Sjómannablaðið Víkingur - 01.09.2006, Blaðsíða 28

Ingimundur Valgeirsson
Málfu ndir um öryggismál
sjófar enda 2005-2006
Önnur grein
Margt getur komiðfyrir á sjó og þá betra að standa klár á öryggisatiiðum.
Ekkert skalfyllyrt um bátinn sem er að sðkkva á myndinni enda vitneskja
um hann rýr.
Iseinasta tölublaði sagði Ingi-
mundur frá málfundunum um
öryggismál sjómanna sem
haldnir voru á Grundarfirði og
Þórshöfn. Hann heldur nú áfram
og greinir frá fundunum á Höfn
í Hornafirði og Grindavík.
Höfn í Hornafirði
Fundurinn á Höfn var haldinn 18.
janúar 2006 í Nýheimum. Fundarstjóri
var Albert Eymundsson bæjarstjóri.
Fyrirlesarar af heimaslóð voru Ingólfur
Ásgrímsson og Sigurður Ólafsson.
Ingólfur sagði í ræðu sinni að það fyrsta
sem kæmi upp í hugann þegar öryggismál-
in væru rædd væri að sjálfsögðu hvort
skipin sjálf séu nógu traust. Pví eins og oft
hefur komið fram er skipið ávallt öryggis-
tæki númer eitt, tvö og þrjú.
„Hornfirskir útgerðarmenn hafa ávallt
kappkostað að hafa skip sín vel búin. Hér
hefur verið lögð áhersla á að skipin séu
snyrtileg og að vel sé gengið um allan
búnað hvort sem er öryggisbúnað, vélar-
úm, veiðarfæri eða íbúðir sjómanna. En
það er ekki nóg að það sé vilji útgerðar
að hafa öryggismál i lagi. Þar verða skip-
stjórnarmenn og mannskapurinn á sjó að
leggjast á sömu ár því að þeir eru augu
okkar og eyru á hafinu. Og um þá og
þeirra vinnuaðstöðu snýst öryggið.
Útgerðarmenn, opinberar stofnanir, skip-
stjórnendur og áhafnir verða að vinna
saman að þessum öryggismálum svo skil-
virknin verði sem best.”
lngólfur sagði það skoðun sína að nóg
sé komið af reglugerðum og nú sé rétt að
fá menn lil að vinna eflir þessurn reglum.
Viðhald á veiðafærabúnaði hefur verið
útundan í umræðunni um öryggismál
sjómanna.
„Vírar, teinar, tóg og lásar verða að þola
þau átök sem þeim er ætlað að þola og
menn mega ekki vera ragir að henda
þeim búnaði sem er úr sér genginn. Góð
sjómennska felst m.a. í því að draga úr
þeim hættum sem eru á
hverju skipi og rninnka
líkurnar á því að slys eigi
sér stað.”
Ingólfur sagði að það
hafi verið mikil bót að fá
ölduduflið fyrir utan
Hvanney því nú vita
menn að hverju þeir
ganga þegar lagt er í
Ósinn. Loka orð hans
voru: „Það hlýtur að vera
okkar sameiginlega mark-
mið sem að þessari
atvinnugrein komum að
allir komi heilir heim og
vænti ég þess að menn
vinni saman að þessu
markmiði héðan í frá sem
hingað til.”
Sigurður sagði í erindi sínu frá þeim
aðstæðum sem heimamenn búa við og að
þeim snúa. Hann gerði góða grein fyrir
aðstæðum í innsiglingarleiðum við Ósinn
og hvers þurfi að gæta þegar siglt er um
þær. Hann kom inn á þróun í smíði betri
skipa og tækja og sagði það hafa bætt
öryggið mikið.
Sigurður sagði að upplýsingakerfið fyrir
veður og sjólag væri mikið notað af sjó-
mönnum hérna á þessu svæði og að það
hafi verið virkilega mikil bót að fá duflið
og hafa ölduspána en síða Siglingastofnunar
á það til að detta út sem gerðist iðulega
síðastliðinn vetur, oft 1-3 daga. Það er
auðvitað ófært. Því meiri upplýsingar sem
við höfum því betra. Við skoðum líka
mikið ölduspána enda er hún orðin gletti-
lega góð.
Á sjó er helsta öryggistækið alltaf bát-
urinn sjálfur og sjómenn vilja helst ekki
nota annan björgunarbúnað en hann. En
að sjálfsögðu þarf að fylgjast vel með að
allt annað um borð sé í lagi. Góð regla er
að það sé til staður fyrir hvern hlut og að
hver hlutur sé á sínum stað. Þó að menn
voni að sjálfsögðu hið besta þarf að búa
sig undir það versta. Kunna á öryggistæk-
in og æfa meðferð þeirra. Fara á nám-
skeið í öryggisfræðslu hjá Slysavarnaskóla
sjómanna og endurtaka það reglulega.
Þessi námskeið eru virkilega góð og ég
hef tekið þau nokkur, sagði Sigurður.
Sigurður sagði að AIS kerfið (Auto-
matic Identification System) væri að
koma í mörg skip á Hornafirði. Kerfið er
sniðugt og veitir mikið öryggi einkum
fyrir smábáta því þeir sjást oft illa eða alls
ekki í radarnum. Það er mjög æskilegt að
allir bátar séu með AIS kerfið. Þetta er
tækni sem væntanlega á eftir að koma í
öll skip stór og smá.
Sigurður sagði að NAVTEX kerfið væri
að hans viti vonlaust eins og það er hér
fyrir austan, sér í lagi í kringum
Hornafjörð. Við fáum aldrei merki frá '
íslandi hér út af suð-/austurlandinu en
erum að fá stöku sinnum merki frá her-
stöðinni í Portúgal og því tilgangslítið að
hafa kveikt á þessu tæki í skipunum.
í umræðum kom fram að að mikil hug-
arfarsbreyting hefði orðið meðal sjó-
rnanna og útgerðarmanna varðandi
öryggismálin síðasta áratuginn og að fyrst
og fremst sé það þeirra að taka á þessum
málum, óháð öllum reglugerðum. Spurl
var eins og á fleiri fundum hvenær verði
hægt að nota upplýsingavefinn á sjó um
veður og sjólag.
28 - Sjómannablaðið Víkingur