Morgunblaðið - 26.01.2008, Síða 21
MORGUNBLAÐIÐ LAUGARDAGUR 26. JANÚAR 2008 21
MENNING
Listasafn Sigurjóns Ólafssonar,
Laugarnestanga 70, 105 Rvk.
www.lso.is - lso@lso.is
SUMARTÓNLEIKAR
LISTASAFNS
SIGURJÓNS ÓLAFSSONAR
2008
Listasafn Sigurjóns Ólafssonar býður tónlistarfólki að sækja
um þátttöku í þriðjudagstónleikum sumarið 2008 sem
verða haldnir vikulega frá miðjum júlí til ágústloka.
Umsóknir skulu hafa borist fyrir 12. febrúar nk. með
drögum að efnisskrá, upplýsingum um flytjendur (CV) og
kjörtíma tónleika. Valið verður úr umsóknum og öllum
svarað.
Eftir Einar Fal Ingólfsson
og Helga Snæ Sigurðsson
MAGNÚS Geir Þórðarson verður
næsti leikhússtjóri Leikfélags
Reykjavíkur. „Það var einróma nið-
urstaða stjórnarinnar að ráða Magn-
ús Geir sem
næsta leik-
hússtjóra,“ segir
Inga Jóna Þórð-
ardóttir, formað-
ur stjórnar Borg-
arleikhússins.
Hún kynnti
ákvörðun stjórn-
arinnar fyrir
starfsfólki leik-
hússins í hádeg-
inu í gær og segir
fólk hafa tekið tíðindunum vel.
Magnús Geir, sem er fráfarandi
leikhússtjóri Leikfélags Akureyrar,
mun fljótlega taka til starfa og fara
að undirbúa dagskrá næsta leikárs.
Starfar hann samhliða Guðjóni Ped-
ersen, sem er leikhússtjóri þar til
samningur hans rennur út í júlílok.
Magnús Geir er ráðinn til fjögurra
ára en Guðjón hefur gegnt starfi
leikhússtjóra í átta ár.
Sjö sóttu um starfið. „Við áttum
mjög góðar viðræður við nokkra um-
sækjendur,“ segir Inga Jóna og bæt-
ir við að stjórnarmönnum hafi litist
afar vel á það sem Magnús Geir
hafði fram að færa.
Magnús hefur gegnt stöðu leik-
hússtjóra Leikfélags Akureyrar í
fjögur ár og hlakkar til þess að tak-
ast á við nýja starfið. Formleg leik-
hússtjóraskipti í Leikfélagi Reykja-
víkur verða 1. ágúst.
Fullt af hugmyndum
Magnús segir það verkefni næstu
vikna að setja sig inn í málin í Borg-
arleikhúsinu, kynnast starfsfólki þar
og starfsháttum svo hægt sé að taka
upplýstar ákvarðanir um fram-
haldið. Rekstur LA og LR sé að
mörgu leyti ólíkur en að sama skapi
eigi leikfélögin margt sameiginlegt.
„Ég er með fjölda hugmynda og
stafla af leikritum sem mig dreymir
um að koma á svið. Hins vegar er í
rauninni öll vinnan eftir við að máta
öll þessi verk við húsið, mannskap-
inn og þess háttar,“ segir Magnús.
Hann sé með ákveðnar hugmyndir
að einhverjum breytingum í starf-
semi LR en það séu engar kúvend-
ingar eða byltingar framundan. Lít-
ið sé þó hægt að tala um þessar
hugmyndir á þessu stigi en allt miði
að því að láta leikhúsið vaxa og dafna
enn frekar.
„Ég er með fullt af verkum í poka-
horninu og eins og alltaf þegar mað-
ur er að raða upp leikári verður
maður að skoða hvernig þau passa
saman, hvernig þetta passar út frá
nýtingunni á hópnum o.s.frv,“ segir
Magnús og því ekki tímabært að
nefna dæmi um leikrit sem hann sé
spenntur fyrir. Stór hluti af starfi
leikhússtjóra sé að finna réttu verk-
in og fylgjast grannt með leikhúsi í
öðrum löndum.
„Ég vonast til að þetta verði leik-
hús í fremstu röð, muni bjóða upp á
fjölbreytt úrval af kraftmikilli og
góðri leiklist í hæsta gæðaflokki og
það verður bæði innlent og erlent.
Að landsmenn allir streymi í Borg-
arleikhúsið og séu stoltir af þeirri
starfsemi sem þar fer fram. Auðvit-
að er það alltaf draumurinn að geta
bætt svolítið við í frumflutningi
verka og við hljótum að stefna að
því.“ Hann hafi sérstakan áhuga á
því að hlúa sérstaklega að uppsetn-
ingum LR í Borgarleikhúsinu, án
þess að það komi niður á öðrum sýn-
ingum og uppákomum í húsinu.
Skilar góðu búi
Aðsókn að leiksýningum LA hefur
aukist jafnt og þétt í leikhússtjóratíð
Magnúsar, sýningar þess hlotið lof
og rekstur félagsins gengið vonum
framar. Hann skilar því góðu búi til
eftirmanns síns.
„Ég er búinn að leggja líf og sál í
þetta leikhús í fjögur ár,“ segir
Magnús um LA. Hann muni kveðja
leikfélagið með sorg í hjarta og hlýj-
ar minningar, enda sé starfsfólk LA
einvalalið.
„Ég veit hins vegar að hann er öf-
undsverður sem kemur til með að
taka við leikhúsinu á Akureyri, að
koma inn í þennan frábæra hóp,“
segir Magnús.
Magnús Geir stýrir Borgarleikhúsinu
Morgunblaðið/ÞÖK
Úr LA í LR Magnús Geir Þórðarson tekur formlega við af Guðjóni Petersen,
leikhússtjóra LR, þann 1. ágúst næstkomandi.
Inga Jóna
Þórðardóttir
Spenna lá í hreina fjallaloftinu á Ísa-
firði sl. fimmtudag vegna hátíð-
artónleika kvöldsins, sem haldnir
voru í tilefni 60 ára afmælis Tónlistar-
skóla Ísafjarðar. Hundrað manna há-
tíðarkór, sem samanstóð af besta
söngfólki Vestfjarða skv. upplýs-
ingum heimamanna, hafði verið á stíf-
um æfingum undanfarnar vikur. Sin-
fóníuhljómsveit Íslands var stödd í
bænum og hafði leikið á tvennum tón-
leikum fyrir yngri kynslóðina daginn
áður, en það uppátæki vakti slíka
lukku að foreldrar og systkini fjöl-
menntu á hátíðartónleikana í fylgd
þessara sömu barna.
Stúkur Íþróttahússins voru þétt-
setnar og mætti gróflega áætla að um
600 manns frá Ísafirði og nágranna-
bæjum hafi hlýtt á tónleikana. Um-
gjörð var sú besta sem á varð kosið
miðað við aðstæður, en eðlilegt er að
deiliskipulag tæplega fjögurþúsund
manna sveitafélags geri ekki ráð fyrir
mörghundruð manna tónleikahöll.
Önnur lógík hefur verið ráðandi í höf-
uðborginni seinustu áratugi því þrátt
fyrir hráa umgjörð sló sjálft Íþrótta-
húsið á Torfnesi heimahúsi Sinfóní-
unnar við hvað hljómburð varðar.
Sjaldan hefur undirrituð heyrt jafn
vel í hljómsveitinni og umrætt kvöld
Tónleikarnir hófust með viðeigandi
hátíðarforleik eftir Sjostakovitsj. Ná-
vígi við hljómsveitina magnaði spenn-
andi kapphlaupið í fiðlunum og tré-
blásurunum þótt hljómburðurinn hafi
á stundum verið málmblásurum um
of í hag. Hljómsveitin lék af miklum
móð og var heildarútkoman í einu
orði sagt stórfengleg. Anna Áslaug
Ragnarsdóttir steig næst fram og lék
með hljómsveitinni píanókonsert nr.
2 eftir Chopin. Anna lék alltaf af mik-
illi nærgætni og þokka þótt tempó
hefði verið hið rólegasta í jað-
arköflum. Í gullfallegum öðrum kafla
verksins var allt nákvæmlega eins og
það átti að vera og flutningur vægast
sagt dásamlegur. Ekkert var út á fín-
lega spilamennsku Önnu að setja
nema helst í virtúósarununum á loka-
sprettinum sem reynst hafa heimsins
bestu píanóleikurum hinir mestu
fingurbrjótar.
Eftir hlé tók við frumflutningur á
nýrri sinfóníettu eftir ísfirska tón-
skáldið Jónas Tómasson; sú fimmta í
stórri tónverkaröð sem tónskáldið til-
einkar íslenskri náttúru. Væru tré
höfð í huga, eins og titill verksins gef-
ur til kynna, þá hefði t. a. m. verið
hægt að ímynda sér trjástofn með
línulegum strengjafilmum og fín-
legum trjágreinum með beislaðri
ómstríðu. Í framvindu verksins var
margt sem greip athygli, t. d. laglínur
í djúpradda fiðlum, andsvar djúpra
bassa og blæbrigðaskipti milli blás-
ara. Umhyggjusamt strengjalag
studdi hógværa flautulaglínu uns
verkinu lauk í eintónuðu hvísli. Tón-
skáldið hefur gefið verkinu nokkuð
lausa byggingu en það kom þó ekki
að sök þar sem lengdin var tiltölulega
hófstillt.
Veglegasta tónveislan var síðast á
efnisskránni, Gloria eftir franska tón-
skáldið Francis Poulenc, meðlim
„hinna 6“ ásamt Milhaud og Honeg-
ger. Glæsilegur hátíðarkórinn söng af
augljóri einbeitni og ríkri hljómfeg-
urð. Allar innkomur voru skýrar sem
og skemmtilegar franskar framburð-
aráherslur á latneskum textanum.
Rödd Ingunnar Óskar Sturludóttur
mezzosóprans er hljómrík og af-
skaplega þægileg áheyrnar, og ólíkt
mörgum söngkonum lét hún ekki
þrungið víbratóið eitt og sér sjá um
ómun raddarinnar. Sinfónían lék frá-
bærlega vel og mætti lýsa heild-
arflutningi verksins sem tónlist-
arsigri.
Sjaldan hefur undirrituð upplifað
jafn jákvæðar viðtökur tónleikagesta,
og það í jafn fámennu samfélagi.
Óhætt er að fullyrða að óvíða ann-
arsstaðar á landinu sé hægt að hóa
saman jafn stórum og vönduðum kór
með jafnmiklum metnaði. Tónlistar-
lífið á Ísafirði er hreint með ólík-
indum og báru tónleikarnir því glæsi-
legt vitni.
Undravert tónlistarlíf
TÓNLIST
Íþróttahúsið á Torfnesi
Hátíðarforleikur í A–dúr, op. 96, eftir
Dmitri Sjostakovistj, píanókonsert nr. 2 í
f–moll, op. 21, eftir F. Chopin, Sinfón-
íetta V (Tré – Til Dísu) eftir Jónas Tóm-
asson og Gloria eftir Francis Poulenc.
Flytjendur: Sinfóníuhljómsveit Íslands og
Hátíðarkór Tónlistarskólans á Ísafirði.
Einleikari: Anna Áslaug Ragnarsdóttir, pí-
anó. Einsöngvari: Ingunn Ósk Sturludótt-
ir, mezzosópran. Kórstjóri: Beáta Joó.
Stjórnandi: Bernharður Wilkinson.
Fimmtudagur 24. janúar 2008 kl. 20.
Hátíðartónleikarbbbbn
Alexandra Kjeld
ÞAÐ var notalegt að eiga kvöldstund
í Langholtskirkju með Kammerkór
Langholtskirkju, Jóni Stefánssyni
og djassleikurunum Sigurði Flosa-
syni, Davíð Þór Jónssyni, Valdimari
Kolbeini Sigurjónssyni og Einari
Scheving. Yfirskriftin var: Tónleikar
með jazzívafi og orð að sönnu. Þarna
voru dægurlög, þjóðlög og verk eftir
Nils Landgren flutt ýmist af kórn-
um, kvartettnum eða hvorutveggja.
Fyrst á dagskrá voru lög eftir Jón
Múla, Steingrím Sigfússon og Magn-
ús Eiríksson. Kórútsetningarnar
voru í dæmigerðum Magga Ingi-
mars stíl, og trúlega einhverjar eftir
hann þó þess væri ekki getið. Kvart-
ettinn lék með en því miður naut
hann sín ekki einsog kórinn vegna
hljómburðar, sérí lagi var bagalegt
hversu illa heyrðist í flyglinum.
Fjórmenningarnir voru þó í feikna-
stuði einsog best mátti heyra í lög-
unum er þeir léku einir: Stínu Árn
Ísleifs, Frá Vermalandi og These
Foolish Things. Það ríkti engin lýrík
í Vermalandinu einsog hjá Stan Getz
og Ormslev og Davíð Þór hlóð hljóm-
unum með vinstri í spennuríkum
sóló. Frábært að heyra hann aftur í
klassískum píanódjassi. Bítlana og
fleira góðgæti söng kórinn einn og
var sérdeilis gaman að húmorísku
lagi Drake & Oklands: Java
Jive. En perlur kvöldsins voru eftir
sænska tónskáldið Nils Lindberg.
Hann kom hér 1997 er Kór Lang-
holtskirkju og Stórsveit Reykjavík-
ur fluttu Requiem hans og lék þá á
píanóið. Kórinn söng fjögur lög úr
svítunni O Mistress mine, þar á með-
al Shall I Compare Thee við ljóð
Shakespeares. Þetta var firnafallega
sungið og ekki var síðri flutningur
kórsins og kvartettsins á einu fræg-
asta lagi Lindbergs, As You Are, við
ljóð djassbassasnillingsins Red Mic-
hells. Það hefur löngum verið djass-
mönnum erfitt að finna leið til að út-
setja fyrir kór á jafn listrænan hátt
og stórsveit, meirað segja Ellington
átti í basli með kórtónlist, en Lind-
berg hefur verið glúrinn við slíkt þó
hann sé meiri klassíker en djassisti.
Vonandi verður búið að finna betri
lausn á hljómblöndun kórs og kvart-
etts er næst verður djassað í Lang-
holtskirkju.
Kammerkór og djasskvartett
TÓNLIST
Langholtskirkja
Sunnudagskvöldið 20.1.2008
Kammerkór Langholtskirkju og djass-
kvartett bbbmn
Vernharður Linnet
AMY RUSH (frá Ástralíu) og Djo-
nam Saltani (frá Frakklandi) heita
tveir ungir listamenn sem hafa
dvalið í gestavinnustofu Gilfélags-
ins á Akureyri og sýna nú verk sín
í Deiglunni.
Rush vinnur hólógrafísk verk,
eða svokölluð „Rainbow holograms“
lík þeim sem eru notuð á greiðslu-
kortum, og taka þau á sig mynd
sem flýtur og færist eftir stöðu
áhorfendans. Frásögnin í verk-
unum er tvinnuð saman úr frelsi
blómabarnsins og barnslegu prins-
essuævintýri þar sem áhorfandinn
fær að fylla í glompurnar.
Djonam Saltani sýnir litla ker-
amikskúlptúra af flugvélum, ýmiss
konar geimskip, sjóræningja, geim-
flaugar og orrustuvélar, sem hanga
á víð og dreif um rýmið, líkt og í
herbergi unglings sem hefur ein-
angrað sig með því að setja saman
módel.
Jarðefnið og myndefnið skapar
viðeigandi spennu sín á milli þar
sem formið vísar til flugs en efnið
til aðdráttarafls jarðar.
Verk Rush og Saltanis eru ólík
en vinna saman. Regnboginn sem
smitast á veggi vegna kastljósa á
hólógrafíur gefur rýminu léttleika,
teygir hólógrafíurnar út í rýmið, og
vegur skemmtilega á móti þyngd
hangandi keramikskúlptúranna. Og
yfir Deiglunni svífur lífleg hipp-
astemning og æskuljómi.
Æskuljómi
MYNDLIST
Deiglan
Opið alla daga nema mánudaga kl. 13-
17. Sýningu lýkur 27. janúar. Aðgangur
ókeypis.
Amy Rush og Djonam Saltani
bbbmn
Jón B.K. Ransu
Æskuljómi „Djonam Saltani sýnir litla keramikskúlptúra,“