Náttúrufræðingurinn - 2006, Page 40

Náttúrufræðingurinn
2. mynd. Bjálkatrollið er dregið í fjöruborðinu á u.þ.b. 1 metra dýpi. - The beamtrawl
pulled by hand at 1 m depth. Ljósm./photo: Max Ekstrand.
mynd). Sandrækjan hafði ekki áður
verið greind hér við land svo vitað
væri en síðar komu í ljós eintök sem
veiðst höfðu hérlendis nokkru fyrr.
Frekari athuganir hafa leitt í ljós að
sandrækjan finnst víðar á Faxaflóa-
svæðinu, þ.e. á Löngufjörum á Snæ-
fellsnesi. Um mitt sumar 2005 voru
sýni tekin á sama hátt í Breiðafirði.
Rækjan fannst við Ólafsvík en
hennar varð ekki vart við norðan-
verðan Breiðafjörð. Hins vegar
fundust örfáir smáir einstaklingar á
þeim slóðum síðsumars. Sýni voru
tekin á Vestfjörðum og við strendur
Norðurlands í júlí en þar fundust
engar rækjur (4. mynd). Ekki voru
tekin sýni við Austfirði og suður-
ströndina. Rækjurnar voru á lengd-
arbilinu 12-65 mm og var þéttleik-
inn á bilinu 60-180 einstaklingar á
hverja 100 m2 við Álftanes en mun
meiri á Löngufjörum, eða yfir 400
einstaklingar á hverja 100 m2. I
Breiðafirði var þéttleikinn minni.
Nokkuð ljóst virðist að sandrækj-
an er nýsest að á þessum slóðum.
Einar Hjörleifsson og Jónbjörn Páls-
son1 rannsökuðu botntöku, þétt-
leika og afföll á skarkolaseiðum á
Mýrum við norðaustanverðan
Faxaflóa frá maí fram í september
árið 1999 og notuðust þeir við sams-
konar veiðarfæri. Þeir urðu þá ekki
varir við sandrækjur. Hins vegar
greindust sandrækjur í sýni sem
tekið var á Álftanesi árið 2002 (upp-
lýsingar frá Jónbirni Pálssyni hjá
Hafrannsóknastofnuninni). Agnar
Ingólfsson hjá Líffræðistofnun Há-
skólans hefur fylgst með dýralífi á
Blikastaðaleiru við Reykjavík um
rúmlega 30 ára skeið2 en síðast var
3. mynd. Sandrækja (Crangon crangon). - Brown shrimp (Crangon crangon). Ljósm./photo: Höskuldur Björnsson.
40