Skinfaxi - 01.10.1988, Blaðsíða 28

Samhygð/Vaka
Fjórir sterkir. Þessi kappar kepptu á50. mótinu og voru dregnir saman á mynd.
Andrés Guðmundsson, Samhygð, hróðir hans Eggert Guðmundsson, Einar
Vilhjálmsson sem keppti reyndar sem gestur og síðan Pétur Guðmundsson.
Fyrstu fjórar í 800 m. hlaupi., f.h. Unnur Stefánsdóttir sem sigraði. Ingibjörg
ívarsdóttir sem varð í 2. sœti, Rannveig Guðjónsdóttir sem varð þriðja og Guðbjörg
Tryggvadóttir sem varð fjórða.
Fjölmenni var á vellinum, keppendur,
áhorfendur og starfsfólk, en mótsstjóri
var Hreinn Erlendsson frá Selfossi.
Mótið fór mjög vel fram og árangur varð
góður í flestum greinum. Að loknu
aðalmótinu var til hátíðabrigða haldin
öldungakeppni í fjórum greinum karla og
kvenna sem var hin besta skemmtun fyrir
áhorfendur og ekki síður keppendur sem
margir hverjir áttust við eftir langt hlé.
Um kvöldið var síðan hátíðarsamkoma
í Félagslundi þar sem verðlaun voru
afhent og úrslit tilkynnt, auk veitinga og
uppákoma sem félögin sáu um.
Stigakeppni mótsins fór þannig að
Samhygð sigraði með 82 stigum gegn 48
stigum Vöku og lá styrkur Samhygðar
sem oft áður í geysiöflugu kvennaliði og
sterkum einstaklingum í karlaflokki.
Stigahæsti keppandi Samhygðar og þar
með Skjaldarhafi þriðja árið í röð var
Ingibjörg Ivarsdóttir sem hlaut 21 stig og
hlaut hún einnig farandbikar fyrir flest
stig kvenna. Stigahæsti keppandi Vöku
var Einar H. Haraldsson með 15 stig og
hlaut til varðveislu farandgrip fyrir flest
stig karla 7. árið í röð.
Unnur Stefánsdóttir Samhygð vann
besta afrek kvenna á mótinu er hún hljóp
800 m. hlaup á 2:31,9 mín sem gefur 669
stig. Besta afrek karla vann Pétur
Guðmundsson Samhygð er hann varpaði
kúlu 18,63 m. sem gefur 1014 stig.
Að lokinni verðlaunaafhendingu voru
bornar fram veitingar og flutt
skemmtiatriði á vegum félaganna og að
lokum stiginn dans fram eftir nóttu.
Þar með lauk 50. íþróttamóti
Samhygðar og Vöku og fór hver til síns
heima með ánægjulegar minningar og
ákveðnir í að gera enn betur á næsta móti
að ári liðnu.
Þórir Haraldsson.
28
Skinfaxi