Skinfaxi - 01.12.1991, Blaðsíða 28

HANDKNATTLEIKUR
inu hafi verið 150:15 andstœðingum
ykkar í vil, er það rétt?
Magnús segir þetta bull og þvaður hjá
GV. „Munurinn á okkur og fyrstu
deildinni er auðvitað allt of mikill og
þar vorum við flengdir, en við stóðum
vel í liðum sem við erum að keppa við í
annarri deild.”
Björgvin segir að þeir þurfi ekkert að
skammast sín fyrir úrslitin og það sé
ósköp eðlilegt að þeir tapi stórt. „I
Reykjavíkurmótiriu erum við að spila
við fyrstu deildar liðin, lið sem eru orð-
uð við Islandsmeistaratitil og hafa á að
skipa mörgum landsliðsmönnum. Ég
held að á móti Val, Fram og Víkingi
hafi mörkin verið öðru hvoru megin við
10 sem við fengum á okkur og það er
ekkert til þess að skammast sín fyrir.
Ég vissi ekki einu sinni af þessum tölum
og þær skipta mig engu máli.”
Það þurfa allir að vinna
að sama markinu
Björgvin segir að Fjölnir sé í Iykil-
aðstöðu til þess að hasla sér völl innan
handboltahreyfingarinnar. „En til þess
að svo megi verða, verða allir að vinna
að sama markinu, þjálfarinn, leikmenn
og stjórnin, þ. e. að gera meistaraflokk-
inn svo sterkan að hann virki sem að-
dráttarafl fyrir krakkana í hverfinu. Ef
það tekst ekki þá fara allir þeir sem geta
eitthvað í önnur félög og um það snýst
málið og ekkert annað. Og ég sé fyrir
mér að ef þetta fólk vinnur vel saman þá
er hægt að búa til gott lið sem kemst í
fyrstu deild á þremur árum.
Það er ósköp eðlilegt að byrjunarörðug-
leikar setji sinn svip á félagið. Fjölnir er
að stíga sín fyrstu skref í þessum
íþróttaheimi sem er mjög harður. Við
erum að keppa við lið sem eru í raun
komin á atvinnumannastigið. Við þurf-
um að fá eldhuga til starfa við hand-
boltadeildina, menn sem vilja leggja
mikið á sig, vinna mikið og rífa starfið
upp með sér. Þessir menn búa hérna í
Grafarvoginum, það er bara að finna þá.
Það eru margir sem vilja starfa, en ekki
eins margir sem vilja axla þá ábyrgð að
leiða deildina. Takist þetta mun það
setja mark sitt á gengi liðsins.
Ef enginn framgangur verður hjá félag-
inu þá munu risarnir hérna í kring um
okkur gleypa starfið í einum munnbita
ef menn gæta ekki að sér og stefnt er að
ákveðnu marki sem er auðvitað það að
ná að vera með frambærileg lið, bæði í
handbolta og fótbolta. Þetta eru nú þær
íþróttir sem fá mesta umfjöllun hjá fólki
og síðan að hasla sér völl í frjálsum
íþróttum.”
Hættir Björgvin?
Björgvin, það hefur heyrst að þú œtlir
að hœtta sem þjálfari hjá Fjölni?
„Ég neita því ekki að viðbrögð stjórnar
handknattleiksdeildarinnar við áhuga
strákanna hafa valdið mér vonbrigðum.
Og mér finnst að stjórnin starfi ekki í
takt við þann hugsanagang sem þeir eru
með. Og auðvitað hafa komið upp sam-
starfsörðugleikar, en mig Iangar til þess
að klára þetta verkefni. Ég er búinn að
vera þjálfari í tíu ár og hef aldrei
nokkurn tíma hlaupið frá nokkru verk-
efni þannig að ég læt
nú reyna aðeins
meira á það. Ég ætla
að reyna að þrauka,
ef það er ekki ófram-
kvæmanlegt, en það
verður bara að koma
í ljós hvort svo sé.”
Ætlarðu að gefa þér
ákveðinn tíma?
„Já, en ég ætla ekkert
að gefa upp um það,
heldur sjá hvernig
þróunin verður. Ég
veit að það er fullur
hugur hjá þeim strák-
um sem eru í meist-
araflokknum.”
Hver eru þá helstu vandamálin?
„Það hefur ekkert verið hugsað um að
það þarf mikla vinnu þegar lið taka þátt
í deildarkeppni. Það er ekki nóg með að
það þurfi fjármagn vegna tilkostnaðar
heldur þarf að vinna fyrir liðið, sjá um
búninga, skipuleggja heimaleiki, skaffa
menn við dómaraborðið, skrá niður
mörk og ganga frá skýrslum. Ég held
að það hafi ekki verið einn einasti
stjórnarmaður deildarinnar sem hefur
gefið sig í þetta starf. Leikmennirnir
eru ekki það margir að það sé leggjandi
á þá að gera meira en að æfa, fjórum til
fimm sinnum í viku með leikjum.”
Að mínu mati þarf að endurnýja stjórn-
ina, finna betri menn, menn sem nenna
að leggja eitthvað á sig, eins og strák-
arnir gera sem stunda handboltann hjá
Fjölni. Það er alveg ljóst að öðruvísi
næst enginn árangur.”
Eiga peningar að koma frá deildinni
eða á aðalstjórn að setja peninga í
meistaraflokk?
„Nei, ég vil meina það að hver og ein
deild eigi að fjármagna starfsemina.
Aðalstjórnin á að sjá um að allt þetta
sameiginlega sé í lagi.”
Spá um gengið í deildinni?
Magnús segist telja raunhæft að liðið
verði í neðri hlutanum. „En við erum á
uppleið því það er mikill stígandi í lið-
inu. Við erum einum til tveimur mán-
uðum á eftir hinum félögunum í þjálfun
og það er það sem hefur skipt sköpum í
sumum leikjunum hjá okkur undanfarið.
Til þess að deildin verði voldug þá þarf
að bæta við kjarnann, yngja liðið upp og
fá kröftuga menn í stjórnunina. Ef við
erum með góðan þjálfara eins og Björg-
vin er og stefnum að markinu með já-
kvæðu hugarfari þá er hægt að búa til
gott lið á þremur árum. Ég held að þeir
strákar sem eru hjá stóru félögunum og
eiga ekki mikla möguleika þar sjái þetta
tækifæri til þess að komast lengra og
afla sér þá um leið meiri leikreynslu,”
segir Magnús.
„Það er alveg ljóst að við verðum neðar-
lega, en við ætlum ekki að vera í neðsta
sæti,” fullyrðir Björgvin. „Ég vona bara
að Fjölnir geti einhvem tíma og vonandi
fljótlega spilað fyrir fullu húsi hér í
Grafarvoginum. Það gæti orðið virki-
lega skemmtilegt og gaman að taka þátt
í því.”
Frá vinstri: Björgvin þjálfari og Magnúsfyrirliði.
28
Skinfaxi