Morgunblaðið - 09.03.2008, Blaðsíða 23

MORGUNBLAÐIÐ SUNNUDAGUR 9. MARS 2008 23
an þetta mál væri óleyst værum við
ekki hæfir til að fara inn á markað.
Það væri einfaldlega of mikil óvissa
uppi um framhaldið.“
Hjónavígslunni frestað?
– Eru það vonbrigði að Slóvenar
skyldu hafna tilboði ykkar?
„Vissulega eru það vonbrigði
vegna þess að við erum þeirrar skoð-
unar að þetta hafi verið góður fjár-
festingarkostur. Ástæðan er meðal
annars sú að Telekom Slovenije er
mjög áþekkt okkar eigin fyrirtæki.
Tæknilega er það komið álíka langt
og við, auk þess sem markaðs-
hlutdeildin heima fyrir er svipuð og
hjá okkur. Þá hefur fyrirtækið verið
að þreifa fyrir sér erlendis og verið
að fjárfesta í Suðaustur-Evrópu,
þannig að við sáum fyrir okkur mjög
farsælt hjónaband, ef svo má að orði
komast. Við myndum vinna á okkar
markaði og sækja á Norður-Evrópu
og þeir vinna á sínum heimamarkaði
og sækja á Suðaustur-Evrópu. Við
vitum líka að þeir voru að leita að
markvissum meðeiganda til lengri
tíma, sem hentaði okkur.“
– Kom þessi töf á afgreiðslu máls-
ins sér ekki illa fyrir ykkur?
„Hún kom sér alltént ekki vel. Við
lögðum líka áherslu á að niðurstaða
fengist sem fyrst í málið og það er
ekkert leyndarmál að við settum á
þetta tímafrest. Það var engin
ókurteisi fólgin í því. Það varð að
eyða þessari óvissu.“
– Líturðu svo á að þessi kaup séu
nú úr sögunni?
„Úr því sem komið er á ég ekki
von á því að ríkisstjórn Slóveníu selji
fyrirtækið á þessu kjörtímabili en
kosningar fara fram í landinu í
haust. Það er fjögurra flokka rík-
isstjórn við völd í Slóveníu og tveir
af þeim flokkum höfðu látið í ljós
efasemdir um söluna. Við vissum því
alltaf að það væri pólitísk óvissa í
málinu og brugðið gæti til beggja
vona. Það má heldur ekki gleyma því
að Landsími Íslands fór tvisvar í
sölu. Það var hætt við árið 2001.“
– Svo þið hafið enn þá áhuga?
„Já, við höfum það. Við höfum
kynnt okkur þetta fyrirtæki mjög
vel og sennilega má með góðum rök-
um halda því fram að fáir ef nokkur
þekki Telekom Slovenije betur en
við hjá Skiptum ásamt stjórnendum
félagsins. Ný ríkisstjórn tekur við í
Slóveníu í haust og við skulum sjá
hvað setur.“
Tíminn er afstæður
– Það eru blikur á lofti í efnahags-
lífinu. Einhver myndi segja að þetta
væri ekki besti tíminn til að fara með
fyrirtæki á markað.
„Það er alveg rétt. En hvernig á
maður á velja tímann? Þar fyrir utan
erum við hér að uppfylla sam-
komulag sem var gert á sínum tíma
og höfum ekkert val. Samt hef ég
engar sérstakar áhyggjur af þessu.
Fjárfestar skoða rekstrarsögu fyr-
irtækja, efnahag og framtíðarsýn
þegar þeir meta kostina á mark-
aðnum. Þar stöndum við í dag með
sama hætti og með sömu upplýs-
ingar og fyrir einhverjum mánuðum.
Tíminn er líka svo afstæður, yrði
eitthvað betra að gera þetta eftir
þrjá mánuði eða sex? “
– Fyrst þetta dróst á annað borð
hljótið þið samt að hafa vonað öðrum
þræði að ástandið myndi skána í
millitíðinni?
„Það er ekki hægt að hugsa á
þeim nótum. Við höfum mjög mikinn
áhuga fyrir því að fyrirtækið fari á
markað og höfum unnið markvisst
að því.“
– Heldurðu að Skipti hafi tapað á
því að hafa ekki náð að klára málið
fyrir áramót?
„Svarið við þessari spurningu er
ekki til. Það er ekkert handfast í
þessum efnum. Ég lít samt svo á að
það þurfi ekki endilega að vera. Óró-
inn á markaði var gríðarlegur fyrir
áramót – allt var fast – og ef eitthvað
er vita menn meira núna en þeir
gerðu í desember. Bankarnir eru
komnir út með sín uppgjör og mark-
aðurinn fyrir vikið orðinn upplýstari.
Það hefur myndast ákveðið viðnám
og ástandið er að fletjast út. Ég er
ekki að segja að allt sé á leiðinni upp
en það er heldur ekki allt á leiðinni
niður.“
Áhugi úr tveimur áttum
– En segjum sem svo að þið hefð-
uð ekki verið búnir að skuldbinda
ykkur til að skrá fyrirtækið í kaup-
höll núna. Hefðuð þið þá kosið að
bíða?
„Þá hefðum við sennilega metið
stöðuna yfir einhvern tíma. Annars
þýðir ekkert að velta þessu fyrir sér.
Hér erum við og á leiðinni á mark-
að.“
– Hvaðan reiknið þið með að áhugi
á hlutabréfunum komi aðallega?
„Ég myndi ætla að hann kæmi
fyrst og fremst úr tveimur áttum.
Annars vegar frá svokölluðum stofn-
anafjárfestum og hins vegar frá al-
menningi. Sagan er löng og fyr-
irtækið kemur við sögu flestra
Íslendinga á hverjum degi. Hlut-
hafar eru þegar um eitt þúsund og
margir af þeim eru starfsmenn sem
keyptu í fyrirtækinu forðum daga.
Það eru svo sem ekki stórir hlutir en
góður kjarni og góður stuðningur.“
– Hvernig hefur rekstur Skipta
gengið frá einkavæðingunni?
„Fjárhagsstaða Skipta er góð.
Okkur hefur tekist að skila af okkur
ágætri framlegð í rekstri og halda
sjóðstreyminu í fyrirtækinu með
þeim hætti að við erum burðug til að
greiða okkar vexti og greiða niður
okkar lán en jafnframt að fjárfesta í
nýjum tækifærum. Fyrirtækinu var
ýtt ágætlega úr vör af nýjum eig-
endum og stuðningur þeirra og
hvatning hafa alla tíð verið mjög
örvandi. Eigið fé var myndarlegt,
þrjátíu milljarðar króna, og eigin-
fjárstaða okkar í dag er 34% sem er
mjög heilbrigt.“
Í gegnum öldurótið
– Lægðin í efnahagslífinu snýr
ekki bara að útboðinu nú. Eru ekki
fyrirtæki á borð við Skipti dæmd til
kyrrstöðu meðan ástandið varir?
„Sveiflur í efnahagslífinu eru ekki
nýjar af nálinni. Íslendingar hafa
verið á mikilli og hraðri siglingu upp
á við undanfarin ár og það kemur
ekkert á óvart að það komi slaki á.
Annars var ég átján ár í sjávar-
útvegi og er alvanur sveiflum. Loðn-
an var ekki að hverfa í fyrsta skipti
núna.
En vitaskuld þarf að taka tillit til
ytri aðstæðna. Það segir sig sjálft að
þegar kaupmáttur rýrnar minnkar
eftirspurn og þá verða fyrirtæki eins
og Skipti að bregðast hratt við. Það
ríður á að kunna að stýra fleyinu
gegnum slíkt öldurót.
Aðalatriðið er samt að við höfum
mikla trú á þessu fyrirtæki og sjáum
ýmis tækifæri handan við hornið,
ekki síst á upplýsingatæknimarkaði,
þar sem hlutdeild okkar er enn til-
tölulega lítil. Það má vel vera að
efnahagslægðin hægi eitthvað á
áformum okkar en ég er sannfærður
um að við komumst þangað sem við
ætlum okkur. Fyrr en síðar.“
– Hlutirnir gerast hratt í fjar-
skipta- og upplýsingatæknigeir-
anum. Þetta hlýtur að vera spenn-
andi starfsvettvangur?
„Hann er það. Í sjávarútvegnum
lagði maður mikinn tíma og fé í nýja
togara og legið var yfir hverju smá-
atriði. Síðan fóru þessi gríðarlega
stóru atvinnutæki út á sjó að vinna
og maður óskaði þeim góðs gengis.
Hér er þetta þannig að maður er
upplýstur á fundi um eitthvað sem
þarf að fjárfesta í til að geta boðið
upp á bestu þjónustuna sem endar
með því að maður ákveður að kaupa
það. Þegar út af fundinum er komið
stendur svo einhver maður á næsta
horni og tilkynnir manni að það sem
verið var að kaupa sé orðið úrelt.
Svona hratt gerast hlutirnir í þessu
fagi,“ segir Brynjólfur og hlær. „En
að öllu gríni slepptu þá þurfti ég að
laga mig að þessum aðstæðum. En
þetta er svo sannarlega frábær
starfsvettvangur – og aldrei logn-
molla.“
» Íslendingar hafa verið á mikilli og hraðri sigl-
ingu upp á við undanfarin ár og það kemur ekk-
ert á óvart að það komi slaki á. Annars var ég átján
ár í sjávarútvegi og er alvanur sveiflum.
orri@mbl.is
Síðumúla 3 · 108 Reykjavík · 553 7355
Opið 11-18 virka daga, 11-15 laugard.
Hæðasmára 4 · 201 Kópavogur · 555 7355
Opið 11-18 virka daga, 11-16 laugard.
Tvær verslanir
fullar af nýjum vörum
m
bl
9
80
76
7
Lepel undirföt - sundföt - náttföt
Lejaby, Charnos, Elixir undirföt
N&N, Miraclesuit aðhaldsundirföt
Peter Murray kvenfatnaður