Sjómannablaðið Víkingur - 01.09.2006, Blaðsíða 12

— AFMÆLISRIT —
LANDHELGISGÆSLAN 80 ÁRA
Ritstjórn, Georg Kr. Lárusson, forstjóri,
Guðmundur Hallvarðsson, alþingismaður,
Jón Hjaltason, ritstjóri Víkings.
í vetur mun afmælisrit Landhelgisgæslu
íslands koma út þar sem eldri gæslumenn
segja frá hvað á daga þeirra hefur drifið hjá
Gæslunni. Ljósmyndir verða fjölmargar.
Bókin verður seld í áskrift og mun
hluti andvirðis hennar renna í sjóð til
stuðnings þess að Óðinn verði gerður
að safni fyrir íslensku þjóðina að rifja
upp hvar rætur hennar liggja og hver sé
grundvöllur þeirrar auðsældar sem hún
nú býr við. En yfir það er tekið að fyrnast
hjá ótrúlega mörgum íslendingum.
Bókin á þannig að vera allt i senn,
til skemmtunar, fróðleiks og framlag
til verndunar hinnar áþreifanlegu sögu
okkar íslendinga, í þessu tilviki Óðins.
En það hefur lengi verið áhugamál
Víkings að íslendingar taki til varðveislu
eitthvert af stærri skipum flotans og geri
að safni. Nú hillir undir að þetta geti
gerst en að því vill Víkingur eindregið
stuðla og hefur því gengið til samvinnu
við Gæsluna um að koma afmælisritinu
út.
Hér á eftir birtast útdrættir úr nokkrum
viðtalanna sem verða í ritinu eða við þá
Elías S. Sveinbjörnsson, háseta, Guðjón
Ármann Einarsson, stýrimann, Guðjón
Jónsson, flugstjóra, Hálfdan Henrysson,
stýrimann, ogjón Pál Ásgeirsson, stýri-
mann.
Alls verða viðtölin í bókinni á milli
15 og 20 en vinna við þau stendur yfir í
þessum skrifuðu orðum svo ekkert skal
staðhæft um nákvæman fjölda þeirra. Nú
er líka tækifæri fyrir lesendur Vikings
að gauka hugmyndum um viðmælendur
að ritstjóra (netfang, jonhjaIta@hotmail.
com).
Heillaóskalisti (Tabula) verður prent-
aður fremst (eða aftast) í ritinu þar sem
koma fram nöfn allra þeirra sem vilja óska
Gæslunni til hamingju á þessum tímamótum
og gerast þá um leið kaupendur að ritinu.
Verð bókarinnar er kr. 6.900 krónur og
verður innheimt fyrirfram af þeim sem
gerast áskrifendur. Sendingarkostnaður,
sem og annar kostnaður, er innifalinn
í þessu verði. Af andvirði hverrar seldr-
ar bókar fara 1000 krónur óskiptar til
Óðins. Sölulaun bóksölumanns og virð-
isaukaskattur hafa þá verið greidd en dragast
ekki frá þessari upphæð.
Þeir sem vilja gerast kaupendur að bók-
inni gela póstað/netjað ósk þar um á rit-
stjóra Víkingsins.
Góðir lesendur Víkings, leggjumst á
eitt um að gera Óðinn að lifandi safni og
minnisvarða um grundvöll íslenskrar vel-
ferðar.
Óðinn grátt leikinn í 200 sjómílna þorskastríðinu.
12 - Sjómannablaðið Víkingur