Skinfaxi - 01.10.1988, Blaðsíða 22

Getraunir eru ákveðið lottó
Rætt við Hákon Gunnarsson, framkvæmdastjóra
íslenskra Getrauna, um hið nýja fyrirkomulag hjá þeim
Það hafa miklar breytingar átt sér stað
hjá íslenskum Getraunum frá því í fyrra,
eins og fólk hefur eflaust tekið eftir. Fyrir
ári síðan hafði Getraunaleikurinn fallið í
skuggann af Lottóinu sem var í mikilli
uppsveiflu. Fólk sá hversu mikill munur
var á því að spila í Lottói á laugardegi,
skila inn seðlum rétt fyrir kvöldmat og sjá
síðan stuttu eftir mat hvort það hafði
unnið í lottóinu. Getraunaseðlinum þurfti
hins vegar að skila inn jafnvel á
miðvikudegi og bíða síðan til laugardags
til að sjá niðurstöður spádóma sinna. En
nú er það Iiðin tíð.
✓
Ymsir möguleikar
Fólk gengur í dag inn í sjoppu þar sem
lottókassa er að finna og fyllir út
getraunaseðilinn. Hann er síðan
meðhöndlaður alveg eins og
lottóseðilinn. Það er hins vegar hægt að
fylla getraunaseðilinn út á mismunandi
hátt. Hægt er að velja flókna kerfisleiki
eða þá gamla góða 1 X 2 formið á eina eða
fleiri raðir.
Driffjöðurin á bak við þetta breytta
fyrirkomulag er Hákon Gunnarsson,
framkvæmdastjóri íslenskra Getrauna.
Hvemig líst honum á framtíð þessa
fyrirkomulags?
“Ég hef mikla trú á þessu nýja fyrirkom-
ulagi. Fyrir það fyrsta get ég nefnt þá
staðreynd að beinlínutenging á svona
leikjum, Lottói, Getraunum og öðrum
slíkum, hefur yfirleitt tekist vel. Það eitt
segir ansi mikið. Svo er það annað en af
sama meiði. Aðstöðumunur milli lands-
hluta minnkar ekki, hann hverfur alveg.
Það gerir beinlínutengingin, eins og er
með Lottóið. Þannig ætti að takast að ná
inn meiri fjölda fólks til að spila. Fólk sem
hefur aldrei gert það áður og fólk sem var
hætt að spila í Getraunum vegna þess að
það nennti ekki að bíða eftir úrslitum í
marga daga.
Ég hef einnig mikla trú á kynningar-
starfseminni sem við höfum verið með.
Hún er mjög mikil og ég hef fundið mik-
inn áhuga úti á landi, alls staðar þar sem ég
hef komið. Einn hluti þessarar kynningar
er gott samstarf við íþróttadeild
Ríkissjónvarpsins. Við verðum tengdir
inn á beinar útsendingar þar, birtum úrs-
litin beint á skjáinn um leið og þau berast.
Svo getum við birt niðurstöðumar á
sjónvarpsskjánum um sex leytið á laug-
ardeginum, fjölda vinn-ingshafa,
upphæðir og svo framvegis.
Meiri líkur á risapotti
Svo eru nú meiri líkur á risapotti. Það er
mjög jákvætt upp á að kynna Getraunir
fyrir þeim sem ekki eru ákafir “Tipparar”.
Það er mikið auðveldara að auglýsa
Getraunir eftir að risapotti hefur verið
útdeilt. Þá er maður kominn með betri
grunn til að byggja á. Þettaerspurning um
heppni og mikil áhætta fylgir svona
rekstri. En höfuðmálið hjá okkur,
markmið okkar númer eitt, tvo og þrjú, er
hversu miklu fjármagni við komum út til
félaganna. Út á þetta gengur starfsemin.
Að styrkja íþróttastarfið. Ég hef verið
viðloðandi íþróttahreyfinguna frá
bamsaldri og þekki hversu erfitt er að
halda fjárhag íþrótta- og ungmenna-
félaganna yfir núllpunktinum.
31% þjóðarinnar jákvæð
fyrir Getraunum?
Því leitar maður í tölulegt yfirlit yfir
þennan markað, í markaðskannanir. En
það er nú ekki mikið um þær hér á landi.
Eina könnunin sem gerð hefur verið um
Getraunaþátttöku á Islandi er
“Markaðskönnun fyrir Islenskar
Getraunir” og er eftir aðila sem vann það
sem lokaverkefni í Viðskiptafræði við
Háskóla Islands árið 1985. Þaðhefurnýst
nokkuð vel en er nokkuð komið til ára
sinna, sérstaklega þar sem það var unnið
fyrir tíma Lottósins. En þar kemur m.a.
fram að samkvæmt könnuninni má ætla
að 31 % þjóðarinnar sé jákvæð fyrir
Getraunum. Þarkemureinnig fram að 8 %
22
Skinfaxi