Sjómannablaðið Víkingur - 01.02.2002, Blaðsíða 50

Nýtt olíuskip Oliudreilngar
væntanlegt til landsins í haust
1 skipasmíðastöðinni Jiangnan í Shang-
haí var nýtt 3.500 tonna olíuskip Olíu-
dreifingar sjósett fyrr á árinu og er áfram
unnið við að ljúka við smíði þess. Áætlað
er að skipið komi til landsins í haust, en
til stendur að láta lengja það í Póllandi
og getur því orðið einhver bið á að það
komi til heimahafnar, þó vart lengur en
til áramóta. Hönnun skipsins var unnin
af Ráðgarði Skiparáðgjöf og er skipið sér-
stakt að ýmsu leyti. Pað er til dæmis
hannað til að flytja einnig vörugáma sem
er ekki algengt um olíuskip. Öllum ör-
yggismálum er gert hátt undir höfði og
skipinu ætlað að mæla vondum veðrum
og ís. Þilfar er yfirbyggt og vinna við lest-
un og losun, nema tengingar, fer fram
neðanþilja eða í sérstöku stjórnrými þar
sem öllum 10 dælunt skipsins er fjar-
stýrt. Áætlað er að skipið kosti um níu
milljónir dollara, en það kemur í stað
Stapafells og Kyndils.
Aðalvél skipsins er frá MAN-Alpha
sem Afltækni ehf hefur umboð fyrir.
Aage Petersen framkvæmdastjóri Ail-
tækni sagði í spjalli við blaðið að um
væri að ræða níu cylindra linuvél af
gerðinni 9L2738-FVO og 3.060 kw.
Pyngd slíkrar vélar er liðlega 40 tonn og
skrúfan 8 - 9 tonn. Aage sagði að aðal-
vélin væri búin svokölluðu „take on -
take off’, ásrafall er á gírnum til raf-
magnsframleiðslu fyrir skipið. Sérstakt
tengi er milli vélar og gírs og hægt að
tengja vélina frá gírnum, keyra afl inn á
ásrafalinn frá ljósavél og drífa skrúfuna
þannig. Petta kemur sér vel ef vélin bilar
því þá er engu að síður hægt að sigla
heim. Sömuleiðis er þá hægt að færa
skipið ef það liggur í höfn og verið er að
vinna við vélina.
Gír og skrúfubúnaður frá brú og afturí
er frá Alpha. Pá kemur Afltækni einnig
til sögunnar hvað varðar ljósavélarnar
tvær því þær eru frá Holby diesel í Dan-
mörku sem er deild frá MAN. Einnig er
neyðarljósvélin frá Afltækni. Öll siglinga-
tæki eru hins vegar keypt frá Radiomið-
un. í skipinu er ellefu eins manns klefar
með sér sturtu, sjónvarpi og tengingum
fyrir síma og tölvu.
Við sjósetningu skipsins var mikið um
dýrðir eins og sjá má af myndunum.
J
50 - Sjómannablaðið Víkingur