Skinfaxi - 01.10.1988, Blaðsíða 14

að ekki var leikið í hálfan mánuð.
✓
Ahugi í yngri flokkunum
Nú þjálfar þú og leikur með meistara-
flokknum. Hefurðu eitthvað séð til yngri
flokkanna hjá Tindastól?
“Ég er nú svo nýlega kominn hingað að
það er erfitt fyrir mig að dæma ástandið
þar. En það litla sem éghef séð og það sem
ég hef heyrt er alveg ágætt. Minniboltinn
var góður hér í fyrra veit ég. Þá veit ég
einnig að hér er mikill áhugi á körfubolta
og það er eitt af grundvallaratriðunum.
Það er nóg af strákum sem æfa boltann.
En mér sýnist að undirstöðuna vanti
dálítið hjá þessum strákum, jafnvel í
meistaraflokknum. En það er nú kannski
það sem búast má við þar sem þjálfunin
hefur aðeins verið markviss í nokkur ár. I
heildina séð líst mér þó vel á þetta. Mér líst
vel á hópinn sem ég er með.”
-Hvað hefurðu fjölmennan hóp á æfing-
um hjá þér?
“Ég hef alveg nóg afmönnum. Þetta eru
u.þ.b. 15 strákar sem mér finnst alveg í
það mesta. Það hentar mínum aðferðum
best að vera með um það bil 12-13 menn.
Þegar 15 til 20 menn eru mættir á æfingu
fer broddurinn eða einbeitingin af. Svo
þurfa menn svo mikið að standa utan
vallar á fjölmennum æfingum og horfa á.
Tólf menn er best.”
-Breytir þú miklu frá því sem verið hefur
hjá liðinu?
“Já, eðlilega kemur margt nýtt inn í
þetta, enda er liðið komið í harða keppni
úrvalsdeildarinnar. Ég kem með nýjar
vamir og nýjar sóknir, það verður
bryddað upp á ýmsum nýjungum. Við
þurfum t.d. að spila mjög agað í vetur.
Þeir spiluðu nokkuð frjálsan bolta í fyrra
í 1. deildinni og það gekk mjög vel þá. Nú
er allt annað uppi á teningnum. Það
verður leikið gegn mun sterkari liðum.”
-Nú hafið þið leikið einhverja æfinga-
leiki, hvemig hafa þeir gengið?
Verð engin stigavél
“Jú, þeir hafa gengið vonum framar en
segja kannski ekki svo mikið. En við
unnum til dæmis IR og Grindvíkinga með
5 stigum hvort félag.”
-H vemig tekur þú á því að koma inn í lið
sem Tindastól. Nú kemur þú frá
margföldum Islandsmeisturum og þeirra
besti maður í ungt lið sem er að koma í
fyrsta sinn í Urvalsdeild. Er ekki hætta á
að í einh verjum leikjum fari þeir að treysta
_________ Tindastóll ______________
um of á þig?
“Alls ekki. Ég geri mér grein fyrir þessu
og passa upp á það. Og ég ætla ekki að fara
að leika hér sem einhver stjama og
stigavél. Þetta lið hentarmjög vel þvísem
ég vil helst leika. Þeir eru fljótir, snöggir
og leika svipað og ég. Þeir eru frekar
lágvaxnir flestir, miðað við það sem geng-
urog gerist og byggja því á hraðanum. En
ég verða aðeins einn úr hópnum og leik
sjálfsagt ekkert mjög ólíkt því sem ég
Valur Ingimundarson. "Ég kem með
nýjar varnir og nýjar sóknir, það verður
byddað upp á ýmsum nýjungum."
gerði í Njarðvíkurliðinu.”
-Þér líkar vel að þjálfa og spila, hefur
gert það með góðum árangri.
“Já, ég er bara þannig leikmaður að mér
lætur vel að vera inni á velli í leik. Ég
kemst betur inn í það sem er að gerast. Sé
frekar það sem betur má fara, hvemig
andinn er inni á vellinum. En um leið
byggist þetta á því að maður hafi góðan
liðsstjóra á bekknum og ég hef engar
áhyggjur af því hér.
-Tal okkar berst frá Sauðárkróki að
körf uboltanum almennt í landinu og stöðu
mála í dag.
“Á síðustu árum hefur veldi
Njarðvíkurliðsins á vissan hátt haft
neikvæð áhrif á körfuboltann. Fólk var
orðið leitt á þessari einstefnu. Það vantaði
spennuna í keppnina frá upphafi mótsins.
Svo vantaði landsliðið í fyrra. Það er
alveg ljóst að sterkt landslið er forsenda
framfara. Nú er kominn nýr
landsliðsþjálfari, Ungverjinn Nemeth.
Mér líst mjög vel á hann og hvernig hann
hefur tekið á málum. Hann tekur á
mönnum á landsliðsæfingum og menn
hafa gott af því. Þetta verður spennandi í
vetur með landsliðið, eftir þetta langt hlé.
Vantar meiri metnað
-Talið berst að hörku hans varðandi
mætingar á æfingar. Síðla sumars kom
það í DV að hann hefði neitað mönnum að
koma á landsliðsæfingar vegna þess að
þeir mættu ekki, af einhverjum orsökum,
á fyrstu æfinguna.
“Hann er svona harður, þetta eru hans
vinnubrögð. Ég er alveg sáttur við þessi
vinnubrögð. Ég er þannig gerður að ef ég
tekst á við eitthvað reyni ég að gera það
100 %. Nú hafa þessir umræddu menn
sjálfsagt haft sínar ástæður fyrir að mæta
ekki á fyrstu æfinguna. En það eru allt of
margir leikmenn hér á landi sem gefa ekki
kost á sér í landsliðið. Nenna ekki að
standa í þessu. Og svo eru einnig þeir sem
finnst nóg að vera í liðinu. Telja ekki
nausynlegt að keppa að neinu meiru. Við
verðum hins vegar að leggja hart að okkur
fyrir landsliðið, ef við viljum auka veg
körfunnar hér á landi.
Þetta hugarfar var líka komið í
Njarðvíkurliðið í fyrra. “Við erum á
toppnum, ég er í liðinu, það er nóg.” Þetta
er hættulegur hugsunarháttur. Ég hef séð
Njarðvíkurliðið nú í haust í einum leik og
þeir virka mun frískari. Það hefur orðið
einhver endumýjun varðandi þennan
hugsunarhátt sem ég var að tala um áðan.
En liðin hafa sem sagt jafnast mikið nú
í haust eftir miklar mannabreytingar.
Keflvíkingar og Njarðvíkingar hafa misst
menn en ég held þó að þeir verði á
toppnum. Annars er deildin lokuð bók.
Það er mjög erfitt að spá um mótið.”
-Hvað sýnist þér að Króksarar þurfi að
gera til að halda uppi góðum körfubolta?
“Grunnurinn að öllu starfinu eru góðir
yngri flokkar og að vel sé starfað þar. Þeir
þurfa þjálfara sem leggja rækt við
krakkana og kunna að þjálfa undir-
stöðuatriðin. En þetta ernáttúrulega alltaf
erfitt úti á landi. Það vantar fleiri leiki og
ekki að leika alltaf við sömu liðin. Það
þarf fjölbreytni. I þetta þarf einnig
samhenta og starfsama stjóm. Nú sýnist
mér vera hér gott fólk. Meðal annars
nágranni minn af Suðurnesjunum,
Keflvíkingurinn Guðbrandur Stefánsson.
Hann styrkir meistaraflokksliðið og einn-
ig yngri flokkana sem hann þjálfar.
En það er mikill hugur í mönnum hér og
ég hlakka til vetrarins”, segir Valur
Ingimundarson og er þar með floginn á
landsliðsæfingu í Sandgerði.
IH
14
Skinfaxi