Sjómannablaðið Víkingur - 01.09.2006, Blaðsíða 10

Ljósmyndakeppni
sjómanna 2006
— shilafrestur til áramóta —
Nú efnir Sjómannablaðið
Víkingur í fimmta sinn til
hinnar árlegu ljósmyndakeppni
sjómanna. Að venju munu
síðan 15 bestu myndirnar, að
mati dómnefndar, fara í nor-
rænu ljósmyndakeppnina.
Mjög góð þátttaka var 1 síðustu keppni.
Þorgeir Baldursson, háseti á Sólbaki EA,
hreppti fyrstu verðlaun fyrir mynd sína
af Núpi á strandstað í Patreksfirði.
Þorgeir er iðinn ljósmyndari og í vöku
lætur hann vélina aldrei úr augsýn.
Önnur verðlaun hreppti Víðir
Benediktsson, þáverandi skipstjóri á
Kaldbak EA, en eins og alþjóð veit hafa
miklir sviptivindar leikið um þetta gamla
óskabarn Akureyringa og hafa akureyrsk-
ir sjómenn fengið að súpa seyðið af því.
Meðal annars Víðir en Kaldbak, þessu
farsæla aflaskipi, hefur nú verið lagt og
Víðir er kominn í land, að minnsta kosti
í bili.
Örþreyttur smyrillinn, sem Víðir
myndaði og dómnefndin féll fyrir, gerði
það líka gott í hinni norrænu ljósmynda-
keppni sjómanna, þar sem hann flaug
beint í fjórða sætið.
Okkar góðkunni bryti á Ægi, Jón Kr.
Friðgeirsson, náði svo þriðja sætinu með
seiðmagnaðri mynd af tungli og skýjafari.
„Ég var að horfa út um þakgluggann
heima og sá þá þetta sérkennilega sjónar-
spil,“ segir Jón Kr. en honum er farið likt
og hinum tveimur að vilja helst ekki láta
myndavélina vera sér mjög fjarri.
En sem sagt, nú er komið að ykkur,
sjómenn góðir, að láta ljós ykkar skína.
Reglur keppninnar eru einfaldar. Það
eina sem þarf til er að viðkomandi hafi
verið í skiprúmi á síðustu árum og nægir
ein ferð til að öðlast þátttökurétt.
Myndirnar þurfa ekki að vera teknar um
borð í skipum eða við sjóinn heldur eru
allar myndir gjaldgengar, líka frá fyrri
árum og geta menn því kafað í ljós-
myndasafnið sitt eftir efnilegum mynd-
um.
Senda má inn myndir í hvaða formi
sem er, á pappír, sem litskyggnu eða á
stafrænu formi. Farið er fram á að staf-
Þorgeir Baldursson sáfram á bjarta tíma við
að skoða Þjóðsögur Jóns Árnasonar en það var
Eddan sem gaf verðlaun að þessu sinni.
Viðir Benediktsson hampar kampakátur hinni
stórglæsilegu bók, íslenskir fiskar, sem hann hlaut
fyrirframmistöðu sína i Ljósmyndakeppninni.
rænar myndir séu sendar á geisladiski í
mestu gæðum. Ákjósanleg stærð mynda
er 20x30 sem er þó ekki skilyrði.
Aliar ljósmyndir skulu merktar ljós-
myndara sem láti stutta lýsingu fylgja
hverri mynd þar sem henni er gefið nafn
og tíundað hvar og hvenær tekin.
Hverjum ljósmyndara er heimilt að
senda inn 15 myndir. Veitt eru þrenn
innlend verðlaun en eins og fyrr segir
fara 15 bestu niyndir innlendu keppn-
innar áfram í
Norðurlandakeppnina sem fram fer í
Finnlandi í byrjun febrúar. í
Norðurlandakeppninni eru síðan veitt
verðlaun fyrir fimm efstu sæti keppninn-
ar. Hægt er að skoða vinningsmyndir
Norðurlandakeppninnar allt frá árinu
1999 á heimasíðunni:
http://www.seatime.se/nord-foto.html.
Nú er lag að leggjast undir feld og skoða
myndasafnið.
Netjið myndirnar á; iceship@hn.is
Eða póstið til:
Hilmar Snorrason
Slysavarnaskóli sjómanna
Skógarhlíð 14
IS-105 Reykjavík
Sjómannablaðið Vikingur áskilur sér
rétt til að birta, án endurgjalds, hverja þá
mynd sem send er inn í keppnina. Sama
á við um birtingu rnynda sem valdar
verða í norrænu keppnina en þau nor-
rænu sjómannablöð sem að keppninni
standa áskilja sér einnig rétt til að birta
myndirnar án endurgjalds.
» y„Jí.
Jón Kr. Friðgeirsson var afar glaður með
verðlaun.sín sem voru Ijósmyndabók Ragnars
Axelssonar. „Hann hefur alltaf verið í miklu
uppáhaldi hjá mér sem Ijósmyndari," sagði Jón.
10 - Sjómannablaðið Vikingur