Náttúrufræðingurinn - 1935, Page 22

66 NÁTTÚRUFRÆDINGURINN
iiimiiiiiiiiimiiimiiiiiiiiiiiiiiiiiiiiiiiiiiiiiiiimmiiiiiiiiimimimimmiiimiiiiiimiiiiimiiiiiimiiiimiiiiiiiiimiiiiiimiiiiiiiiiiifc
3. des. var skotin brandugla (A. flammeus flammeus) í fjall-
inu fyrir ofan Jódísarstaði í Eyjafirði.
11. des. sá eg einn smiril (F. æsalon), en í haust sást einn
hvítfálki í Súlunum við Akureyri.
Fyrri partinn í sumar sá eg af og til hér tvo fullorðna storm-
máfa (L. canus).
Hettumáfar (L. ridibundus) eru hér allan veturinn.
Síðan 29. okt., en það var rétt eftir norðangarðinn mikla, hefi
eg séð gráþresti og starra. Gráþrestirnir eru í stórum hópum,
sjálfsagt alls á annað hundrað fuglar, en starra hefi eg ekki séð
fleiri en ca. 10—15 í hóp. Þessir fuglar halda til í trjágörðum
hér í bænum.
í haust og það sem af er vetri hefir sézt nokkuð af músa-
bræðrum (T. troglodytes islandicus), og við lækjargil fram á
Glerárdal sáust spor eftir keldusvín (R. aquaticus hibernans).
Kr. Geirmundsson.
Sjaldséður fugl á Skeiðum.
Það bar til síðla sumars 1918, að faðir minn — sem þá bjú
á Löngumýri á Skeiðum — sá stálpaðan fýlsunga í gömlu hrauni
skammt frá bænum. Svo var hann spakur, að ekki hreyfði hnnn
sig, þó að gengið væri að honum, og tók faðir minn hann og slátr-
aði honum, án þess að hann gerði neina tilraun til þess að forða sér-
Fýlsungi þessi hefir vafalaust villzt frá sjávarsíðunni á ein-
hvern hátt. En eigi vissu menn til að fýll hefði sézt fyrr á þess-
um slóðum, og síðan hefir það aldrei komið fyrir, svo að mér sé
kunnugt um. Enda mun hann sjaldan flækjast svona langt frá
sjávarsíðunni, þar sem hans eiginlegu heimkynni eru.
Helgastöðum, 20. febrúar 1935.
Eyþór Erlendsson.