Skinfaxi - 01.10.1988, Blaðsíða 16

Skákþáttur
Teflt með
tóman maga
Minningar okkar Helga Ólafssonar,
stórmeistara, frá alþjóðlega skákmótinu í
Sotsí við Svarta hafið í september, eru
helst tengdar vondum mat og lélegu
hóteli. Sotsí er annars hin fegursta borg;
fjölskrúðugur gróður, fögur fjallasýn,
ströndin heillandi og Svarta hafið
ómótstæðilegt. Þetta er vinsæll sumar-
dvalarstaður Sovétmanna og skal engan
undra. En er boðið er upp á þröngan kost
verður fegurðarinnar ekki notið sem
skyldi.
Skákhátíðin í Sotsí er árlegur viðburður.
Teflt er í karla- og kvennaflokki, opið mót
er skipulagt og daglega tefla þekktir
skákmeistarar fjöltefli. I stórmeist-
araflokki var upphaflega gert ráð fyrir 16
keppendum en tveir helltust úr lestinni.
Rólegri dagskrá mótsins var hins vegar
ekki breytt og af þeim sökum varð mótið
afar langdregið. Síðustu vikuna voru
aðeins tefldar tvær umferðir.
Engir skussar voru meðal þátttakenda
og heldur engir sem beinlínis geta talist
snillingar. Mótið var skipað jafnsterkum
skákmönnum sem höfðu ekki hugsað sér
að takaóþarfa áhættu í skákum sínum. Því
varð ekki hjá þvr komist að jafnteflin yrðu
mörg.
Jafnteflissúpa
Jafnteflissúpan varð til þess að nokkur
umræða spannst urn það meðal keppenda
hvort skáklistin væri að deyja út í nú-
verandi mynd. I Sotsí var enginn hægðar-
leikur að finna snöggan blett á kunnáttu
andstæðingsins, hvort heldur var í byrj-
anafræðum eða varnartækni. „Þessir
strákar kunna allt,” sagði Polugajevsky
og hristi höfuðið en hann átti erfitt
uppdráttar á mótinu. Hann gat þó ekki
annað en brosað þegar Helgi minnti hann
á tuttugu ára gamla skák hans við Tal, en
Jón L. Arnason skrifar
staðan eftir 25 leiki í taflinu hafði verið á
vinnuborði hans um morguninn. Þá var
Tal hins vegar kominn í tímahrak og Polu
vann auðveldlega.
Sigurvegari mótsins varð sovéski
stórmeistarinn Sergej Dolmatov sem
tefldi hér heima á Reykjavíkur-
skákmótinu í febrúar og alþjóðamótinu á
Akureyri í mars. Hann átti litlu láni að
fagna á þeim mótum en var þeim mun
skæðari á heimavelli. Hann hlaut 9 v. af
13 mögulegum og tapaði ekki skák. Lev
Psakhis, tvöfaldur Sovétmeistari í skák,
varð í 2. sæti með 8 v. og þriðji varð ungur
og tiltölulega óþekktur skákmeistari, Júrí
Dohojan, með 7,5 v. Hann bíður þess að
verða útnefndur stórmeistari.
Magakveisa
Við Islendingarnir skildum jafnir í 4. -
7. sæti með 7 v., ásamt stórmeistaranum
Holmov og ungum Sovétmanni, Bareev.
Neðar komu Smagin með 6,5 v., Polu-
gajevsky og Watson (Englandi) með 6 v.,
Damljanovic (Júgóslavíu) og Vajsermeð
5,5 v„ Drasko (Júgóslavíu) með 5 v. og
Amador Rodriguez (Kúbu) varð nestur
með 4 v. Eg vann tvær skákir í fyrri hluta
mótsins en er líða tók á keppnina varð
taflmennskan ekki eins fersk. Helgi gerði
hins vegar jafntefli í skákum sínum,
hverri á fætur annarri, allt þar ti 1 hann fékk
í magann. Hann varð að fá skák sinni við
sovéska stórmeistarann Vajser, sem tefla
átti í þriðju síðustu umferð, frestað. Þrír
læknar litu á Helga og bönnuðu honum að
borða.
Það var svo ekki fyrr en á þriðja degi
föstunnarsem Helgi tefldi loks við Vajser
16
Skinfaxi