Morgunblaðið - 18.04.2008, Page 20
20 FÖSTUDAGUR 18. APRÍL 2008 MORGUNBLAÐIÐ
HÖFUÐBORGARSVÆÐIÐ
Eftir Steinunni Ásmundsdóttur
steinunn@mbl.is
Egilsstaðir | Þessa dagana er gert
uppskátt um hverjir hljóta banda-
rísku Pulitzer-verðlaunin, 21 verð-
laun sem veitt verða fyrir árið 2007 í
blaðamennsku af ýmsu tagi, bók-
menntum, tónlist og leiklist. Íslend-
ingur er nú að því er best er vitað í
fyrsta sinn í hópi þeirra sem til-
nefndir eru til verðlaunanna, en þau
verða afhent í maí á næsta ári. Það
er mezzósópransöngkonan Hulda
Björg Víðisdóttir frá Egilsstöðum,
sem syngur eigin ljóð við tónlist
bandaríska tónskáldsins Franks
Williams Brazinskis. Hann er til-
nefndur til Pulitzer-verðlaunanna
fyrir verk sitt og Huldu Bjargar;
Three Icelandic Lyrics. Raunar er
hann nú tilnefndur í þriðja sinn, en
verðlaunin eru aðeins veitt inn-
fæddum Bandaríkjamönnum og hafa
verið við lýði síðan 1917. Hulda
Björg er því heiðurs aðnjótandi
vegna tilnefningarinnar og að sögn
fróðra vel hugsanlega verðlaunanna.
Frumflutningur á morgun
Á morgun fer fram í Bandaríkj-
unum frumflutningur verks Braz-
inskis og Huldu Bjargar. Verður það
flutt á hinni árlegu og virtu North
America Saxophone Alliance-
ráðstefnu í Háskólanum í Suður-
Karólínu. Verkið er fyrir rödd, alt-
saxófón og píanó, er í þremur þátt-
um og auk Huldu Bjargar og píanó-
leikarans Denvers Oldhams verður á
sviðinu Tristan Willems á saxófón.
Hann er búsettur á Egilsstöðum og
fjölhæfur tónlistarmaður með blást-
urshljóðfæri sem sérsvið.
Hann og Brazinski hafa í mörg ár
rekið tónlistarútgáfufyrirtæki í
Bandaríkjunum, undir nafninu Braz-
inmusikanta Publications og gefið út
yfir þúsund titla af alls kyns tónlist
og ekki síst samtímatónlist.
„Ég var beðinn um að frumflytja
nýtt saxófónverk á ráðstefnunni, því
ég hef getið mér orð fyrir nýjar tón-
smíðar fyrir saxófón,“ segir Willems,
sem flytur nú verk á þessum vett-
vangi í þriðja sinn. „Þar sem á efnis-
skránni verða aðeins örfá atriði og
einungis eitt með saxófón, söng og
píanó datt mér í hug að biðja Huldu
Björgu að taka þátt í þessu með mér.
Augljóst val á tónskáldi var Frank
Brazinski, sem ég er mjög vel kunn-
ugur og hef fylgst náið með frá árinu
1994 þegar ég frumflutti hans fyrsta
verk á saxófón. Síðan hefur hann
samið yfir 20 verk fyrir mig og ég
hef flutt og hljóðritað mörg þeirra.“
Brazinski hefur á 55 ára ferli sínum
samið yfir 250 verk sem hafa mörg
hver hlotið viðurkenningu og þykja
bera höfundi sínum sterkt vitni um
leið og þau eiga sterkar rætur í am-
erískri tónlistarhefð 20. aldarinnar.
Hulda Björg leggur til texta við
tónlist Brazinskis og eru það þrjú
ljóð sem hún samdi til barna sinna
ungra. „Ég hef gjarnan sungið þekkt
íslensk einsöngslög á tónleikum, og
vildi breyta til. Ég fann seint í vetur í
gömlum pappírum ljóð sem ég orti
fyrir mörgum árum til barnanna
minna fimm, Víðis, Hákonar Jarls,
Viktors Péturs, Heiðrósar Tinnu og
Hans Hektors. Einhver hending réð
því að mér þótti áhugavert að nota
þau við tónlist Franks. Mig hefur
enda langað til þess frá því ég samdi
ljóðin að geta sungið þau. Það er ein-
stök tilfinning að flytja þau nú,“ seg-
ir Hulda Björg.
Samhljómur tónlistarmanna
Þau Hulda Björg og Willems eru
bæði sjóuð í tónlistinni og hafa unnið
talsvert saman. Hún hóf söngnám
1996 og lauk einsöngsprófi og söng-
kennslu frá Söngskólanum í Reykja-
vík árið 2004. Hún er kennari í söng
og tónlistarfræði og aðstoð-
arskólastjóri Tónlistarskóla Fljóts-
dalshéraðs, en faðir hennar var einn
af þremur stofnendum hans. Und-
anfarin ár hefur Willems, ásamt því
að kenna tónlist á Austurlandi,
stjórnað tónlistarhljóðritunum Slo-
vak Radio Orchestra og State Phil-
harmonic Kosice. Þá hefur hann
unnið að hljóðritun hjá Naxos-
útgáfunni á lítt þekktri og óútgefinni
fagotttónlist frá 18. og 19. öld.
Syngur á sviði óð til barnanna
Morgunblaðið/Steinunn Ásmundsdóttir
Músík Hulda Björg Víðisdóttir mezzosópran og Tristan Willems á saxófón.
Íslensk söngkona
tilnefnd til Pulitzer-
verðlaunanna Seyðisfjörður | Skipulagsstofnunríkisins hefur sent Seyðisfjarðar-
kaupstað og Íslenskri orkuvirkjun
ehf., sem byggir Fjarðarárvirkjun,
bréf þar sem spurst er fyrir um
breytingar og viðbætur við virkj-
unina frá því hún var fyrst kynnt
stofnuninni fyrir um þremur árum
síðan. Segir í bréfinu, sem dagsett
er 31. mars sl., að kanna þurfi
hvort slíkar breytingar og viðbæt-
ur séu háðar mati á umhverfis-
áhrifum. Er vísað til a-liðar 13. gr.
2. viðauka við lög um mat á um-
hverfisáhrifum nr. 106/2000.
Skipulagsstofnun bíður nú svara
Íslenskrar orkuvirkjunar og Seyð-
isfjarðarkaupstaðar og mun vænt-
anlega að þeim fengnum ákvarða
hvort setja beri virkjunina í mat á
umhverfisáhrifum og/eða binda
framkvæmdir við hana sérstökum
skilyrðum. Til stóð að taka Fjarð-
arárvirkjun í notkun fyrir lok síð-
asta árs, en enn er mörgu ólokið.
Spurt um
breytingar
á virkjun
Reyðarfjörður | Í dag kl. 16 ætla
nemendur í 7. bekk Grunnskóla
Reyðarfjarðar að vekja athygli á
skaðsemi reykinga með viðburði í
Molanum á Reyðarfirði. Munu nem-
endurnir meðal annars flytja tvö
lög sem samin eru af þeim sjálfum.
Guðlaug Árnadóttir umsjónarkenn-
ari segir að af sextán nemendum
bekkjarins spili tólf á hljóðfæri, svo
undirleikurinn verði í höndum sér-
lega kröftugrar hljómsveitar.
Reyðfirðingar og nærsveitamenn
eru hvattir til að mæta.
Krakkar á móti
tóbaksnotkun
♦♦♦
AUSTURLAND
Morgunblaðið/Golli
Krókaleið Þó að útivistarstígar hafi verið lagðir víða um höfuðborgar-
svæðið henta þeir iðulega ekki til daglegra samgangna á hjóli.
Eftir Ásgeir Ingvarsson
asgeiri@mbl.is
ERFITT er að
nota reiðhjól til
daglegra sam-
gangna á höfuð-
borgarsvæðinu,
og þegar hjólað
er milli bæjar-
félaga þurfa
hjólreiðamenn
oft að taka á sig
mikla króka eða
hætta sér út á umferðaræðar þar
sem hraðinn er mikill til að komast
milli staða.
Þetta segir Magnús Bergsson,
áhugamaður um hjólreiðar.
„Það er eins og menn geti ekki
mæst með skipulag hjólreiðasam-
gangna og útkoman er illa frá-
gengin svæði á mikilvægum stöð-
um á mörkum sveitarfélaganna,“
segir Magnús.
Magnús, sem fer hjólandi allra
sinna ferða, nefnir sem dæmi að
honum hafi staðið til boða starf í
Hafnarfirði: „Ég hætti við að
þiggja starfið þegar ég sá fram á
að geta ekki með góðu móti hjólað
til vinnu án þess að hætta mér út í
umferðina á Reykjanesbrautinni,“
segir hann.
Hentar ekki daglegri notkun
„Sveitarfélögin hafa mörg staðið
sig ágætlega í lagningu útivistar-
stíga, en þeir henta oft ekki til
samgangna. Þetta eru fallegar og
skemmtilegar leiðir, en það dugar
ekki þeim sem nota hjólið til dags-
daglegra ferða að þurfa þá að taka
á sig stóran sveig til að komast í
og úr vinnu eða skóla,“ segir
Magnús og bendir um leið á að
ekki sé æskilegt að hjólreiðamenn
séu látnir deila stígum með gang-
andi vegfarendum. „Á göngustíg-
unum eru oft blindhorn sem koma
ekki að sök fyrir gangandi vegfar-
endur. Það getur hins vegar skap-
að mikla hættu fyrir hjólreiða-
mann á 20-40 km hraða þegar t.d.
innkeyrsla er í hvarfi bak við gróð-
ur,“ segir hann.
Þarf aðkomu ráðuneytisins
Magnús vill því sjá fleiri stíga
sem gagngert eru lagðir fyrir hjól-
reiðamenn og auðvelda daglegar
samgöngur á reiðhjóli. Hann vill
einnig að samgönguráðuneytið
komi að skipulagningu hjólasam-
gangna á landinu öllu: „Það þarf
að koma hjólabrautum í vegalög,
og þannig byggja upp heildar-
skipulag sem gerir kleift að sam-
þætta hjólreiðar við aðrar sam-
göngur.“
Hjólaleiðir ýmist of
erfiðar eða hættulegar
Í HNOTSKURN
»Hjólastígar liggja eftirkrókaleiðum og henta ekki til
daglegra samgangna.
»Góðar tengingar skortir fyrirhjólandi umferð milli sveitar-
félaga á höfuðborgarsvæðinu.
»Vandaðir stígar gætu enst íáratugi án mikils viðhalds.
Snúið að fara milli
bæjarfélaga á hjóli
Magnús Bergsson
Úlfarsfell | Burðarvirki nýrrar
22.000 m2 byggingavöruverslunar
Bauhaus við Vesturlandsveg er tek-
ið að rísa eins og vegfarendur hafa
tekið eftir. Ístak byggir húsið og
sagði Gísli H. Guðmundsson stað-
arstjóri að búið væri að reisa um
10% burðarvirkisins. Hann sagði að
verkefnið væri nálægt því að vera á
áætlun en byggingin á að vera
tilbúin í árslok.
Húsið er stálgrindahús og verður
klætt samlokueiningum. Efniviður-
inn í húsið kemur víða að. Sökk-
ulinn, gólfplatan og steinullin eru
íslensk framleiðsla, stálvirkið kem-
ur frá Kína og veggjaklæðningar
og þakefni koma frá Póllandi og
víðar að.
Morgunblaðið/Golli
Verslunar-
hús Bau-
haus að rísa
FJÁRHAGS- og launanefnd Sel-
tjarnarness samþykkti á dögunum
tillögu bæjarstjóra um sérstaka
launauppbót til starfsfólks bæjarins.
Öllu starfsfólki, að bæjarstjóra und-
anskildum, verður greidd 120.000
króna eingreiðsla. Greiðslan tekur
mið af starfshlutfalli og verður
greidd út 1. maí næstkomandi.
Að sögn Jónmundar Guðmarsson-
ar bæjarstjóra miðar aðgerð þessi að
því að tryggja stöðugleika í starfs-
mannahaldi bæjarins á óróleikatím-
um á vinnumarkaði. Bærinn vilji
með þessu umbuna starfsfólki sínu
fyrir að viðhalda framúrskarandi
þjónustu á stofnunum bæjarins við
krefjandi aðstæður. Á sama tíma og
mannekla og álag á mörgum stofn-
unum nágrannasveitarfélaganna
hafi komið niður á þjónustunni, eink-
anlega í leikskólum og grunnskólum,
hafi starfsmenn sveitarfélagsins
staðið saman um að leysa málin frá
degi til dags og án þess að ástandið
hafi komið niður á bæjarbúum.
Eingreiðsla í desember
Síðastliðið haust var samþykkt að
nýta heimild í kjarasamningi leik-
skólakennara um tímabundin viðbót-
arlaun vegna markaðsaðstæðna.
Heimildin var nýtt til að bregðast við
markaðsaðstæðum og vanda við
mönnun leikskóla. Á sama tíma var
leik- og grunnskólastjórum heimilað
að greiða ófaglærðu starfsfólki yfir-
vinnu vegna tímabundinna aukinna
verkefna og álags sem skapaðist í
skólum vegna starfsmannaeklu. Í
desember samþykkti bæjarstjórn
einnig að greiða öllu starfsfólki bæj-
arins eingreiðslu að fjárhæð kr.
30.000 til að bregðast við aðstæðum á
vinnumarkaði.
Launaupp-
bót greidd
á Nesinu