Náttúrufræðingurinn - 1949, Blaðsíða 16
62
N ÁTTÚRUFRÆfllNGURlNN
á eftir óx hann svo margfalt á stuttum tíma, en aðeins fáar af teg-
undunum. Hinar tegundirnar hurfu úr sögunni. Sjósýnishorn, sem
hafði í upphafi gerlafjöldann 418 í 1 cm3 og í voru 26 gerlategundir,
hafði eftir sólarhrings geymslu við stofuhita gerlafjöldann 1500 í
1 cm3, og tegundirnar voru aðeins orðnar 3 eða 4. Við rannsóknir
sem þessar, þarf því mikillar aðgæzlu við geymslu sýnishornanna, ef
nokkuð á að vera að marka niðurstöðuna. Nákvæmar lýsingar á að-
ferðum þeim, sem notaðar eru við töku sýnishornanna, ræktun gerl-
anna og talningu, eru nauðsynlegar, til þess að niðurstöður rann-
sóknastofnana verði bornar saman.
Jón E. Vestdal:
Pappír
I. í upphafi var skrásett á steina, trjávið og skinn.
Frá upphafi vega hefur maðurinn liaft ríka tilhneigingu til að
forða merkilegum atburðum frá gleymsku, láta eftirkomendunum
í té frásagnir um þá og tjá þeim hugsanir sínar. Ótal dærni mætti
tilfæra þessu til staðfestingar. Á Norður-Spáni og Suður-Frakklandi
eru t. d. margir hellar með myndum af dýrum, sem málaðar hafa
verið á sléttar steinhellur í lofti og veggjum hellanna. Teikningarnar
hafa haldið sér ágætlega fram á þenna dag. Er álitið, að þær séu
þrjátíu til fimmtíu þúsund ára gamlar. í Mesópótamíu hefur fund-
izt mikill fjöldi af leirtöflum með áletrunum, sem gerðar hafa verið
fyrir fjórum þúsundum ára. Á Norðurlöndum eru til rúnaristur á
klöppum og stéinum, og segja þær frá markverðum atriðum úr
sögu forfeðra vorra.
En steinn er ekki hið eina efni, sem notað hefur verið til áletr-
unar, þótt annarra efna verði lítt vart meðal gamalla fornleifa. Mun
það aðallega stafa af því, að flest önnur efni, sem notuð liafa verið,
eru svo forgengileg, að þau liafa ekki enzt fram á vora daga. Víst er