Morgunblaðið - 29.03.2008, Qupperneq 21

MORGUNBLAÐIÐ LAUGARDAGUR 29. MARS 2008 21
LANDIÐ
Morgunblaðið/Gunnlaugur Árnason
Kveðjustund Systir Mirjam, systir Renée, systir Petra og systir Elíse hafa
átt langan og farsælan starfstíma á St. Franciskusspítalanum.
Eftir Gunnlaug Árnason
Stykkishólmur | Fjórar katólskar
systur, sr. Elíse, sr. Mirjam, sr.
Petra og sr. Renée, hafa yfirgefið
landið eftir áratuga starf við
sjúkrahúsið í Stykkishólmi. Af því
tilefni var haldið kveðjuhóf í St.
Franciskusspítalanum. Í hófið
mætti fjölmenni sem vildi sýna
þeim þakklæti fyrir sitt fórnfúsa
starf fyrir sjúkrahúsið og ekki síður
fyrir samfélagið.
Allar eru þær systur orðnar full-
orðnar og hafa helgað stærsta hluta
starfsævi sinnar þjónustu í Stykkis-
hólmi. Sr. Renée er frá Belgíu og
kom til Stykkishólms haustið 1952.
Hún hefur verið hér í yfir 50 ár.
Hún starfaði á sjúkrahúsinu við
hjúkrun. Hún var í tvígang prior-
inna og byggingastjóri sjúkrahúss-
ins. Hún hafði mikil samskipti við
iðnaðarmenn og tæknimenn bæði í
Stykkishólmi og í Reykjavík og
ávann sér mikla virðingu allra sem
samskipti þurftu að eiga við hana.
Sr. Petra er hollensk og kom
hingað 1961 til að vinna í prent-
smiðjunni. Hún starfaði við prent-
verk allan þann tíma sem Katólska
kirkjan rak prenstmiðju í Stykk-
ishólmi. Hún kynntist hinni miklu
byltingu í sinni grein, byrjaði í
handsetningu og kynntist því þegar
tölvur héldu innreið sína. Hún var
dugleg að fara söluferðir um landið
og selja bækur sem katólski söfn-
uðurinn gaf út. Hún starfaði einnig
í tvígang sem priorinna. Hún var
mikill talnaspekingur og góður
prófarkalesari.
Sr. Elíse er frá Belgíu. Hún kom
til starfa árið 1967 og starfaði til
ársins 2000 eða í um 33 ár. Hún sá
um þvottahúsið alla tíð og þar var
oft mikið álag, sérstaklega er syst-
urnar ráku sumardvalarheimili fyr-
ir börn frá höfuðborginni. Hún er
mikil hannyrðakona og hefur saum-
að mikið fyrir sjúkrahúsið og
systrahúsið. Sr. Mirjam er frá Hol-
landi og kom hingað til starfa árið
1970. Hún hefur séð um röntgen-
myndatökur. Hún lét af störfum í
júní 2006.
Ein besta himnasendingin
Í samtali við fréttaritara sögðu
þær að þeim hefði liðið vel að starfa
á Íslandi. Það voru mikil viðbrigði
að koma til Íslands á þeim tíma. En
þær náðu fljótt að aðlagast og það
gekk mun betur vegna þess hve
bæjarbúar voru þeim hjálplegir og
eins auðveldaði allt þeirra barna-
starf þeim að læra og tala íslensk-
una.
Þær gengust undir það heit að
hlýða er þær tóku þá ákvörðun að
ganga í St. Franciskusregluna. Því
loforði munu þær fylgja um ókomin
ár. Þegar þær fengu þær fregnir að
þær ættu að flytja sig til fyrri
heimkynna var ekkert um annað að
ræða en að hlýða. „Það var gaman
að koma til Stykkishólms, en alls
ekki að fara,“ sögðu þær systur ein-
um rómi. Þær vildu gjarnan dvelja
hér lengur, en það er annarra að
taka ákvörðun.
Þær hafa verið hér hluti af sam-
félaginu og fundist þær tilheyra
þessari stóru fjölskyldu. Þær
kveðja mjög sáttar og eiga góðar
minningar frá dvöl sinni á Íslandi.
Þakklæti er þeim efst í huga á
þessum tímamótum til allra sem
hafa sýnt þeim vináttu og hlýju.
Þegar einn af eldri borgurum
Stykkishólms kvaddi þær systur
sagði hann að það hefði verið ein
mesta himnasending sem Hólmarar
hafa fengið að fá þær til starfa hér í
bæ og fyrir þeirra æskulýðsstarf.
Undir þessi orð geta aðrir Hólm-
arar tekið.
Systurnar fara hver til síns
heimalands. Við brottför þeirra
fækkar mjög nunnunum í Stykk-
ishólmi, en þær eru ekki allar farn-
ar því eftir eru fjórar nunnur sem
bæði starfa á sjúkrahúsinu og sinna
öðrum störfum.
Það var gaman
að koma en alls
ekki að fara
Í HNOTSKURN
»St. Franciskusspítalinn tóktil starfa í Stykkishólmi árið
1935 og hefur allan þann tíma
veitt íbúum Snæfellsness góða
þjónustu.
»St. Franciskusreglan sá umrekstur spítalans í fjölda ára.
Ríkið tók alfarið við rekstri hans
fyrir nokkrum árum með sama
heiti.
Fjórar nunnur kveðja St. Franciskus-
sjúkrahúsið eftir áratugastarf
Reykjanesbær | Árni Sigfússon
bæjarstjóri Reykjanesbæjar hélt í
vikunni íbúafund með Pólverjum
sem búsettir eru í bænum. Alls
mættu um 60 manns á fundinn en
Pólverjar eru um 8% íbúa bæjarins.
Á fundinum voru kynntar helstu
áherslur Reykjanesbæjar í mennta-
málum, atvinnumálum og umhverf-
ismálum en að auki var kynnt verk-
efnið Interculture Reykjanes.
Interculture Reykjanes hófst sl.
haust og voru ráðnir til þess tveir
pólskir verkefnastjórar, Katarzyna
Kraciuk og Sylwia Kryszewska.
Markmið verkefnisins er að auð-
velda aðlögun pólskra innflytjenda
í samfélaginu. Einnig hefur Reykja-
nesbær ráðið kennsluráðgjafa fyrir
börn innflytjenda í grunnskólum
Reykjanesbæjar og mun hann m.a.
samræma móttöku þessara barna
og aðlögun að skólastarfi. Katar-
zyna kynnti helstu verkefni sem nú
eru í vinnslu á vegum Interculture
Reykjanes og sagði hún á fundinum
það vilja bæjaryfirvalda að skapa
traust í samskiptum milli íbúa
Reykjaness og innflytjenda frá ólík-
um menningarheimum. Unnið er að
gerð upplýsingakerfis um Reykja-
nes og líf í nýju samfélagi, frétta-
bréf er gefið út mánaðarlega og
unnið er að þýðingu á vefsíðu bæj-
arins. Einnig er unnið að ýmsum
verkefnum í samstarfi við t.d. Mið-
stöð símenntunar á Suðurnesjum,
stéttarfélög, bókasafn, skóla, 88
húsið og lögreglu.
Árni tók í lok fundarins við
ábendingum frá fundarmönnum
um það sem betur mætti færa, líkt
og gert er á árlegum íbúafundum
hans sem haldnir eru í maí.
Ljósmynd/Dagný Gísladóttir
Íbúafundur Fjölmenni var á íbúafundi Árna Sigfússonar bæjarstjóra með
pólskum íbúum Reykjanesbæjar. Fundað var í Bíósal Duushúa.
Vinna að aðlögun pólskra
íbúa að samfélaginu
SUÐURNES
Hannes Hólmsteinn Gissurarson hefur undanfarna áratugi verið
einn ötulasti talsmaður fyrir lífsviðhorfum frjálshuga manna á Íslandi.
Hann hefur í óþökk forsjárhyggjuafla og sameignarsinna
nýtt sér málfrelsi sitt í baráttu fyrir frelsinu.
Við eigum honum öll mikið að þakka fyrir að hafa verið óþreytandi
við að mæta þeim öflum sem vilja tamkarka einstaklingsfrelsi á Íslandi.
Nú er að honum sótt
Hann er bara venjulegur launamaður og hefur ekki mikil fjárráð
til að mæta árásum þeirra sem vilja takmarka málfrelsi hans,
meðal annars með háum fjárkröfum fyrir dómstólum.
Íslenskur auðmaður sækir að honum erlendis og reynir
að brjóta hann niður fjárhagslega.
Nú síðast dæmdi Hæstiréttur Íslands hann til hárra fjárútgjalda
fyrir að hafa skrifað bók sem hann mátti víst ekki skrifa.
Hann var dæmdur til að bæta fjártjón sem allir vita að ekkert var.
Styðjum Hannes
Nokkrir vinir hans hafa opnað bankareikning í Landsbanka Íslands:
0101 – 05 – 271201
kt. 131083-4089
Þeir sem vilja leggja þessum ötula baráttumanni lið
eru beðnir að leggja fé inn á reikninginn.
Við þurfum að safna 3,1 milljón til að geta greitt fyrir hann
skuldina sem Hæstiréttur úthlutaði honum.
Sendum þeim sem að Hannesi sækja skýr skilaboð um
að þeim muni ekki takast að þagga niður í honum
með árásum á fjárhagslega afkomu hans.
STYÐJUM HANNES
Þessi auglýsing er kostuð af vinum Hannesar
Stjórnarkjör
Eining-Iðja auglýsir hér með eftir listum eða tillögum um menn í
stjórnarsæti vegna kjörs stjórnar og trúnaðarráðs fyrir starfsárið
2008-2009 að viðhafðri allsherjaratkvæðagreiðslu.
Ber samkvæmt því að skila lista skipuðum 100 manns í trúnaðar-
ráð, tveimur skoðunarmönnum reikninga og einum til vara til eins
árs. Einnig er hægt að bjóða fram bara gegn varaformanni sem
kosinn er til tveggja ára.
Hverjum framboðslista eða tillögu skulu fylgja meðmæli minnst 80
fullgildra félagsmanna.
Listum eða tillögum ber að skila á skrifstofu félagsins Skipagötu
14 Akureyri eigi síðar en kl. 1200 á hádegi mánudagsins 7. apríl
2008.
Akureyri 28. mars 2008
Stjórn Einingar-Iðju