Morgunblaðið - 09.03.2008, Blaðsíða 63

MORGUNBLAÐIÐ SUNNUDAGUR 9. MARS 2008 63
Sigur lífsins
- páskadagskrá á Kirkjubæjarklaustri
Á páskum 2008, dagana 20.-24. mars, verður árleg dagskrá á Kirkjubæjarklaustri
sem nefnist Sigur lífsins. Fléttað verður saman fræðslu um Skaftáreldanna 1783,
útivist á söguslóðum og helgihaldi páskahátíðarinnar.
Dagskráin er á vegum Kirkjubæjarstofu, í samvinnu við sóknarprest og
sóknarnefnd Prestsbakkasóknar. Nánari upplýsingar í síma: 487 4645,
á netfangi: kbstofa@simnet.is á vefsíðu: www.kbkl.is og www.klaustur.is
LEIKKONAN Catherina
Zeta-Jones hefur borið til
baka fréttir frá því fyrr í
vikunni að hún hafi sagst
vera orðin of gömul fyrir
senur þar sem sæist meira
en minna af nöktu holdi.
„Ég sagði þetta ekki. Hafið
ekki áhyggjur, þið fáið að
sjá mig. Það var vitlaust
haft eftir mér. Ég hef ekki
enn þá náð hæstu hæðum
kynþokka míns,“ sagði
hún.
Þá hefur verið ljóstrað upp um að
Zeta-Jones noti tiltekið húðkrem til
að halda sér unglegri; komi það í veg
fyrir öldrun húðarinnar.
„Ég held að leynd-
armálið felist í þessu
kremi. Þegar maður byrj-
ar að nota það er ekki
hægt að hætta. Ég nota
það á hverjum degi,“ sagði
leikkonan.
Húðkremið er ekki eina
fegrunarlyfið sem leik-
konan notar því fyrir um
ári var greint frá því að
hún notaði fyrsta flokks
kavíar í hárið og þótti mik-
ið til um árangurinn. Lík-
legt má telja að um fyrsta flokks
styrjuhrogn sé að ræða, nema að
grásleppubændur hafi fundið nýja
leið til að selja afurðir sínar.
Zeta-Jones segist ekki
hætt að leika fáklædd
Catherine Zeta-Jones
LÆKNAR hafa skipað leikaranum Patrick Swayze að hætta að
reykja til að auka líkurnar á árangri í baráttunni sem hann heyr
nú við briskrabbamein. Swayze, sem varð frægur á sínum tíma
fyrir leik í kvikmyndinni Dirty Dancing, hefur hingað til neitað
að gefa reykinn upp á bátinn. Hann hefur sagst reykja allt að
þrjá pakka af vindlingum á dag.
Læknir Swayze sagði í yfirlýsingu í vikunni, að leikarinn
brygðist vel við meðferðinni og að fréttir um að hann ætti ein-
ungis nokkrar vikur ólifaðar væru „ekki sannar“.Í hættu Patrick Swayze með eiginkonu sinni.
Swayze skipað að
hætta að reykja