Morgunblaðið - 09.03.2008, Blaðsíða 39

MORGUNBLAÐIÐ SUNNUDAGUR 9. MARS 2008 39
,,VAKNAÐI í morgun, klár og
hress,“ segir í dægurlagatext-
anum. Það var öðruvísi hjá mér
því ég vaknaði nokkru eftir mið-
nætti eftir stuttan svefn með bull-
andi þungan brjóst-
verk. Þóttist vita
nógu mikið til að
gruna að hér gæti
verið hjartakveisa á
ferðinni. Þetta var
sem sagt aðfaranótt
miðvikudags 27. febr-
úar.
Ekkert breyttist
þótt ég færi fram úr,
stæði eða settist og
fékk því karl föður
minn, lækni á eft-
irlaunum í næsta
húsi, til að koma yfir
og kanna málið. (Konan norður í
Hjaltadal og engin ástæða til að
trufla hana strax). Eftir stutta yf-
irheyrslu taldi hann málið alvar-
legt og hringdi í sjúkrabíl. Ekki
dugði minna en tveir og stofan
fylltist af fílefldum bráðatæknum –
og lærlingi frá Ameríku. (Hann
verður áreiðanlega í næstu syrpu
af Bráðavaktinni.)
Karlarnir gengu fumlaust til
verka undir stjórn eins þeirra,
smelltu á mig blóðþrýstingsmæli,
tóku hjartalínurit, gáfu mér mag-
nýl og sprengiúða undir tunguna.
Þetta breytti engu um verkinn og
næsta skref var Landspítalinn.
Þar tóku við svipaðar aðgerðir
lækna og hjúkrunarfólks með
sömu fumlausu handbrögðunum til
að kanna hvort nokkuð hefði
breyst. Fleiri útprent úr hjarta-
línuritinu voru skoðuð og þau gátu
lesið út úr upplýsingunum stíflu í
einni æð sem virtist opnast og
lokast á víxl. Þriðja skrefið var þá
að ræsa út hjartaþræðingarteymi
á bakvakt. Þau hljóta öll að eiga
heima í næsta húsi því eftir ör-
skamma stund var búið að rúlla
mér inn á þeirra svæði og und-
irbúningur á fullu.
Galdraverk
Síðan hófst galdraverkið. Slanga
þrædd í slagæð í nára og um hana
er hægt að renna hinum og þess-
um græjum alveg upp í hjartað.
Til dæmis pumpu til að þrýsta út
æðaveggjunum og ef þeir leka
saman aftur er hægt að skutla
þangað upp stoðneti (sem svipar
til gorms í kúlupennum) til að æð-
in haldist víð. Um leið er hægt að
sannreyna ástandið í öðrum æðum
og ferðast þannig um æðakerfi
hjartans og horfa á allt í beinni út-
sendingu á skjá ofan við rúmið.
Það er hins vegar óskiljanlegt
hvernig hægt er að stýra tækinu
um þetta vegakerfi. Í ljós kemur
hjá mér að fleira þarf að laga sem
látið verður bíða um sinn. Þegar
það verður búið verða afköstin
eins og á 2+2 þjóðvegi. Og þar
sem ekki þarf að svæfa er bara
fróðlegt að fylgjast með framvindu
mála og rabba við fólkið um leið
og það rannsakar í manni pump-
una.
Þarna eru sem sagt tvær stofur
með hjartaþræðingarbúnaði. Þær
eru fullnýttar á daginn og fyrir
fáum árum var komið á bakvakt til
að geta tekið strax á bráðavanda
utan dagvaktar. Það kerfi hefur
sannað sig fyrir löngu og það eru
ekki mörg ríki sem bjóða borg-
urum sínum upp á þessi gæði. Það
er kannski ekki útkall
á hverri nóttu en
nokkur í viku samt.
Að loknu verki
renndu þau mér upp á
hjartadeildina og þar
tók enn nýtt sett af
glaðvakandi fólki við
sjúklingnum. Þar
vissu líka allir hvað
þeir áttu að gera. Þá
voru aðeins liðnir þrír
og hálfur tími frá ég
vaknaði við verkinn
og búið að leysa bráð-
asta vandann og koma
honum í farveg.
Meðan þessu fór fram var gamli
maðurinn í sambandi við fjölskyld-
una, konan ók í bæinn og stálpuð
börnin litu á föður sinn og fullviss-
uðu sig um að allt væri í sóma.
Þegar leið á morguninn var konan
komin líka og smám saman fór
landið að rísa. Stálpuðu börnin
komu aftur daginn eftir og nú með
ungana sína sem sungu afmæl-
issöng fyrir afann með súkku-
laðikökunni.
Við tók rúmlega þriggja daga
lega á spítalanum þar sem áfram
héldu stöðugar mælingar. Öllu er
skilmerkilega safnað í möppu sem
þykknaði með hverjum deginum.
Einnig hófst lyfjameðferð og um
leið gönguferðir um gangana undir
stjórn sjúkraþjálfara. Annars leið
tíminn fljótt við lestur, gesta-
móttöku, spjall við aðra sjúklinga,
hafragrautsát á morgnana (og lyf-
in með) og tvær heitar máltíðir á
dag.
Uppbygging framundan
Að öllu þessu loknu er síðasta
skrefið framundan og kannski ekki
það ómerkilegasta: Að ná bata
með endurhæfingu og tilhlýði-
legum hegðunarbreytingum. Þegar
leið að brottför voru lagðar lífs-
reglur og kynnt endurhæfing og
fræðsla sem er nauðsynlegur
hlekkur í þessari keðju.
Við vitum ýmislegt þegar hjarta-
sjúkdómar eru annars vegar. Ekki
reykja, ekki borða feitt, ekki liggja
í leti, passa þrýstinginn og forðast
streitu og andlegt álag. Spurning
er hins vegar hvernig gengur að
fara eftir þessum góðu ráðum sem
öllum er ætlað að draga úr hættu
á að fá hjarta- og æðasjúkdóma.
Í lokin þetta: Á Landspítala
vinnur hæft starfsfólk sem kann
sín fræði og getur beitt þeim til
hins ýtrasta. Þar vinna allir verð-
mætt starf við þröngan kost og
gera sér far um að láta sjúklingum
líða vel. Þessi mannauður hefur í
áraraðir verið lykillinn að árangri í
meðhöndlun okkar sem þangað
leitum. Þannig verður það vonandi
á nýjum spítala. Eins eða tveggja
manna stofur eru hins vegar auka-
atriði.
Vinna verðmætt
starf við þröngan kost
Jóhannes Tómasson skrifar
sjúkrasögu » Þessi mannauður
hefur í áraraðir ver-
ið lykillinn að árangri í
meðhöndlun okkar sem
þangað leitum.
Jóhannes Tómasson
Höfundur er upplýsingafulltrúi sam-
gönguráðuneytis.
AÐALFUNDUR
Aðalfundur HF. Eimskipafélags Íslands 2008 verður haldinn þriðjudaginn
18. mars á Hilton Reykjavík Nordica, Suðurlandsbraut 2, og hefst kl. 17.00.
Tillögur frá hluthöfum sem bera á upp á aðalfundi þurfa að berast stjórn eigi síðar en 7 dögum fyrir aðalfund.
Framboðsfrestur til stjórnar rennur út 13. mars kl. 17.00. Framboðum skal skila skriflega til stjórnar
HF. Eimskipafélags Íslands, á skrifstofu forstjóra, Sundakletti, Korngörðum 2–4, 104 Reykjavík.
Dagskrá fundarins, endanlegar tillögur svo og ársreikningur félagsins munu liggja frammi á skrifstofu félagsins,
hluthöfum til sýnis, 7 dögum fyrir aðalfund.
Fundargögn og atkvæðaseðlar verða afhent hluthöfum á aðalfundardaginn frá kl. 16.00 á fundarstað.
Stjórn HF. Eimskipafélags Íslands.
HF. EIMSKIPAFÉLAG ÍSLANDS
DAGSKRÁ:
1. Skýrsla stjórnar um starfsemi félagsins á liðnu starfsári
2. Ársreikningur félagsins lagður fram til staðfestingar
3. Ákvörðun um meðferð taps félagsins á reikningsárinu
4. Ákveðin þóknun til stjórnarmanna fyrir næsta starfsár
5. Tillögur um breytingar á samþykktum félagsins
a. Breyting á 19. gr.
Nýr 1. ml. „Stjórn félagsins skipa 5 menn sem kosnir skulu árlega á aðalfundi en auk þess skulu 2 varamenn vera
kjörnir árlega á aðalfundi.“
b. Breyting á 21. gr.
Í stað „tveggja stjórnarmanna“ komi „meirihluti stjórnarmanna“.
c. Breyting á 4. gr. Nýr málsliður í 1. mgr.
„Stjórn félagsins hefur heimild til að ákveða að hlutafé félagsins verði gefið út í erlendum gjaldmiðli í stað
íslenskra króna, telji stjórnin slíkt fýsilegt, sbr. heimild í 1. gr. laga um hlutafélög nr. 2/1995. Skal við umreiknun
hlutafjárins fara að ákvæðum laga um ársreikninga nr. 3/2006, sbr. 5. mgr. 1. gr. laga um hlutafélög nr. 2/1995.
Skal stjórn jafnframt heimilt að gera nauðsynlegar breytingar á samþykktum félagsins sem leiða af útgáfunni,
þ.á m. breyta fjárhæðum þeim sem fram koma í 1. mgr. 3. gr. samþykkta félagsins og varða breytinguna.“
6. Stjórnarkjör
7. Kjör endurskoðenda
8. Tillögur um kaup á eigin hlutum
9. Önnur mál löglega fram borin
Loksins - Loksins Íbúasamtök í Miðborginni
Langþráður stofnfundur Íbúasamtaka Miðborgar
Iðnó, þriðjudaginn 11.mars kl. 20:30.
Hvers vegna er Miðborgin eini borgarhlutinn sem ekki á
íbúasamtök, hverfisblað og markvissan þrýstihóp?
Einn milljarður er nú til ráðstöfunar í margvísleg þörf verk-
efni í öllum borgarhlutum Reykjavíkur í krafti átaksins
1, 2 og Reykjavík. Ein forsenda þess að Miðborgin fái
sinn sjálfsagða skerf af þessu fé er að íbúarnir taki sig
saman, skipuleggi sig og leggi á ráðin með aðkallandi
þarfir sem krefjast fjárstuðnings. Þingholt, Skuggahverfi og
Grjótaþorp eru mestu þéttbýlissvæði höfuðborgarinnar. Mörg aðkallandi verkefni
bíða úrlausnar.
Fjölmennum. Aðgangur er ókeypis. Hlýðum á skeleggan frummælanda og
hressilegt söngatriði. Kjósum bráðabirgðastjórn og njótum síðan léttra veitinga.
Brettum upp ermar og mætum galvösk okkur sjálfum til hagsbóta.
Undirbúningshópurinn.
Fréttir
í tölvupósti