Morgunblaðið - 18.04.2008, Side 15

MORGUNBLAÐIÐ FÖSTUDAGUR 18. APRÍL 2008 15
ERLENT
LÖGREGLAN á Norður-Sjálandi í
Danmörku frelsaði í gær fimm ára
dreng, Oliver Chaanhing, í Virum,
úr höndum ræningja en honum
var rænt við leikskóla í Virum,
norður af Kaupmannahöfn, í
fyrradag. „Drengurinn hefur það
gott miðað við aðstæður en nú fer
hann heim og til foreldra sinna,“
sagði Uffe Stormly aðstoðarlög-
reglustjóri.
Lögreglan veitti ekki miklar
upplýsingar um málið en ljóst er
að drengnum var rænt til að kúga
fé út úr fjölskyldu hans. Um var
að ræða mikla aðgerð af hálfu lög-
reglunnar í hverfinu Hvidovre, að
sögn Jyllands-
posten. Voru
tveir menn af
kínverskum upp-
runa handteknir.
Er nú verið að
yfirheyra þá.
Mennirnir
voru handteknir
rétt eftir sjö í
gærkvöldi að
dönskum tíma og var sagt að búist
væri við fleiri handtökum. Margir
geta sér til um að kínverska mafí-
an hafi rænt drengnum.
Foreldrar Olivers eru frá Kína
en hafa verið nokkuð um-
svifamiklir í veitingahúsarekstri í
Danmörku í 30 ár. Fyrir áratug
lagði hópur manna á ráðin um að
ræna öðru barni þeirra, 12 ára
dreng, en þær áætlanir þeirra
fóru út um þúfur.
Danska lögreglan frelsaði
Oliver úr höndum ræningjanna
Oliver Chaanhing
Tveir menn af
kínverskum
uppruna eru í haldi
RÆÐA George W. Bush, forseta
Bandaríkjanna, í tilefni af ráð-
stefnu þeirra ríkja, sem mest
menga, olli miklum vonbrigðum og
hefur hann víða verið harðlega
gagnrýndur. Inntak hennar var, að
Bandaríkin stefndu að því að stöðva
árlega aukningu í útblæstri gróð-
urhúsalofttegunda árið 2025 og eft-
ir það yrði reynt að minnka hann
„svo fremi tæknin leyfði“.
Ræðu Bush í fyrrakvöld var beð-
ið með eftirvæntingu en í gær hófst
tveggja daga ráðstefna í París með
fulltrúum þeirra 16 ríkja, sem bera
ábyrgð á 80% losunarinnar. Bush
sagði að stefna Bandaríkjanna
byggði á raunsæi enda útilokað að
verða við kröfum um tafarlausan
samdrátt í losun koldíoxíðs og ann-
arra gróðurhúsalofttegunda.
Fulltrúar Evrópusambandsins
lýstu miklum vonbrigðum með yf-
irlýsingu Bush og einnig ýmsir tals-
menn þróunarríkjanna. Einna
harðorðastur var þó Sigmar Gabr-
iel, umhverfisráðherra Þýskalands,
sem talaði um „Neandertalsræðu
Bush“ og sagði hana ekki hafa end-
urspeglað „forystu, heldur flótta“.
Sagði Gabriel, að sem betur fer
væru þó önnur viðhorf líka uppi í
Bandaríkjunum. Allir forseta-
frambjóðendurnir þrír sem ljóst
þykir að eigi möguleika á að sigra í
haust, repúblikaninn John McCain
og demókratarnir Hillary Clinton
og Barack Obama, hafa lýst stuðn-
ingi við hertar aðgerðir til að
stemma stigu við kolíoxíðlosun.
Vonbrigði með ræðu Bush
um samdrátt í koldíoxíðlosun
VITAÐ er að minnst 52 létu lífið
í sjálfsvígsárás í þorpi súnníta
við útför í borginni Baquba í
Diyala-héraði í norðurhluta
Íraks í gær.
Fólkið var að fylgja til grafar
tveimur heimamönnum, sem
börðust gegn al-Qaeda. Segja
stjórnvöld í Írak að hryðjuverka-
menn hafi sennilega flutt sig til
svæðisins vegna aukinna örygg-
isráðstafana í Anbar-héraði,
vestur af Bagdad.
Enn eru átök í Sadr-hverfi í
Bagdad milli sjítahópa og stjórn-
arhermanna sem njóta stuðnings
Bandaríkjamanna.
Tilræði í Írak
Reuters
Árás Íbúar í Sadr-hverfi í Bagdad
við brunnið bílflak eftir loftárás.
STUTT
UM 16 þúsund lögreglumenn og
sérsveitarmenn lokuðu miðborg
Nýju Delhí í Indlandi í gær þegar
þar var hlaupið með ólympíukyndil-
inn, að sögn fréttavefjar BBC.
Minnst hundrað manns úr röðum
mótmælenda sem gagnrýndu
mannréttindabrot Kínverja í Tíbet
voru handteknir.
Yfir 100 þúsund útlægir Tíbetar
búa í Indlandi og Dalai Lama, and-
legur og pólitískur leiðtogi Tíbeta,
býr í útlegð í Norður-Indlandi og
þar hefur stjórn hans aðsetur. Ótt-
uðust indversk stjórnvöld mjög að
til átaka kæmi og sögðu indverskir
fjölmiðlar að líkja mætti höfuð-
staðnum við virki. En mótmælin
voru friðsamlegri en víða annars
staðar þar sem hlaupið hefur verið
með kyndilinn. Hlaupið sjálft var
stytt um tvo þriðju og tók aðeins
um 30 mínútur, engin truflun varð
á því. Þrautþjálfaðir, kínverskir ör-
yggisverðir, sem víða hafa verið
fordæmdir fyrir harkalega fram-
göngu, stýrðu boðhlaupinu og
hlaupararnir 70 fengu að hlaupa
nokkra metra hver en almenningi
var ekki hleypt nálægt.
Klakklaust um Delhí
Almenningi var meinað að koma nálægt ólympíukyndlinum
Skráning skuldabréfa í Kauphöll Íslands
Sparisjóður Reykjavíkur og nágrennis hf. (SPRON), kt. 540502-2770,
hefur birt lýsingu vegna töku víxla félagsins til viðskipta í OMX Nordic
Exchange Iceland hf. og gert aðgengilega almenningi frá og með
18. apríl 2008.
Eftirfarandi flokkur víxla hefur verið gefinn út:
SPR 08 0421
Seldir víxlar að fjárhæð kr. 3.650.000.000 verða teknir til viðskip-
ta þann 18. apríl 2008 en víxlaflokkurinn SPR 08 0421 getur að
hámarki orðið 4.000.000.000 (kr. fjórirmilljarðar.-). Víxlarnir eru
í 5.000.000 kr. einingum.
Víxlarnir eru óverðtryggðir og bera ekki vexti . Höfuðstóll víxlan-
na skal greiðast allur í einu lagi á gjalddaga 21. apríl 2008.
Útgefandalýsingu er hægt að nálgast hjá útgefanda, SPRON,
Ármúla 13a, 108 Reykjavík
og á vefsetri útgefanda http:\\www.spron.is
Útgefandalýsingu og verðbréfalýsingu má nálgast á prentuðu
formi hjá SPRON, Ármúla 13a, 108 Reykjavík innan 12 mánaða
frá dagsetningu tilkynningar þessarar.
Umsjón: SPRON Verðbréf hf.
18. apríl 2008
M
b
l 9
95
40
4
SPRON Verðbréf hf.
BORGARSTJÓRINN í Prag, Pavel
Bem, horfir lotningarfullur á kór-
ónu frá 1346 sem kennd er við heil-
agan Vaclav, þjóðardýrling Tékka,
áður en hún var flutt úr dómkirkju
heilags Vitusar í gær. Kórónan var
gerð fyrir Karl fjórða, konung Bæ-
heims og er til sýnis fyrir almenn-
ing í kirkjunni fimmta hvert ár.
Reuters
Kóróna konungsins í Bæheimi