Skinfaxi - 01.10.1988, Blaðsíða 31
4H
Að rækta sjálfan sig
og umhverfi sitt
Anne-Marie Johansson frá Svíþjóð hefur verið búsett
að Ásgarði í Grímsnesi á Suðurlandi í sumar í tengslum
við ungmennaskipti UMFI. Hún er meðlimur í 4H
samtökunum í Svíþjóð og segir í þessari grein
frá þeim samtökum.
Anne Marie Johansson skrifar
Ég heiti Anne-Marie Johansson og er
skiptinemi ykkar frá Svíþjóð eða IFYE
=International 4H Youth Exchange
(Alþjóðleg ungmennaskipti 4H
klúbbanna). Samtökin í Svíþjóð sem ég
er félagi í heita 4H og ég veit ekki til þess
að eitthvað sem líkist þeim sé til hér á
landi. En UMFÍ er aðili að þessum
ungmennaskiptum.
Mig langar til að segja ykkur frá 4H
samtökunum.
4H þýðir Höfuð, Hjarta, Hendur og
Heilsa. Höfuðið er fyrir þekkingunar,
hjartað er fyrir samúð eða vináttu og
heilsa er fyrir heilbrigt líf.
4H eru alþjóðleg samtök, sem er að
finna í u.þ.b. 80 löndum. Aldur
félagsmanna í Svíþjóð er 7-25 ára.
Starfið byggist upp á almennum
lærdómi, vinnu að landbúnaði, skógrækt,
heimilis- og húshaldi. Einnig er lögð
áhersla á íþróttir, útilegur og
tómstundaiðju ýmis konar. Sá hluti
starfsins sem snertir landbúnað er fyrst og
fremst umönnun algengustu húsdýra
okkar. Kýr, kindur, svín, hænur, geitur,
og hesta. Einnig erum við með minni dýr
eins og ketti og hænur. Víða um Svíþjóð
starfrækjum við svonefnda 4H bóndabæi.
Bæimir eru reknir eins og venjulegir
bóndabæir, nema að þeir eru opnir fyrir
böm og unglinga, sem hjálpa til við að sjá
um dýrin.
Sumarbúðir
Á sumrin sjá 4H félögin um
sumarbúðir á bóndabæjum um mest allt
landið. Þangað koma börn og unglingar á
aldrinum 9 - 14 ára sem sjaldnast eru
klúbbfélagar, í eina viku eða lengri tíma
og fá að kynnast dýrunum og læra um þau.
Keppnisíþróttaiðkun er ekki ífyrsta sœti hjá félögum í 4 H samtökunum. Hins vegar
er mikil áhersla lögð á holla hreyfingu.
Skinfaxi
31