin dragast örlítið saman.
Við skerðingu á aflaheimildum í
þorski s.l. haust um 30% voru gerðar
miklar breytingar á útgerðar-
mynstri skipa félagsins. Verulega
var dregið úr sókn í þorsk en þess í
stað sóknin aukin í ýsu og aðrar teg-
undir. Þegar borin er saman veiði frá
september til desember áranna 2006
og 2007 kemur í ljós að þorskafli hjá
vinnsluskipunum dróst saman um
32,2% eða úr 1.269 tonnum í 861
tonn. Veiði á ýsu jókst hjá vinnslu-
skipunum um 388,7 % eða úr 203
tonnum í 992 tonn. Sambærilegar
tölur fyrir línuskipin eru að þorskafli
dróst saman um 29,6 % eða úr 2.863
tonnum í 2.016 tonn en ýsuafli tvö-
faldaðist eða úr 764 tonnum í 1.521
tonn. Vinnsluskipið Gnúpur var með
mestan afla og aflaverðmæti á árinu,
6.040 tonn að verðmæti 844 milljónir
króna. Sturla var með mest af línu-
bátunum, 2.543 tonn og 343,6 millj-
ónir króna.
Meira af
ýsu, minna
af þorski
KRISTINA Lógos hefur verið seld í
brotajárn til Danmerkur og verður
henni siglt utan nú í byrjun janúar.
Kaupandinn er Fornes A/s sem
kaupir skip til niðurrifs. Að auki
hafa farið eða eru að fara í brota-
járn skipin Hegranes SK, Páll á
Bakka ÍS, Geysir RE, Jón Stein-
grímsson RE, og líklega Siggi Þor-
steins ÍS. Með hinum mikla nið-
urskurði á þorskkvótanum hlýtur
skipunum að fækka um sinn, enda
eru mörg þeirra orðin gömul og lú-
in.
Ljósmynd/Þorgeir Baldursson
Selt í brotajárn
FISKISTOFA hefur úthlutað 3.064
tonna (miðað við slægt) aflaheimild-
um í þorski í norsku lögsögunni á
árinu 2008 til skipa á grundvelli afla-
hlutdeildar þeirra. Sömuleiðis hefur
Fiskistofa úthlutað 2.003 tonna afla-
heimildum í þorski í rússneskri lög-
sögu.
Þar er á þriðja tug skipa, sem fær
úthlutað, en í hlut flestra þeirra
kemur það lítið að engan veginn
borgar sig að nýta heimildirnar.
Þess vegna hefur þróunin verið sú að
heimildirnar hafa verið millifærðar á
tiltölulega fá skip, sem sjá þá alfarið
um veiðarnar. Á síðasta ári náðu ís-
lenzku skipin að fullnýta heimildir
sínar í þorski í Barentshafinu en
ekki í svokölluðum aukategundum.
Kvóti Íslendinga er tilkominn vegna
veiða þeirra á alþjóðlegu en um-
deildu hafsvæði í Smugunni svoköll-
uðu í Barentshafi undir lok síðustu
aldar.
Það eru þrjú skip, sem hafa lang-
mestar veiðiheimildir í Barentshaf-
inu miðað við fyrstu úthlutun. Það
eru Guðmundur í Nesi RE, sem er
samtals með 833 tonn, Venus HF
með 682 og Sigurbjörg ÓF með 575
tonn. Þessar heimildir duga fyrir
einum túr á skip eða um það bil, en
gera má ráð fyrir að meiri heimildir
verði færðar yfir á þau.
Minni kolmunnakvóti
Þá hefur verið úthlutað heimildum
í kolmunna fyrir þetta ár, sem nú er
að hefjast. Heildarkvótinn var færð-
ur nokkuð niður með samkomulagi
þeirra þjóða, sem veiðarnar stunda
og því kemur minna í okkar hlut en í
fyrra. Hlutur Íslendinga fyrir árið er
203.000 tonn, en að auki flytjast yfir
frá árinu 2007 tæplega 29.000 tonn.
Með þeim tilfærslum er Börkur NK
með mestar heimildir, 34.000 tonn.
Næst kemur Margrét EA með
32.300 tonn, þá Jón Kjartansson SU
með 25.500 tonn og loks Aðalsteinn
Jónsson SU með 19.200 tonn. Alls
fær 21 skip úthlutað kvóta.
Börkur NK með
mest af kolmunna
Guðmundur í Nesi RE með mest
af þorskinum í Barentshafinu
ÚR VERINU
KRISTJÁN Einar Kristjánsson, Íslandsmeistari í
gokarti, mun um næstu helgi keppa í fyrsta sinn í kapp-
akstri á alþjóðavettvangi. Þá tekur hann þátt í móti á
Nýja-Sjálandi, en hann hefur að undanförnu verið við
æfingar hjá breska meistaraliðinu Calin Motorsport-
.Kristján, sem verður 19 ára á þriðjudaginn, hefur síð-
ustu daga æft á brautinni á Nýja-Sjálandi þar sem hann
býr sig undir keppni í Toyota Racing Series Int-
ernational Trophy, eða TRS-mótaröðinni, en hún
stendur frá fimmta janúar fram til tuttugasta janúar. Í
fyrrinótt bætti hann tíma sinn í Ruapuna-brautinni um
tvær sekúndur frá nóttinni áður og árangur hans lofar
góðu fyrir keppnina þar um helgina. Besti tími hans
var 1.23,3 og var Kristján Einar þokkalega sáttur með
hann. „Þetta þykir ágætistími í þessari braut, en ég á
samt rúmar tvær sekúndur í bestu menn – og þeir eru
nokkuð margir í hópnum! Þetta er öflugur hópur sem
keppir hér og má nefna að hér eru til dæmis margfaldir
meistarar úr A1GP og Champ Car, eins og Matt Halli-
day og Daniel Gaunt. Brautarmetið frá árinu 2005, sem
talið var að myndi standa óhaggað, féll strax á fyrstu
æfingu í gær,“ sagði Kristján Einar eftir æfingarnar.
Hefur æft vel í haust
Kristján hefur æft vel hjá Carlin Motorsport-liðinu í
haust. Þangað fór hann upphaflega til að keppa í BMW-
formúlunni, en hún er oft kölluð byrjunarformúla.
Hann þótti hins vegar standa sig það vel á æfingum að
hann fékk mun öflugri bíla og mótin á næstunni eru
lokaundirbúningur hans fyrir evrópska keppn-
istímabilið, en ekki er endanlega ljóst á hvernig bílum
hann mun keppa þar. Bíllinn sem hann keppir á um
helgina er 480 kíló og er með 200 hestafla vél.
Nokkuð hefur verið ritað um þátttöku hans í mótinu
enda ekki á hverjum degi sem íslenskur ökumaður
keppir í mótum sem þessum auk þess sem þetta er í
fyrsta sinn sem Carlin Motorsport sendir mann í TRS-
mótaröðina.
Bíllinn Kristján Einar Kristjánsson við Toyota-bílinn sem hann keppir á á Nýja-Sjálandi um helgina.
Ungur Íslendingur í
kappakstri á Nýja-Sjálandi
● BJÖRN Ingi Knútsson, flugvallarstjóri á Keflavík-
urflugvelli, hefur verið ráðinn framkvæmdastjóri Salt-
kaupa hf. í Hafnarfirði. Sagði Björn Ingi starfi sínu á Vell-
inum lausu en um áramótin urðu þær breytingar að
starfsemi Keflavíkurflugvallar og þjónusta í Leifsstöð rann
saman í eitt opinbert félag undir samgönguráðuneytinu.
Björn Ingi hefur verið flugvallarstjóri á Keflavíkurflugvelli
frá árinu 1999. Áður var hann framkvæmdastjóri hjá Sof-
riana Unilines í Ástralíu og Nýja-Sjálandi og þar áður hjá
Samskip og Skipadeild Sambandsins. Saltkaup eru með
umsvifamestu fyrirtækjum landsins í viðskiptum með salt
til framleiðslu sjávarafurða og íseyðingar á götum.
Björn Ingi af Keflavíkurvelli til Saltkaupa
Björn Ingi
Knútsson
VIÐSKIPTI/ATHAFNALÍF
KÍNVERSKIR og arabískir fjár-
festar hafa verið duglegir við að
kaupa sig inn í bandaríska stór-
banka að undanförnu og nýta sér
þar með þá ólgu sem ríkt hefur á
fjármálamarkaði heimsins. Þannig
fjárfesti China Investment Corpora-
tion fyrir 5 milljarða í Morgan
Stanley og yfirvöld í Abu Dhabi
keyptu breytanlegt skuldabréf af
Citigroup fyrir 7,5 milljarða í nóv-
ember.
Nú hefur olíufurstadæmið Kúveit
bæst í hóp þeirra sem vilja eignast
hlut í bandarískum stórbanka. Að
sögn Financial Times vill KIA, fjár-
festingarstofnun hins opinbera í
Kúveit, gjarnan kaupa sig inn í
banka vestanhafs en sjóðurinn hefur
yfir að ráða um 213 milljörðum dala,
jafngildi um 13.300 milljarða króna.
Blaðið hefur eftir Badr Al-Sa’ad að
ekki sé ósennilegt að hlutabréfa-
markaðurinn sé að nálgast lágmark-
ið. „Við getum ekki séð verð lækka
mikið meira,“ segir hann.
Vilja kaupa í
Bandaríkjunum