Morgunblaðið - 26.01.2008, Síða 55

MORGUNBLAÐIÐ LAUGARDAGUR 26. JANÚAR 2008 55
Síðustu nætur höfum við gistá heimili útgefenda okkar íJapan, hjá hjónunum Taka
og Kyoko og fimm ára syni
þeirra. Hjónin stofnuðu útgáfuna
Afterhours fyrir tæpum áratug
en áður störfuðu þau við japönsk
tónlistartímarit. Fyrir utan tón-
listarútgáfu standa þau einnig að
útgáfu tónlistar- og menningar-
tímaritsins Afterhours en síðasta
tölublað var einmitt tileinkað
lista- og menningarlífinu í
Reykjavík.
Þau búa í huggulegu og líflegu
hverfi sem nefnist Shimo Kita-
sawa sem einhverjir hafa viljað
kalla „bóhemhverfi“ Tókýó-
borgar. Sú nafngift er alls ekki
út í hött en þarna má finna alls
kyns „secondhand“-verslanir og
áhugaverð veitingahús. Þarna er
maður jafnframt nokkuð laus við
hamagang stærri hverfanna eins
og Shibuya þar sem lætin, mann-
hafið og ljósríkið draga fljótt úr
manni máttinn. Það er því mjög
gott að vera í Shimo Kitasawa.
Morgunstund gefur
gull í mund
Við sofum á örþunnum dýnum,
einhverju sem heimamenn kalla
„futon“, en þessar dýnur eru eng-
an veginn gerðar fyrir dekraða
vestræna líkama. Maður vaknar
því eldsnemma og með verki í
beinum sem er vissulega ergilegt
en þó gefur morgunstund alltaf á
einhvern hátt gull í mund.
Fimm ára sonur hjónanna,
Siuski, hefur átt stóran þátt í að
auðvelda okkur morgunrisuna en
þegar við skjögrum á lappir tek-
ur hann yfirleitt á móti okkur
með nýlöguðu kaffi og með því.
Hann hefur nefnilega sérstakan
áhuga á því að þjónusta okkur og
leggur gífurlegan metnað í það.
Eitt skiptið þegar við fórum út að
borða í hverfinu tók hann um-
svifalaust að sér að hella bjór í
glösin okkar. Í einni áfyllingunni
fóru nokkrir dropar út fyrir, sem
enginn gaf í rauninni gaum, en
hann skammaðist sín rosalega yf-
ir óhappinu og sýndi fram á iðr-
un sína með því að krjúpa heil-
lengi með höfuðið í gólfið. Þessi
uppákoma þótti okkur mjög und-
arleg og það má segja að hún sé
helsta menningarsjokkið sem við
höfum orðið fyrir í ferðinni.
Útgáfutónleikar
og karókí
Annars hefur ýmislegt drifið á
daga okkar hér í Tókýó. Rússí-
banaferð situr nokkuð ofurlega
og eins áttatíu metra hár fallturn
sem ég og bassaleikarinn reynd-
um. Þá heimsóttum við íslenska
sendiherrann í Japan, Þórð Ægi
Óskarsson, og hitt starfsfólkið við
íslenska sendiráðið. Þar var tekið
vel á móti okkur og þau end-
urguldu síðan heimsóknina með
því að mæta á tvenna tónleika
okkar í Shibuya, annars vegar á
sjö hundruð manna stað sem
nefnist Duo Music Exchange, en
þar hituðum við upp í annað sinn
fyrir múm, og hins vegar á út-
gáfutónleika okkar sem haldnir
voru á tvö hundruð manna staðn-
um O-Nest.
Karókí í fimm tíma
Fyrri tónleikarnir, á Duo Music
Exchange, voru gífurlega vel
heppnaðir. Í lok síðasta lagsins
hjá okkur var söngvarinn, Svavar
Pétur Eysteinsson, lagstur löðr-
andi sveittur á sviðið með gít-
arinn á bakinu og míkrafóninn
einhvers staðar kraumandi undir
sér.
Þegar síðasti tónninn dó út
stökk hann brosandi á lappir með
blóðuga neðri vör. Áhorfendur
brugðust við að venju með hnit-
miðuðu og stuttu lófaklappi.
Útgáfutónleikarnir voru sömu-
leiðis sérstaklega vel lukkaðir.
Að þeim loknum var haldið í ka-
rókí á nálægum stað en þangað
mætti öll hjörðin og skiptist á um
að syngja næstu fimm tímana. Ég
hef sjaldan skemmt mér betur.
Nú er Japansdvölinni aftur á
móti lokið og ég held að hljóm-
sveitin geti verið nokkuð sátt við
frammistöðu sína á þessu sér-
staka tónleikaferðalagi. Og von-
andi eigum við eftir að endurtaka
leikinn.
Blóðugar varir og karókí
SKAKKAMANAGE Í JAPAN
Þormóður Dagsson
» Þegar síðasti tónn-inn dó út stökk
hann brosandi á lappir
með blóðuga neðri vör.
Áhorfendur brugðust
við að venju með
hnitmiðuðu og
stuttu lófaklappi.
Ljósmynd/Svavar Örn Eysteinsson
Kræsingar Matarmenning Japana er afskaplega litrík og skemmtileg.
Íslendingarnir reyna sig á prjónunum á japönskum veitingastað í Tókýó. thorri@mbl.is
LEIKKONUNNI Scarlett Joh-
ansson er margt til lista lagt eins og
sannaðist þegar hún kom fram með
hljómsveitinni Jesus & Mary Chain
á Coachella-tónlistarhátíðinni í
fyrra. Nú hafa þær fregnir verið
staðfestar að í burðarliðnum sé
hljómplata þar sem Scarlett syngur
nokkur vel valin lög eftir banda-
ríska tónlistarmanninn Tom Waits.
Platan mun heita eftir einu laga
Waits, „Anywhere I Lay My Head“
og upptökum stjórnar Dave Sitek
úr hljómsveitinni TV On The Radio.
Einnig kemur að gerð plötunnar
Nick Zinner, gítarleikari Yeah
Yeah Yeah’s. Áætlað er að platan
komi út í vor á vegum plötufyr-
irtækisins Atco sem er í eigu Rhino
Entertainment.
Tom Waits
Scarlett Johansson
Scarlett túlk-
ar Tom Waits