Skinfaxi - 01.12.1991, Blaðsíða 32

UNGMENNASKIPTI
Frábær ferð til Svíþjóðar
Hafdís Jóhannsdóttir frá Ytra-
Hvarfi í Svarfaðardal dvaldi sem
skiptinemi á vegum UMFÍ í Sví-
þjóð síðastliðið sumar. Það eru
vináttufélög UMFÍ, 4H, í Svíþjóð
sem hafa um nokkurn tíma tekið
á móti ungmennafélögum til
dvalar á heimilum.
Skinfaxi hitti Hafdísi að máli og
ræddi við hana um ferðina.
„Það segi ég satt að ég hef aldrei hitt
svona mikið af fólki og eignast eins
marga vini á eins stuttum tíma,” sagði
Hafdís. „Ég hef upplifað svo margt að
það mun gleymast seint. Þegar ég
sagðist koma frá íslandi varð fólk
stundum svolítið skrítið á svipinn og
sagði að ég væri fyrsti Islendingurinn
sem það hitti. Mér kom það samt eig-
inlega mest á óvart hvað fólk var
áhugasamt um Island og mjög margir
könnuðust við Geysi, Heklu, hestana
okkar og Vigdísi Finnbogadóttur for-
seta.
Það sem mér fannst einna athyglisverð-
ast var að Svíar nota bjór og annað
áfengi öðruvísi en íslendingar. Þeir
sem ég kynntist drekka áfengi frekar
með mat, en drekka sig ekki blindfulla.
Það er stranglega bannað að reykja eða
drekka áfengi á samkomum 4H og ef
einhver reynir það þá er viðkomandi
sendur burt af svæðinu tafarlaust.
Mér finnst Svíþjóð að mörgu leyti líkt
land og ísland. Sænskan er ekki svo
ólík íslenskunni og stundum fannst mér
ég vera heima á íslandi, bara í öðrum
landshluta.
Sú reynsla sem maður fær með því að
dvelja í öðru landi, fjarri fjölskyldu
sinni, er í rauninni mjög lærdómsrík.
Maður gerir sér betur grein fyrir því
hvað það er frábært að eiga bæði fjöl-
Hafdís með minjagrípfrá Svíþjóð.
skyldu og vini heima sem manni þykir
vænt um.
Ég ráðlegg þeim sem vilja upplifa það
sama og ég að sækja um að fara sem
skiptinemi á vegum UMFÍ,” sagði Haf-
dís og hefði getað haldið endalaust á-
fram að segja frá þessari eftirminnilegu
ferð til Svíþjóðar.
Farandgripurinn uppblásin önd
Norrænar ungmennavikur eru haldnar
til skiptis hjá aðildarfélögum NSU, sem
eru íþrótta- og æskulýðssamtök á Norð-
urlöndum.
í sumar var vikan haldin í Suður-Slés-
vík og tóku 11 Islendingar þátt í henni.
Markmiðið með þessum vikum er að
ungt fólk á Norðurlöndum fái tækifæri
til þess að kynnast íbúum og menningu
hvers lands og styrkja þannig tengsl
þjóðanna. Þátttökuskilyrði eru þau ein
að, viðkomandi verður að vera á aldrin-
uml6-26áraog í ungmennafélagi.
Helga Barðadóttir frá Þórshöfn á
Langanesi hefur farið á átta Ungmenna-
vikur og segir að þátttaka sín í þessu
starfi sé orðin vanabindandi.
„Það er nú ýmislegt sem við gerum skal
ég segja þér,” segir Helga og vill
greinilega ekki láta allt of mikið uppi,
þegar Skinfaxi fékk hana til þess að
segja lesendum frá síðustu Ungmenna-
vikunni. „Það má segja að dagskráin sé
bæði skipulögð og óskipulögð. Boðið
er upp á vinnu í hópum þar sem ýmis-
legt er í boði, sett upp leikrit, gefið út
blað, teknar Ijósmyndir, málað á silki,
sett á fót hljómsveit og margt fleira. Út
úr þessu starfi kom margt skemmtilegt,
t.d. gátum við lesið um það jafnóðum í
blaðinu sem var gefið út hvað aðrir
hefðu verið að bardúsa daginn áður.
Efri röð f.v. Valtýr Helgason, Guðmundur Sigmarsson, Óskar Aðalbjarnarson, Anna
Halldórsdóttir og Harpa Ingimundardóttir. Neðri röð f.v. Sigrún Tómasdóttir, Lóa
Björnsdóttir, Þórdís Benediktsdóttir, Kristianna Jessen, Jóhanna Kristjánsdóttir og Helga
Barðadóttir.
32
Skinfaxi