Skinfaxi - 01.12.1991, Blaðsíða 9

K A R A T E
bæði félagslegt og fjárhagslegt. Hún
boðar einnig til aðalfunda deilda ef þeir
hafa ekki verið haldnir innan þess tíma
sem lög félagsins gera ráð fyrir. Allt
sem aðhafst er, er þó gert í fullu samráði
við þá sem sitja í stjórn deildanna á
hverjum tíma og sjálfdæmi deilda sam-
kvæmt lögum er virt.
Við höfum boðið þeim sem starfa fyrir
Fjölni að sitja námskeið hjá Félagsmála-
skóla UMFÍ og stefnt er að því að ein-
staklingur sem hefur verið í foreldra-
starfi geti fært sig og starfað næst með
deild, síðan í aðalstjórn og í einstökum
starfsnefndum á vegum félagsins. Ef
þessi markmið nást verður félagið eins-
konar skóli í félagslegum og rekstrarleg-
um málum.
Við höfum lagt mikla áherslu á að
kynna félagið, bæði íbúum í hverfinu og
eins fyrirtækjum með stuðning í huga.
Það eru öll þessi atriði sem hafa gert
það að verkum að deildirnar skiluðu
hagnaði. “
Guðmundur segir að framtíð Fjölnis sé
björt og að á næstu mánuðum verði
gengið frá samningunt við Reykjavíkur-
borg um nauðsynlega uppbyggingu á
aðstöðu til að fullnægja þörfum félags-
ins á næstu árum. „Félagsstarfið er
mjög öflugt og kontinn það sterkur
grunnur að sambærilegt má telja við
mörg áratugagömul félög. Við munum
leggja áherslu á það á næstunni að
byggja upp félagsstarf fyrir þá unglinga
sem annaðhvort falla frá þátttöku í
íþróttum eða hafa ekki áhuga á þeim.
Einnig verður farið að vinna að upp-
byggingu á félagsstarfi fyrir fullorðna.”
Karate
Æfum líkamann og lærum aga
Karatedeild Umf. Fjölnis var stofnuð
30. apn'l 1990 að frumkvæði Hannesar
Hilmarssonar sem verið hefur formaður
Karatesambands íslands. Hópurinn
samanstendur af 11 strákum í yngri
flokki og 3 einstaklingum í eldri flokki.
Karatemenn ganga í gegnum svokallaða
gráðun, sem eru 20 próf á kunnáttu,
tækni og viðhorf í karate. Þeir yngri
gangast undir 10 mon og eldri 10 kyo.
Hjá Fjölni eru nú þrír komnir nteð gult
belti með grænni strípu, einn er með
gult belti, sex eru með hvítt belti með
gulri strípu, einn er með grænt belti og
eina konan í hópnum er með gult belti.
Strákarnir sem Skinfaxi hitti á æfingu
voru 7-11 ára gamlir og voru sumir bún-
ir að vera tvo vetur í karate, en aðrir
voru að byrja.
Þeir voru ábúðarfullir á svipinn og
sögðu að það væri alveg ofsalega gaman
að vera í karate.
Og hvað er svona skemmtilegt við kara-
te? „Við æfum líkamann og lærum aga
og svo er gott að vera í góðu formi, “
var svarið.
Þeir sögðu að það væri skemmtilegast
að læra ný brögð, t.d. að kýla. „En það
er stranglega bannað að beita karate-
brögðum, nema í sjálfsvörn.”
Upprennandi karatedrengir ásamt Kalle
Pirrtinen þjálfarafrá Svíþjóð.
Fær útrás í íþróttum
Arnór Kristinsson, 15 ára Fjölnismaður
úr Foldaskóla er örugglega einn af fáum
sem leggur stund á þrjár íþróttagreinar.
Meðan allir hinir í fjölskyldunni eru í
tennis og flestir strákar á hans aldri
stunda bara fótboltann, þá festir Arnór á
sig karatebeltið, hnyklar vöðvana og
gefur frá sér sérkennileg hljóð. Arnór
sækir æfingar í þrem íþróttagreinum,
karate, knattspyrnu og frjálsum. í hverri
viku mætir hann á tvær æfingar í karate,
þrjár í frjálsum og tvær í fótbolta. Skin-
faxi ræddi við þetta íþróttafrík til þess
að grennslast fyrir um þennan brennandi
íþróttaáhuga.
„Ég veit eiginlega ekki af hverju ég er í
þessu öllu, mér finnst það bara gaman.
Maður fær almennilega útrás á því að
vera í íþróttum og því lleiri greinar því
betra. Það er reyndar erfitt að liafa tíma
fyrir þetta allt því að ég stunda félagslíf-
ið í Foldaskóla líka mjög mikið. Ég fór
rólega af stað og hef mætt á allar æfing-
ar í fótbolta og karate, en ætla síðan að
reyna að mæta á allar æftngarnar í frjáls-
um.” Aðspurður segist Arnór vel geta
hugsað sér að vera í fleiri greinum. „Ef
Fjölnir myndi stofna deild unt hafnar-
bolta þá myndi ég örugglega byrja í
honum. Jafnvel þó að fótboltinn sé enn-
þá í mestu uppáhaldi hjá ntér þá fellur
ntér betur við einstaklingsíþróttagrein-
arnar, því þá get ég sjálfur gert betur og
þarf ekki að treysta á neinn annan nema
sjálfan mig. Ég stefni alltaf að því gera
betur og vinna harðar og legg jafn mikið
á mig í öllum greinum.”
Arnór beitir þjálfarann sinn brögðum.
Skinfaxi
9