Morgunblaðið - 09.08.2008, Blaðsíða 48

Það er helst fræga
fólkið sem er svo
plebbalegt að koma
í hversdagsgallanum … 49
»
reykjavíkreykjavík
Eftir Helga Snæ Sigurðsson
helgisnaer@mbl.is
FJALLABRÆÐUR, Bloodgroup,
Hjaltalín, Magnús Þór og Jóhann
Helgason, Jet Black Joe og Ný-
dönsk. Þannig lítur listinn út yfir
hljómsveitir og tónlistarmenn sem
stíga á svið á tónleikum Landsbank-
ans og Rásar 2 á Menningarnótt, 23.
ágúst nk. Tónleikunum verður út-
varpað í beinni útsendingu á Rás 2
og þeir verða auk þess teknir upp
fyrir Sjónvarpið.
Jóhannes Ásbjörnsson, starfs-
maður í markaðsdeild Landsbank-
ans, greindi frá þessu í gær og koma
listamennirnir fram í þeirri röð sem
þeir eru nefndir hér að ofan. Tón-
leikarnir hefjast kl. 19 og lýkur kl.
22.30. Lok tónleikanna miðast við að
tónleikagestir geti rölt niður að
Hafnarbakka og horft á flugeldasýn-
ingu sem hefst þar kl. 23.
Fjallabræður eru önfirskur karla-
kór allsérstakur, „sveitamenn frá
Flateyri sem syngja og tralla með
popp-fönksveit fyrir framan sig“,
eins og Jóhannes orðar það. Blo-
odgroup, Hjaltalín, Jet Black Joe og
Nýdönsk þarf vart að kynna, sveitir
sem notið hafa mikilla vinsælda hér
á landi, þær fyrstu tvær þó skemur
en hinar.
Endurkoman árviss
Jóhannes segir „comeback“-ið í
ár, þ.e. listamenn sem spila og
syngja á ný eftir langt hlé, vera tón-
leika Magnúsar Þórs Sigmunds-
sonar og Jóhanns Helgasonar. Þeir
muni syngja sínar fegurstu dæg-
urperlur við undirleik einvalaliðs
hljóðfæraleikara.
Skipuleggjendur Menningarnæt-
urtónleika hafi undanfarin ár leitast
við að hafa slíka endurkomu í tón-
leikadagskránni. Dúettinn Magnús
og Jóhann kom fyrst fram op-
inberlega í Reykjavík um páskana
1971. Eftir hann liggja margar sí-
gildar dægurperlur, m.a. „Blue Jean
Queen“, „Mary Jane“ og „Ástin og
lífið“. Magnús og Jóhann sungu
saman á Gauknum fyrir einum átta
árum, á tónleikum sem báru yf-
irskriftina Útvarp Andrea.
Magnús og Jóhann snúa aftur
Magnús og Jóhann Einir ástsælustu laga- og textahöfundar þjóðarinnar.
Dagskrá Menningarnæturtónleika á Miklatúni liggur fyrir
 Bjartur upp-
lýsti fyrr í vikunni
að höfundur bók-
arinnar sem
Kristján B. Jón-
asson mærði svo
mjög á bloggi sínu
(kristjanb.blog.is)
væri á þeirra veg-
um og hét hverj-
um þeim sem gæti sér rétt til um
nafn höfundarins áritaðri bók. Eins
og giskað var á í miðvikudags-
blaðinu var umræddur höfundur
Steinar Bragi, en ekki getum við
þó stært okkur af óvenjulegri get-
speki – því af 382 sem sendu inn
svör nefndu 376 Steinar Braga.
Allir fá þeir nú senda áritaða bók
og vekur gjafmildi Bjarts athygli,
enda er þetta ansi stór hluti kaup-
endahóps margra íslenskra skáld-
sagna, þannig að ef ekki er um met-
sölubók að ræða verður ansi stór
hluti upplagsins gefinn. En ef aðrir
kunna bókinni jafnvel og Kristján
gæti þetta líka verið frábært mark-
aðstrikk.
Konur Steinars Braga
gefnar í hundruðum?
 Fréttablaðið
sló því upp á for-
síðu í gær að
leikarinn Jóhann
Sigurðsson –
sem oft er kall-
aður Jói stóri –
hefði söðlað um
eftir tuttugu ár í Þjóðleikhúsinu
og ráðið sig til starfa hjá Leik-
félagi Reykjavíkur. Þetta hlýtur
að sjálfsögðu að teljast mikil frétt
í leikhúsheiminum en ný er hún
þó ekki því Morgunblaðið sagði
frá vistaskiptum Jóhanns hinn 30.
apríl síðastliðinn og er því um
þriggja mánaða gamla frétt að
ræða. Fréttablaðinu til varnar er
þó að nánast öll dagblöð landsins
hafa „skúbbað“ gamalli frétt enda
hraðinn í fjölmiðlaheiminum orð-
inn slíkur að jafnvel blaðamenn
hafa ekki undan að lesa þau
ógrynni frétta sem birtast á hverj-
um degi á síðum dagblaðanna. En
gamalt „skúbb“ á forsíðu dagblaðs
er þó sjaldgæfara.
Stórt „skúbb“?
Eftir Ásgeir H. Ingólfsson
asgeirhi@mbl.is
„ÉG drep þig ef greinin verður ekki góð,“ segir
frægasti keðjusagarmorðingi kvikmyndasög-
unnar við mig þegar við kveðjumst. Ef þetta
væri fyrir aldarfjórðungi og hann væri með
grímu úr húðum fórnarlamba sinna hefði ég haft
áhyggjur, en sá Gunnar Hansen sem ég er að
kveðja er góðlátlegur hæglátur eldri maður sem
minnir meira á jólasvein en sadískan morðingja
og kveðjan aðeins góðlátlegt grín (held ég).
Við hittumst í setustofu veitingahússins Við
Tjörnina, innréttingarnar minna Gunnar á
æskuheimilið við Freyjugötuna en þaðan flutti
hann fimm ára gamall til Bandaríkjanna. Hann
hefur þó komið reglulega til Íslands alla tíð síðan
og er nú staddur hérlendis til þess að leika í
Reykjavík Whale Watching Massacre, en tökur
hófust á henni í Reykjavíkurhöfn í vikunni. „Ég
er kafteinninn á bátnum, gamall sjóari sem
missti kvótann og gerir nú út hvalaskoð-
unarbát,“ segir Gunnar sem heillaðist mjög af
handriti Sjóns (sem og Skugga-Baldri sem hann
hefur nýlega lesið). „Það var mjög vel skrifað, ég
fæ mikið af virkilega vondum hryllings-
handritum en það var unun að lesa þetta. Það
eru margar skemmtilegar tilvísanir í gamlar
hryllingsmyndir, The Texas Chainsaw Massacre,
Night of the Living Dead og svo er atriði í upp-
hafi myndarinnar sem fær mann til þess að
hugsa um Moby Dick.“ Hann er þó ekki að leika
staðgengil Ahabs kafteins. „Ekki nema sem djók,
einn farþeginn kallar mig alltaf Ahab en persón-
an er ekkert lík honum.“ En hvar stendur Gunn-
ar þegar kemur að hvalaveiðum? „Ég fékk mér
hvalasteik í kvöldmat um daginn, það svarar lík-
lega spurningunni.“
Leðurfés opnar hurðir
Loks berst svo talið að keðjusagarmorðingj-
anum sem kallast einfaldlega Leðurfés, persón-
unni sem Gunnar lék í sinni fyrstu bíómynd, The
Texas Chainsaw Massacre. Margir myndu
örugglega þreytast á að svara endalaust spurn-
ingum um rúmlega 30 ára gamla mynd sem enn
er hans langfrægasta. En ekki Gunnar. „Ég ætl-
aði aldrei að verða leikari og finnst frábært að
hafa fengið tækifæri til þess að vera með í þess-
ari mynd, hún hefur opnað fjölmargar dyr fyrir
mig og gerir enn,“ seg-
ir Gunnar sem leikið
hefur í þónokkrum
hrollvekjum síðan þá
og er reglulega boðið á
ýmsar hrollvekju-
ráðstefnur, þótt mestur
tíminn fari í skriftir
sem Gunnar segir alltaf
hafa verið hans helsta
ástríða.
„En myndin hafði
mikil áhrif á hryllings-
myndir því þær voru í
öngstræti á þessum tíma, þær voru óáhugaverð-
ar, það var endalaust blaðrað í þeim og þær voru
mjög kurteisar, þær létu þig vita hvenær þær
voru að fara að skelfa þig og þær létu þig vita
hvenær þú varst öruggur og gast andað léttar.“
Svartur húmor og sveitavargar
Við erum sammála um að þrátt fyrir allan
hryllinginn sé þetta einnig drepfyndin mynd á
köflum um eitt furðulegasta ættarmót sem sést
hefur í bíó. En tveimur árum áður hafði önnur
mynd slegið í gegn, Deliverance, en fáar ef
nokkrar myndir hafa birt jafn hryllilega mynd af
sveitalubbum og þessar tvær – en í báðum lenda
saklaus borgarbörn í klónum á sveitavargnum.
„Þetta viðhorf er til staðar í strandríkjunum, að í
suðurríkjunum séu allir innræktaðir og hei-
móttalegir, myndirnar snerta klárlega á þeim
fordómum sem eru þarna á milli – og ýta sjálf-
sagt undir eitthvað af klisjunum.“
Leðurfés borðar hvali
 Gunnar Hansen leikur kafteininn í Reykjavík Whale Watching Massacre
 Segir leikinn í Texas Chainsaw Massacre enn opna honum fjölmargar dyr
Morgunblaðið/Valdís Thor
Kafteinninn Gunnar Hansen segir nýju myndina hafa að geyma skemmtilegar tilvísanir í gamlar hryll-
ingsmyndi á borð við Night of the Living Dead og morðhryllinginn fræga sem hann lék sjálfur í.
Ófrýnilegur Gunnar
sem Leðurfés.