Morgunblaðið - 29.03.2008, Síða 22

Þægilegt í skólann Carhartt-buxur
er málið í dag! Þær kosta 14.990 og
fást í Smash og líka Carhartt-
hettupeysan sem er á 10.990 kr.
Eftir Þuríði Magnúsínu Björnsdóttur
thuridur@mbl.is
Það er óskastund hjá tveimur unglingsstelpum. Eftir langan skóla-dag með samræmdu prófin í kollinum er ætlunin að leika lausumhala í Kringlunni í uppáhaldsbúðunum og setja í poka það sem þærlangar í og finnst vanta í fataskápinn sinn, allt með hjálp blaða-
manns Morgunblaðsins. Hann á fullt í fangi með að fylgja þessum tíundu-
bekkingum eftir, þeim Ingibjörgu Karen Þorsteinsdóttur og Veru Hilm-
arsdóttur, og kannski má benda á, blaðamanni til málsbóta, að hann er
hlaðinn pokum – rétt eins og eftirlát ungamamma.
Vinkonurnar úr Mosfellsbæ, Ingibjörg og Vera, vita alveg hvað þær vilja.
Þær hafa fengið takmarkaðan tíma til að velja sér föt fyrir myndatöku og
fram undan er fróðleg ferð um ganga verslunarmiðstöðvarinnar þar sem
þessir „atvinnubúðaráparar“ ganga fumlaust til verka. Ekki svo að skilja að
þær séu einhver „fatafrík“, þær eru venjulegir íslenskir unglingar sem fylgj-
ast vel með tískunni og þykir fátt skemmtilegra en að kíkja í búðirnar, án
þess þó að eiga heima þar eins og sagt er.
Þær segja mjög misjafnt hvað krakkar á þeirra á aldri eyði miklu í fata-
kaup á hverjum mánuði. „Sumir eyða mjög miklu! Jafnvel fyrir meira en 20
þúsund kr. á mánuði,“ segir Ingibjörg og bætir því við að hjá sumum fari
launin af vinnu með skólanum í fatakaup. Þær benda hins vegar á að maður
sé fljótt kominn upp í dágóða upphæð við það að kaupa einar gallabuxur.
„Arty“-týpur – frjálsar – steríótýpur – hiphop/rapp-týpur
„Það er rosalega margt í tísku,“ segir Vera og Ingibjörg bendir einmitt á
að tískan hjá þeirra aldurshópi sé mjög frjáls í dag. Þær
segja ólíka hópa myndast og þeir séu augljósir í
grunnskólunum; það er „arty“-hópur en þar klæðast
margir eldri fötum, frjálslegur hópur sem fer í föt
sem henta hverju sinni, t.d. eru bæði Levi’s-buxur
og íþróttaföt leyfileg, og svo hópur sem fer í ster-
íótýpu-föt sem þær kalla, þar sem allt er útpælt og
engin tilviljun að vera t.d. í Levi’s-buxum. Fjórða hópinn
segja þær orðinn svolítið áberandi en þar fara hiphop/rapp-týpur
í pokabuxum og láta gjarna sjást í magann. Stelpunum finnst svo hver stíll
verða miklu ýktari í framhaldsskólum.
Ingibjörg segist vera þessi „frjálslega“ týpa hvað fataval varðar og gengur
oft í þægilegum fötum en henni finnst líka gaman að klæða sig upp. Uppá-
haldsbúðirnar hennar eru Vero Moda, Sautján, Retro, Smash og inn á milli
fer hún í Zöru, Warehouse o.fl. Vera segist vera kölluð blómabarnið því hún
sé hrifin af skærum litum en um leið sé fataval hennar frjálslegt. Búðirnar
hennar eru Warehouse, Topshop, Zara, Sparkz og Vero Moda og hún segist
líka hrifin af Hollister-merkinu sem hún kaupir stundum á netinu (hollis-
terco.com). Annars segjast þær ekki oft kaupa föt í gegnum netið en segja
margar stelpur versla á heimasíðu Victoria’s Secret (victoriassecret.com).
Vinkonurnar segja strákana spá næstum jafnmikið í tískuna og stelp-
urnar. „Strákar fara reglulega niður í bæ að kíkja á föt,“ minnir Ingibjörg á.
„Það er einhver munur á milli kynjanna en þeir spá sko í hárið á sér!“ segir
Vera. Þær stöllur eru sammála um að hreint ótrúlegt sé hvað strákar þurfi
að blása á sér hárið eftir leikfimi. – Nei, íslenskir strákar láta ekki að sér
hæða, ekki frekar en stelpurnar. Þau eru sko alls engar gungur.
Glæsilegar Kannski of fínar fyrir samræmdu prófin …? Ingibjörg í sætum
kjól frá Warehouse, 12.990 kr., og skóm keyptum í Aldo. Vera er í nýlegum
kjól frá Jane Norman, skórnir eru úr Bianco, 12.000 kr. Stelpurnar fengu
það bráðskemmtilega verkefni að velja það sem þær vantaði í fatabúðunum.
Skemmtileg samsetning Töff
Moss-kjóll úr Sautján, 6.990 kr.,
stígvél úr Bianco, 14.500 kr. Svart-
ar gallabuxur úr Retro úr klæða-
skáp Ingibjargar.
Flott innkoma Skærrauður jakki úr Sautján,
12.990 kr., rauður hlýrabolur úr Sautján, 1.990
kr., Diesel-gallabuxur, Sautján, 16.990 kr., spöng
úr Sautján með pallíettublómi, 4.500 kr.
Bæði flott og hlýtt Piparmyntu-
grænn kemur sterkur inn um þess-
ar mundir. Peysa frá Vero Moda,
4.990 kr., prjónaðar leggings með
smellum, Vero Moda, 2.990 kr.
Skært og klassískt Það þarf ekki alltaf að kosta
mikið að hressa upp á tilveruna. Rauður hlýrabolur
frá Sautján, 1.990 kr., klútur frá Vero Moda, 790 kr.
Hressar vinkonur Í góðum og þægilegum gír. Ingibjörg í
skyrtu frá H&M og Diesel-gallabuxum úr Sautján, 13.990
kr. Vera klæðist eigin bolum og Hollister-hettupeysu, bux-
ur frá Vero Moda, 3.590 kr.
Morgunblaðið/Valdís Thor
Á hlaupum eftir unglingafötum
|laugardagur|29. 3. 2008| mbl.is
daglegtlíf