Morgunblaðið - 18.04.2008, Blaðsíða 43
MORGUNBLAÐIÐ FÖSTUDAGUR 18. APRÍL 2008 43
Úrslit Skólahreysti fóru fram í Laugardalshöll í gær-kvöld og fóru keppendur Hagaskóla með sigur afhólmi, hlutu flest stig samanlagt. Í Skólahreystireyna menn á með sér í ýmsum þrautum, fjórir úr
hverjum skóla, tvær stelpur og tveir strákar. Þau Juan Ramón,
Anna Jia, Tinna Óðinsdóttir og Jón Sigurður Gunnarsson
reyndust á endanum hraustust. Varamaður var Jón Reynir
Reynisson.
Blaðamaður ræddi stuttlega við Jón Sigurð að lokinni
keppni og innti hann eftir því hver lykillinn að hreystinni væri.
Í ljós kom að bæði hann og Tinna æfa fimleika og var Jón ekki
í efa um að sú ágæta íþrótt skilaði mönnum mestri hreysti.
„Við erum með mjög gott íþróttafólk og erum fjölmennur
skóli,“ sagði Jón Sigurður. Hjálmar Kr. Aðalsteinsson, íþrótta-
kennari Hagaskóla, studdi rækilega sína menn og var himinlif-
andi yfir hreysti Hagskælinganna.
Keppnin fer þannig fram að annar strákurinn úr liðinu
keppir í upphífingum og dýfum og hinn í hraðaþraut. Önnur
stelpan keppir í armbeygjum og hreystigripi (að hanga eins
lengi á slá og mögulegt er) og hin í hraðaþraut með öðrum
stráknum. Skólahreysti var haldin í fjórða sinn í vetur og hófst
27. janúar í ár.
Gríðarlega vinsælt
Hjónin Andrés Guðmundsson og Lára Berglind Helgadóttir
eiga keppnina og halda. Andrés segir 424 krakka hafa tekið
þátt í ár, úr 106 skólum. „Það voru 2.000 áhorfendur í kvöld og
það gera 12.000 áhorfendur yfir tímabilið,“ segir Andrés.
Skólahreystin hafi skilað sér inn í skólastarfið, undirstrikað
mikilvægi þess að hreyfa sig, „gamla, góða Tarzan-leikinn,“
segir Andrés, sjálfur mikill kraftajötunn.
Hann segir leikfimikennara jákvæða í garð keppninnar,
þeir hafi orðið varir við vaxandi íþróttaanda hjá nemendum og
það hafi auðveldað þeim kennsluna. Andrés segir framhalds-
skólana mikið hafa beðið um hreystikeppni og þá myndi sú
keppni heita Framhaldshreysti. Hún yrði þó að einhverju leyti
öðruvísi en Skólahreysti. Skólarnir sem kepptu í úrslitum í
gær voru, auk Hagaskóla: Foldaskóli, Lindaskóli, Heiðarskóli,
Hvolsskóli, Grunnskóli Fáskrúðsfjarðar, Grunnskóli Siglu-
fjarðar, Giljaskóli, Grundaskóli og Grunnskóli Ísafjarðar.
Hagaskóli vann
Skólahreysti
Eins og vindurinn Juan Ramón úr Hagaskóla í hraðaþraut. Á fullri ferð Keppt í hraðaþraut, skotist á leifturhraða undir net.
Keppendur hvattir Súpermann lét það vera að keppa enda þurfti hann á kröftunum að halda í klappliðinu.
Skyldi hann komast? Fylgst með kaðalklifri úr bíl.
Morgunblaðið/Kristinn Ingvarsson
Sigurvegarar Þorgerður Katrín Gunnarsdóttir menntamálaráðherra afhendir liði Hagaskóla bikarinn.
Skýr skilaboð Mamma er auðvitað best. Alex er líka góður. Gott grip Það er eins gott að hafa hraðar hendur.
Áfram! Það voru ekki bara skólakrakkar sem hvöttu sína menn.