Morgunblaðið - 09.08.2008, Blaðsíða 16
16 LAUGARDAGUR 9. ÁGÚST 2008 MORGUNBLAÐIÐ
FRÉTTIR
Eftir Helga Bjarnason
helgi@mbl.is
Mýrdalur | „Ég ætlaði að búa til skreytingar
fyrir afmælið en þær fóru aðeins úr bönd-
unum,“ segir Kolbrún Hjörleifsdóttir, skóla-
stjóri og listamaður í Mýrdal. Hún verður
fimmtug í dag og auk stórrar afmælisveislu
ætlar hún að halda upp á afmælið með því að
bjóða upp glerlistaverk í Reynisfjöru og opna
sýningu á myndverkum úr íslenskri ull í Vík.
„Hugmyndin að glerlistaverkunum kvikn-
aði þegar ég var að ganga í fjörunni. Svo sá
ég að Reynisfjara er einhver skemmtilegasti
sýningarsalur veraldar,“ segir Kolbrún um
uppboðið í Reynisfjöru og tekur fram að ekki
sé útlit fyrir brim í dag og að hún muni passa
upp á sitt fólk.
„Konan á strönd lífsins“
Glerlistaverkin eru sjö talsins og heita
„Konan á strönd lífsins“. Þau eiga að spanna
lífshlaup konunnar, allt frá fæðingu til dauða.
Eitt táknar til dæmis bið konunnar eftir sjó-
manninum. Ágóðann af uppboðinu sem verð-
ur um klukkan hálffimm í dag mun Kolbrún
láta renna til foreldrastarfs innan samtak-
anna „Uppeldi til ábyrgðar – uppbygging –
sjálfsagi“. Hún hefur verið skólastjóri í Mýr-
dalnum í 24 ár og stýrir nú Grunnskóla Mýr-
dalshrepps. Þar hefur hún verið að innleiða
þessa uppeldisstefnu og vill styðja starfið.
Grunnskólinn hefur fengið viðurkenningar
fyrir gott nýsköpunarstarf. Kolbrún kennir
sjálf fræðin. „Ég ákvað að gera það sem ég er
oft að reyna að fá út úr krökkunum og beita
nýsköpunarfræðunum á sjálfa mig,“ segir
Kolbrún en hún hefur áhuga á að gera vöru-
línu úr konuverkunum sínum.
Tengd umhverfinu
Kolbrún er fædd og alin upp í Borgarfirði
en flúði norðanáttina, að eigin sögn, og flutti
sig í Mýrdalinn þar sem hún settist að á
Ketilsstöðum. Hún sér ekki eftir því nú enda
segir hún að náttúran og umhverfið í Mýr-
dalnum hafi gefið sér mikið. Listaverk henn-
ar eru mjög tengd umhverfinu.
Á afmælisdaginn opnar hún sýningu á
myndverkum úr íslenskri ull í gistiheimilinu
Ársölum í Vík. Bandið í verkin er eingöngu í
sauðalitum eða jurtalitað. Sýningin ber heitið
„Í örmum alheimsins“.
Kolbrún á og rekur gistiheimilið Ársali í
gamla sýslumannshúsinu í Vík. Hún lætur vel
af sumrinu og ferðamannastraumnum, segir
ekki annað hægt í þessu góða veðri sem verið
hafi meginhluta sumars. „Einn ferðamaður-
inn sem kom hingað hafði orð á því að hann
hefði ekki átt von á því að lenda hér í Spán-
arhita,“ segir Kolbrún.
Mikil uppbygging hefur verið í ferðaþjón-
ustu í Mýrdalnum, þar er fjöldi hótela og
gistiheimila og ýmis þjónusta í boði. „Það
verður mikil breyting hér á vorin þegar
ferðafólkið kemur,“ segir Kolbrún.
Skreytingarnar fóru úr böndum
Kolbrún Hjörleifsdóttir skólastjóri fagnar hálfrar aldar veru sinni á jörðinni með listaverka-
uppboði í Reynisfjöru og myndlistarsýningu í Vík, auk stórrar afmælisveislu að sveitasið
Morgunblaðið/Jónas Erlendsson
Uppboð Kolbrún Hjörleifsdóttir æfir sig fyrir listaverkauppboðið í Reynisfjöru.
Eftir Skúla Á. Sigurðsson
skulias@mbl.is
MYGLUSVEPPUR af því tagi sem fannst í fær-
anlegum kennsluskúrum við Korpuskóla hefur
fundist víða á höfuðborgarsvæðinu. Þetta segir
Sylgja Dögg Sigurjónsdóttir líffræðingur en hún
hefur rannsakað vel á fjórða hundrað húsa, stofn-
ana og fyrirtækja að undanförnu. Hún telur mik-
ilvægt að stjórnvöld viðurkenni vandann og bregð-
ist við.
„Myglusveppur er eðlilegur í umhverfinu og er
þar mikilvægur en hann á ekki að vaxa inni hjá okk-
ur,“ segir Sylgja en bætir við að það þurfi ekki að
vera mikið vandamál sé rétt brugðist við. Aðeins
þar sem ekki er gert við vatnstjón eða raki fær að
liggja óáreittur í langan tíma getur myglusvepp-
urinn haft slæm áhrif á loft innandyra.
Þrátt fyrir að þessar séu kjöraðstæður
sveppanna eru þeir nokkuð algengir í nýlegum hús-
um. Segir Sylgja þetta vera áhyggjuefni og skoða
verði það mál og hvernig staðið er að byggingu
nýrra húsa.
Sumar tegundir myglusveppa geta undir vissum
kringumstæðum framleitt lífræn eiturefni. Eitur-
efnin geta þá borist í lofti og valdið eitrunaráhrifum
og ofnæmiseinkennum. Sylgja segir mjög einstak-
lingsbundið hve mikið þurfi til að fólk verði veikt en
einkenni sem geta komið fram eru útbrot, hósti, lið-
verkir, mígreniköst, magaverkir, óþægindi í önd-
unarfærum og fleira.
Ekki ástæða til að óttast
Til að stemma stigu við myglusveppi er í flestum
tilfellum nóg að sinna viðhaldi vel og koma í veg
fyrir að raki viðgangist lengi í mannabústöðum. Sé
brugðist fljótt við myglusveppi er hægt að komast
fyrir möguleg óþægindi og skaða af völdum hans.
Þó rannsóknir sýni að myglusveppur geti valdið
hættulegum öndunarfæraeinkennum hjá börnum
segir Sylgja að ekki sé ástæða til að óttast. Oftast
sé auðvelt að koma í veg fyrir viðgang sveppanna
og ráða niðurlögum þeirra. Það þurfi þó að gera
með réttum hætti. „Þetta er bara spurning um að
taka á málinu og vera meðvitaður um að það eigi
ekki að vera mygla inni hjá þér.“
Myglusveppur útbreiddur
Mygla Sveppirnir þrífast í viðvarandi raka.
Egilsstaðir | Miklar framkvæmdir eru á lóð
grunnskólans á Egilsstöðum. Verið er að byggja
við skólann og endurnýja eldri bygginguna.
Vegna framkvæmda við virkjanir og álver á
Austurlandi hefur Fljótsdalshérað beðið með
stórframkvæmdir á sínum vegum. Eiríkur
Björn Björgvinsson bæjarstjóri segir að þegar
þeim hafi verið að ljúka hafi sveitarfélagið
ákveðið að fara af stað með byggingu grunn-
skólans og framkvæmdir í miðbæ Egilsstaða.
Vegna fjölgunar íbúa var Egilsstaðaskóli fyr-
ir löngu búinn að sprengja utan af sér hús-
næðið. Þannig hefur verið notast við þrjár laus-
ar kennslustofur auk þess sem yngstu
árgöngum skólans hefur verið kennt á Eiðum.
Ákveðið var að byggja nýja kennsluálmu við
skólann og endurnýja eldra húsnæðið. Kostn-
aður við byggingar og endurnýjun búnaðar er
áætlaður 1,6 milljarðar kr. „Við fáum út úr
þessu alveg nýjan skóla,“ segir Eiríkur og er
viss um að með þessu fáist góð aðstaða fyrir
nemendur og starfsfólk.
Framkvæmdir standa yfir við viðbygginguna
en verkinu á að ljúka á næsta ári. helgi@mbl.is
Morgunblaðið/Helgi Bjarnason
Grunnskólinn verður sem nýr
Byggt við Egilsstaðaskóla og eldri bygging endurnýjuð
„ÞAÐ hefur ekki skapast viðvar-
andi vandamál vegna meindýra á
Landspítalanum,“ segir Kristján
Guðlaugsson, deildarstjóri bygg-
ingadeildar á Landspítalanum.
Hann getur þó ekki fullyrt að mein-
dýr hafi aldrei sést á sjúkrahúsinu
enda geti slíkt alltaf komið upp.
„Við getum ekki útilokað meindýr
úr umhverfinu, þau lifa í borginni
og fylgja okkur, en slíkt hefur þá
verið tilfallandi.“
Nýlega hefur verið fjallað um
meindýravandamál á sjúkrahúsum
í Bretlandi en í ljós hefur komið að
sjötíu prósent sjúkrahúsa hafa kall-
að ítrekað á meindýraeyði á und-
anförnum tveimur árum.
Húsnæði Landspítalans nær yfir
u.þ.b. 130.000 fermetra, og er mikið
af húsnæðinu komið til ára sinna.
Kristján segir að Landspítalinn
leggi sig fram við að halda húsnæð-
inu í góðu ástandi og að m.a. sé eitr-
að með reglulegu millibili í skólp-
ræsibrunna til þess að halda lífi í
skólpræsum í skefjum. haa@mbl.is
Landspít-
ali laus við
meindýr
Reglulega eitrað og
húsnæði haldið við
MÆÐRASTYRKSNEFND hlýtur
styrk úr borgarsjóði vegna ófyr-
irséðs kostnaðar við öryggisgæslu
á þeim tímum sem úthlutun fer
fram. Styrkurinn hljóðar upp á
800.000 krónur. Þetta var sam-
þykkt á fundi Borgarráðs Reykja-
víkurborgar á fimmtudag.
Öryggisfyrirtækið Securitas hef-
ur hingað til séð um gæslu við út-
hlutanir sem fara fram á mið-
vikudögum í hverri viku. Úthlutað
er í um 48 skipti á ári.
Reynslan hefur sýnt að brýn þörf
er á öryggisgæslu vegna ástands
sumra gesta, sem til nefndarinnar
leita. Þá eru fasteignagjöld einnig
þungur baggi á rekstri Mæðra-
styrksnefndar. haa@mbl.is
Mæðra-
styrksnefnd
fær styrk