Morgunblaðið - 26.01.2008, Qupperneq 61
MORGUNBLAÐIÐ LAUGARDAGUR 26. JANÚAR 2008 61
KVIKMYNDIN Charlie Wilson’s
War verður frumsýnd hér á landi
um helgina.
Myndin er byggð á bók eftir
George Crile og segir frá sannsögu-
legum atburðum. Hún fjallar um
gerspilltan þingmann frá Texas,
Charlie Wilson, sem aðstoðaði músl-
ima í Afganistan þegar Sovétríkin
réðust inn í landið í lok áttunda ára-
tugarins. Charlie stendur ekki einn.
CIA-starfsmaðurinn Gust Avr-
akotos hefur margt óhreint í poka-
horninu og veigrar sér ekki við að
taka þátt í hverju því sem Charlie
skipuleggur.
Joanne Herring á líka stóran þátt
í þessu, því það var hún sem fékk
Charlie til að taka upp málstað
múslima, með persónutöfra sína
eina að vopni. Saman spila þau með
fólk og peninga til þess að ná mark-
miðum sínum.
Mike Nichols leikstýrir myndinni.
Hún skartar stórstjörnunum Juliu
Roberts, Philip Seymour Hoffman,
sem er tilnefndur til Óskars-
verðlauna sem besti leikari í auka-
hlutverki fyrir leik sinn í myndinni,
Tom Hanks og Amy Adams.
Erlendir dómar
Metacritic 69/100
The New York Times 90/100
Variety 80/100
Premiere 75/100
Spilltur
þing-
maður
Stríð Tom Hanks og Julia Roberts í hlutverkum sínum.
Kvikmyndar-
frumsýning
AMY Winehouse skráði sig
í meðferð á fimmtudags-
kvöldið eftir að útgáfufyr-
irtækið hennar setti henni
úrslitakosti.
Myndband náðist af
Winehouse fyrr í þessari
viku þar sem sást til hennar
reykja krakk. Forstjóri Uni-
versal Records, Lucian Gra-
inge, sagði henni þá að ann-
aðhvort yrði hún að leita sér
hjálpar eða fórna frama sín-
um í tónlistarbransanum.
„Allir hafa verið með
meðferðarúrræði í huga fyr-
ir hana en voru að bíða eftir
því að hún ákvæði sjálf að
leita sér hjálpar,“ sagði inn-
anbúðarmaður hjá Univer-
sal og bætti við: „Grainge
sagði að hún færi ekki á
Grammy-verðlaunin, BRIT-
hátíðina eða gæfi út aðra
plötu fyrr en hún rétti úr
kútnum.“
Universal sendi frá sér yfirlýsingu í fyrrakvöld þar sem sagði: „Amy
ákvað að skrá sig í meðferð í dag eftir að hafa rætt við útgáfufyrirtækið,
umboðsmann sinn og lækna. Hún hefur áttað sig á því að hún þurfi hjálp
sérfræðinga til að ná sér út úr fíkninni og til undirbúnings fyrir vænt-
anlegt atriði á Grammy-verðlaununum.“
Winehouse fór í fylgd föður síns á meðferðarheimili í London. Talið er
að hún verði orðin nógu frísk til að koma fram á Grammy-verðlaununum í
Los Angeles 10. febrúar.
Reuters
Þreytt Amy Winehouse var orðin ansi
þreytuleg áður en hún fór í meðferð.
Farin í meðferð