Morgunblaðið - 23.11.2008, Page 17

SIGURBJÖRN BISKUP
ævi og starf
Sigurbjörn Einarsson biskup átti að baki sér fjölþættan
og með köflum svipvindasaman lífsferil sem er vel
lagaður fyrir fróðleg og tilþrifamikla ævilýsingu. Þessi
bók bregður upp fjölda eftirminnilegra mynda úr
langri og litríkri lífssögu, allt frá dauða móður hans og
kröppum kjörum bernskuáranna í Meðallandi, til
erfiðra námsára í Reykjavík og Uppsölum, prestskaparára
á Skógarströnd og í Reykjavík, kennsluára við Háskóla
Íslands og langs embættisferils á biskupsstóli. Inn í þá
fjölskrúðugu sögu fléttast þættir úr þjóðvarnarbaráttunni
á 5. áratug aldarinnar og baráttunni fyrir endurreisn
Skálholts á 6. áratugnum. Hann kvæntist Magneu
Þorkelsdóttur árið 1933 en hún lést árið 2006.
Eignuðust þau átta börn og eru sex á lífi. Sigurbjörn lést
28. ágúst 2008. Hann er einn dáðasti Íslendingur
síðustu aldar.
Sigurður A. Magnússon rithöfundur hafði náin kynni af
Sigurbirni allt frá unglingsárum og fylgdist með honum
gegnum tíðina. Þessa bók samdi hann eftir samtölum
við Sigurbjörn og jafnframt eftir prentuðum heimildum.
Dregur hann upp ákaflega ljósa og blæbrigðaríka mynd
af Sigurbirni í þeim margvíslegu hlutverkum sem hann
gegndi og bregður um leið birtu yfir marga málsmetandi
samferðamenn hans.
Bókin er 400 blaðsíður og prýða hana á annað hundrað
ljósmyndir. Hafa sumar fjölskyldumyndir aldrei birst
áður.
Sigurbjörn biskup var andlegur fjallgöngumaður, gnæfði yfir aðra
kristna kennimenn á Íslandi. Hann var virtasti og elskaðasti trúarleið-
togi sem Íslendingar hafa átt um langan aldur. Lífsstarf hans varð svo
sannarlega náðargjöf handa Íslendingum og þjóðkirkju þeirra.
Leiðari í Morgunblaðinu 29. ágúst 2008