Náttúrufræðingurinn - 1988, Blaðsíða 17

10. mynd. Jóhannes Áskelsson með einn burðarklárinn við birgðastaflann hjá Kálfafelli í
Fljótshverfi áður en lagt var af stað á jökulinn árið 1936. Jóhannes Áskelsson and the
expedition gear before the Vatnajökull tour in 1936. (ljósm. photo. Arne Noe-Nygaard)
sem Stefán Þorvaldsson bóndi tók á
móti okkur. Við bjuggum um okkur í
skólahúsinu á staðnum, en þar var þá
ekki kennt.
Bílarnir sneru við morguninn eftir
(21. apríl), og þá um daginn kom Jó-
hannes Áskelsson frá Reykjavík, til
þess að slást í hópinn með okkur.
Við vorum einn dag um kyrrt á
Kálfafelli, til að ganga frá farangrin-
um undir jökulferðina, en 23. aprfl
fóru þeir Nilaus, Jóhannes og Stefán
upp að jökli til að finna greiðustu leið
upp á jökulinn með alla farangurslest-
ina, eins og ráðgert var að gera dag-
inn eftir. Skyldi ég fylgjast með henni.
En þann dag var úrhellisrigning, svo
að við héldum kyrru fyrir á Kálfafelli.
Við lögðum svo af stað með lestina
að morgni 25. apríl og náðum að
áliðnum degi í tjaldstað þeirra Nilauss
og Jóhannesar. Að lokinni staðgóðri
máltíð sneru fylgdarmenn okkar til
byggða með hestana nema þá þrjá,
sem við héldum eftir til jökulferðar-
innar. Við reyndum að halda áfram
upp eftir jöklinum og beittum hestun-
um fyrir sleðana, en þeir voru þreyttir
eftir erfitt ferðalag, svo að ferðin sótt-
ist seint og ekki var annars úrkosti en
að setjast að eftir að hafa farið nokkra
kflómetra. Reistum við þar tjald og
hlóðum snjóvegg til að skýla hestun-
um.
Hinn 26. apríl héldum við ferðinni
áfram og tjölduðum norðvestan við
Geirvörtur kl. 9 um kvöldið.
Daginn eftir var dimmviðri með
135