Skinfaxi - 01.12.1991, Blaðsíða 21

>
KNATTSPYRNA D R E N G J A
mynda með því að aðstoða þau við að
taka þátt í öllum æfingunum.
Sérstakt foreldraráð hefur verið stofnað
fyrir 7. og 8. flokk og með því skapast
mikill áhugi um að styðja við börnin og
fylgjast með þeim. Til dæmis þarf að
vinna í búningamálum og ýmsu öðru
sem viðkemur starfinu. Við förum ekki
með þessa stráka á mót, en við ætlum að
fara með þá í skemmtiferðir þar sem
hægt er að leika sér, grilla og þá kynnast
allir betur.”
Viljum gefa öllum tæki-
færi á að vera með
Hverjar eru hugmyndir þínar um þjálf-
un harna?
„Mínar hugmyndir eru þær að ég hef
alltaf reynt að gefa öllum möguleika á
því að vera með. Til mín hafa komið
góðir einstaklingar og einnig strákar
sem hafa verið að stíga sín fyrstu skref á
æfingu og ég hef reynt að gefa þeim öll-
um tækifæri til þess að vera með. Og
það hefur oft verið þrautin þyngri þegar
í keppnina er komið því þá hafa það
verið sjö strákar sem eiga að spila í
hvoru liði A og B, þannig að það er ekki
hægt að fara nema með um tuttugu
manna hóp. Það hefur þessvegna verið
erfitt að velja þá sem eiga að fá að fara.
En ég hef haft það þannig að ég skipti
hópunum upp eftir aldri, en ekki eftir
getu, þannig að elsti árgangurinn fær
frekar að fara á mótin.
Það sem ég hef haft að leiðarljósi varð-
andi þjálfun hjá þessum ungu strákum í
8. flokki er að láta þá leika sér sem mest
með boltann á æfingum og ekki spila
nema lítið. Þessvegna hef ég byggt
þjálfunina þannig að upp að þeir læra
mikið af tækniæfingum, t.d. eins og að
rekja boltann eftir línum og keilum og
gera margskonar þrautir eins og að hitta
frá ákveðnum stað í gegnum þröngt
hlið. Strákarnir læra að það eru þeir
sem eiga að stjórna boltanum en ekki
boltinn þeim. Það er útilokað að vera
með eina æfingu út í gegn fyrir svona
unga stráka, fyrir utan það að þeir geta
ekki spilað megnið af æfingunni því
þeir eru það ungir að þeir þola það
ekki.”
Æfingarnar byggjast
upp á leikjum
Menn hafa talað um það að það eigi
ekki að láta svo unga stráka, 3-4 ára
gamla, vera í fótbolta því þá er hætta á
sérhæfingu. Hvernig lítur þú á það mál?
„Ég var einn af þeim sem kom íþrótta-
skólanum hér hjá Fjölni af stað og er
mjög fylgjandi því að forðast sérhæf-
ingu hjá börnum. Þessi 8. flokkur í
knattspyrnu stráka er hrein tilraun. Við
höfum rætt við foreldrana og viljað fá
þeirra álit vegna þess að fólk er ekki al-
veg sammála um það hvort svona ungir
krakkar eigi að spila knattspyrnu. Stað-
reyndin er sú að það eru til einstakiingar
sem sjá ekkert annað en fótbolta, e.t.v.
vegna þess að það gengur allt út á fót-
bolta hjá fjölskyldunni og eldri systkini
eru í fótbolta. Sumum er fljótt gefinn
bolti og þá fá þeir áhuga og ef strákarnir
hafa gaman af þessu og bíða spenntir
eftir næstu æfingu þá finnst mér að það
ætti að gefa þeim kost á því að fá auk-
inn hreyfiþroska með þessum æfingum.
Þó svo að boltinn sé alltaf meðferðis á
æfingum, þá fá strákarnir mjög alhliða
hreyfiþjálfun og æfingarnar byggjast
mikið upp á leikjum. Sumir þessir
strákar myndu ekki taka þátt í neinni
íþróttagrein ef þeir ættu ekki kost á
þessum æfingum, því að þeir hafa sér-
stakan áhuga á fótbolta. Þá má einnig
benda á það að framboðið fyrir þennan
hóp barna er ákaflega lítið.”
Foreldrar mega ekki krefjast árangurs
segir Hörður Magnússon
Hörður Magnússon, markakóng-
ur úr FH, var að fylgjast með syni
sínum Magnúsi sem er fimm ára.
Hvað finnst þaulreyndum knatt-
spyrnumanni um knattspyrnu
ungu strákanna?
„Mér líst ágætlega á þetta núna,
sérstaklega eftir að fyrirkomu-
laginu var breytt í þá veru að
yngri strákarnir eru í sérstökum
flokki en ekki með 7. flokki. Það
var einfaldlega of mikið að hafa
þá alla saman.
Kennslan hefur breyst frá því ég
var í skóla. Þá var bara skipt í
lið og liðin látin keppa saman til
þess að reyna að vinna hvort
annað. Þessum strákum er leyft
að leika sér mikið með boltann
og það finnst mér góð breyt-
ing."
Finnst þér það af hinu góða að hörnin
byrji svona snemma?
„Já, mér finnsl allt í lagi að leifa þeim
að vera með ef þeir hafa mikinn áhuga.
Magnús var byrjaður að sparka í bolta
snemma og virtist liafa það í sér að leika
með bolta. Ég fékk hann ekki á þessar
æfingar, það var hann sjálfur sem vildi
fá að spreyta sig.
Foreldrar mega alls ekki setja pressu á
börnin og það vill einmitt brenna við að
þegar krakkar er farnir að keppa þá
kemur fram mikil pressa frá foreldrum
um að þeir standi sig. Það er ekki fyrr
en á aldrinum 10-11 ára sem mér l'innst
að þau hafi þroska til þess að taka þátt í
keppni.”
Er þessi sérhœfing ekki hœttuleg, hvað
með aðrar íþróttagreinar?
„Ég held að þau fái fljótlega áhuga á
þeim þegar þau byrja í leikfimi í skólan-
um. Fótboltinn er þannig að það er auð-
veldara að byrja snemma að stunda
hann, en margar aðrar greinar. Krakkar
hafa meira vald á fótbolta, en t.d. hand-
bolta og körfubolta.”
Hörður sagðist vona að sonur sinn hefði
gaman að því að vera í þessum tímum
og honum gengi vel.
Skinfaxi
21