Sjómannablaðið Víkingur - 01.12.2000, Blaðsíða 18

Aformannaráðstefnu FFSÍ í
Keflavík í nóvemer flutti Kjartan
Jóhannsson sendiherra erindi um
ísland og Evrópusambandið. Sendi-
herrar eru þekktir fyrir að tala var-
lega og fylgja stefnu utanríkisráð-
herra og ríkisstjórnar í einu og öllu í
sínum málflutningi. Það kom því
fundarmönnum á óvart hvað Kjartan
var opinskár í umræðum sem
spunnust að erindinu loknu og ó-
feiminn við að láta í Ijós persónuleg-
ar skoðanir sínar varðandi umdeild
mál.
Kjartan sagðist þeirrar skoðunar
að það væri ekki rétt sem kæmi
fram í skýrslu utanríkisráðherra, að
ef ísland gengi í Evrópusambandið
þyrfti það að greiða meira fé til sam-
bandsins en það fengi frá því.
Reynslan væri sú að í alþjóðasam-
starfi fengi ísland alltaf meiri pen-
inga til sín en þeir létu af hendi
rakna. Hann taldi að þeir útreikning-
ar um kostnað sem birtir eru í
skýrslu ráðherra væru ekki réttir.
Sendiherrann sagði það sína
Kjartan Jóhannsson: Andstæðingar aðildar að ESB eru
25 ár á eftir tímanum
skoðun að ekki væru margir kostir
okkur til handa ef Norðmenn gengju í
ESB. Þá yrði dýrt og erfitt að halda á-
fram EES samstarfinu. Nefndir hefðu
verið möguleikar á tvfhliða samning-
um milli ESB og íslendinga en Kjart-
an sagði að slíkt væri afar slæmur
kostur og áhrif okkar á ákvarðanir þá
litlar sem engar. Það væri líka um-
hugsunarvert hvort það væri betra að
vera á eftir Norðmönnum inn í Evr-
ópusambandið eða á undan.
Helstu rök gegn umsókn um aðild
okkar að ESB hafa verið þau að við
inngöngu mundum við missa forræð-
ið yfir fiskimiðunum. Þessu vísaði
Kjartan nær alfarið á bug og benti á
að erlendar þjóðir fengju ekki að
veiða á íslandsmiðum þar sem þær
hefðu þar enga veiðireynslu. Kjartan
Jóhannsson sagði ESB hafa tekið
miklum breytingum á undanförnum
árum og áratugum. íslenskir stjórn-
málamenn sem væru á móti aðild að
Evrópusambandinu á grundvelli fisk-
veiða okkar væru 25 ár á eftir tíman-
um.
Landhelgisgæslan
Benóný Ásgrímsson flugmaður sneri
aftur til starfa hjá Landhelgsigæslunni
þann 1. nóvember og gegnir nú stöðu yfir-
flugstjóra. Hann hafði verið í launalausu
leyfi í þrjú ár og starfað sem flugmaður hjá
Atlanta.
„Ég er mjög ánægður yfir því að hafa
fengið tækifæri til að starfa hjá Atlanta og
hefði eflaust alltaf séð eftir þvi ef ég hefði
ekki nýtt það til að kynnast flugrekstri með
öðru sniði en hér hjá Landhelgisgæslunni.
Ég var staðsettur í London og flaug þaðan
víða um heim, meðal annars til
Arabalanda og Karabíska hafsins og
einnig var ég í pílagrímaflugi á Indlandi.
Hjá Atlanta starfar fjöldi fólks af mörgum
þjóðernum sem gaman var að kynnast,”
sagði Benóný i stuttu spjalli við blaðið.
Hann sagði að vissulega hefði verið freist-
andi að halda áfram hjá Atlanta og það
Benóný Ásgrímsson yfirflugstjóri ætlar
ekki að eyða miklum tíma við skrifborðið.
hefði verið erfið ákvörðun að snúa aftur til
Gæslunnar. En gamli vinnustaðurinn togaði
í hann. Benóný tekur því fjarri að hann muni
eyða tímanum við skrifborðið í starfi sínu
sem yfirflugstjóri. Hann er nú í endurþjálfun
á þyrlunum og ætlar síðan að ganga vaktir
eins og aðrir þyrluflugmenn.
Benóný Ásgrímsson á að baki langan
starfsaldur hjá Landhelgisgæslunni því hann
var ráðinn þangað árið 1966. Eftir að hafa
verið stýrimaður á varðskipunum lærði hann
til flugmanns og hlaut réttindi atvinnuflug-
manns árið 1977. Hann var svo fastráðinn
flugmaður árið 1980 og er löngu landskunn-
ur fyrir afrek sín sem flugmaður og flugstjóri
á björgunarþyrlum Gæslunnar. Páll Hall-
dórsson, sem var yfirflugstjóri, starfar nú
sem flugstjóri, mest á Fokkervél Landhelgis-
gæslunnar og mun einnig verða eftirlitsflug-
stjóri.
18 - Sjómannablaðiö Víkingur