Skinfaxi - 01.10.1988, Blaðsíða 26

Samhygð/Vaka
Samhygðar/V ökumót
í 50 ár
Sérverðlaunahafar á 50. Samhygðar/Vökumótinu. F.v. Einar Haraldsson, Vöku,
stigahœsti karl með 15 stig. Pétur Guðmundsson, Samhygð. Hann vann besta afrek
karla; 18.63 m. íkúluvarpi. Ingibjörg Ivarsdótir, Samhygð sem varð stigahœsta konan
með 21 stig. Unnur Stefánsdóttir, vann besta afrek kvenna; 2:31,9 í800 m. hlaupi.
50. íþróttamót ungmennafélaganna
Samhygðar og Vöku var haldið við
Félagslund 20. ágúst sl. Þessi tvö félög í
Amessýslu hafa háð íþróttakeppni sín á
milli allt frá árinu 1939 og aldrei hefur
fallið niður ár. Ætla má að mótið sé með
hinum elstu á landinu sem haldið hefur
verið óslitið. Alla tíð hafa úrslit og
umsögn um mótin verið færð inn í bækur
sem nú eru orðnar mjög merkileg heimild
um íþróttaárangur innan þessara félaga í
gegnum árin. Af bókinni má ráða að
mótin hafi á árum áður verið mikil
sveitarhátíð þar sem allir komu sem vet-
tlingi gátu valdið. Þau virðast einnig hafa
verið nokkuð merkilegir fþróttaviðburðir
á landsmælikvarða sem sést á því að
forsetar ISI voru þar mótsstjórar árum
saman.
I upphafi var Stefán
Upphafsmaður mótanna var Stefán
Jasonarson í Vorsabæ sem var um árabil
formaður Umf. Samhygðar. Forsvars-
menn Umf. Vöku, sem þá var nýstofnað,
tóku hugmyndinni tveim höndum og
fyrsta mótið var haldið í Villingaholti,
keppt var í átta íþróttagreinum karla en
konur kepptu ekki. Á þessu fyrsta móti
sigraði Vaka, en félögin hafa skipt
nokkuð með sér sigrinum síðan. Árið
1940 kepptu konur í fyrsta sinn, í
boðhlaupi,en í 80 metra hlaupi árið 1945,
og nú er komið á jafnræði kynjanna til
aðalverðlauna mótsins. Aðallega hefur
verið keppt í frjálsíþróttum og hafa
keppnisgreinar tekið nokkrum breytin-
gum í áranna rás. Karlar keppa nú í 7
greinum en konur í 6.
Á tveim fyrstu mótunum var keppt í
reiptogi en síðan var það fellt niður að
bestu manna yfirsýn þar sem við lá að
uppúr syði meðal áhorfenda og kep-
penda.
Glíma var geysi vinsæl á mótunum lengi
framanaf, var síðasta keppnisgreinin og
oft urðu þar óvænt úrslit. Glímumenn úr
þessum félögum stóðu oft fremstir í
flokki á landinu, urðu ma. glímukóngar
Islands, sigruðu á Landsmótum UMFI og
Skjaldarglímu Skarphéðins. Hefur
glímukeppni Samhygðar og
Vökumótanna eflaust hvatt unga menn til
að stunda glímu og æfa af kostgæfni.
Síðasta glímukeppni mótanna fór fram
árið 1969 en ekki er að vita nema hún
verði endurvakin á næstunni því áhugi
fyrir henni fer sífellt vaxandi.
Afreksmennirnir
Iþróttavallarmál félaganna hafa verið
með misjöfnu móti þessi 50 ár. Þeirvellir
sem fyrstu mótin fóru fram á teljast ekki
löglegir í dag vegna halla á landinu, en nú
er keppt á völlum sem eru löglegir að
öðru leyti en því að 400 metra hringbraut
næst varla lögleg.
í gegnum tíðina hafa þessi tvö félög átt
marga afreksmenn í íþróttum á
landsmælikvarða, dæmi eru um það að
menn hafi keppt á 8 mótum í röð hér áður
fyrr, og jafnvel unnið flestar greinar.
Þennan tíma hafa félögin, yfirleitt bæði,
átt keppendur í liði HSK á öllum
Landsmótum UMFÍ. Margireru kallaðir
ef nefna á afreksmenn mótanna en hér
verða nefndir þrír sem kepptu á
afmælismótinu. Jason Ivarsson,
Samhygð hefur unnið þrístökkskeppni
mótanna samfellt í 17 ár, og átta ár
samfleytt varð hann stigahæstur allra
keppenda.
Helsti stórafrekamaður mótanna er
Pétur Guðmundsson, Samhygð sem
hefur verið yfirburðamaður í köstum og
fyrsti keppandi þessara félaga á
Olympíuleikum. Unnur Stefánsdóttir
Samhygð á einstæðan feril að baki, hefur
keppt á 20 mótum og unnið alls 38 sigra
á þeim, hún á nú sæti í Landsliði Islands
og er enn á fullu í keppni.
26
Skinfaxi