Náttúrufræðingurinn - 1949, Blaðsíða 47
RXTFREGN
93
í Faxaflóa.* Enn er þess gelið, að mörg skrápdýr séu áberandi hluti a£ fæðu nytjafiska,
svo sem ýsu, skrápkola, hlýra og blágómu.
Ýmsir íslenzkir vísindamenn leggja hönd á plóginn við samningu Zoology of Ice-
land. Hermann Einarsson mun koma þar aftur við sögu síðar, og er ekki að efa, að
honum mun takast vel þá eins og honum hefur tekizt nú. Hann á þökk skilið fyrir
skrápdýraritið, sem ég vildi óska, að væri til á íslenzku í alþýðlegri mynd.
Árni Friðriksson.
SjaldséSur fugl í Biskupstungum
í sambandi við greinarkorn mitt í 17. árg. Náttúrufræðingsins (bls. 94) um ein-
kcnnilegan flækingsfugl, sem sást á Iðu í Biskupstúngum, hefur Einar Sigurfinnsson,
bóndi þar, látið mér í té þær upplýsingar, að haustið 1946 hafi eitt sinn sézt í skrúð-
garði þar við bæinn annar flækingsfugl, á stærð við skógarþröst, sem vakti á sér mikla
athygli sakir litfegurðar og fjaðraskrauts. Var fuglinn mjög spakur og því auðvelt að
athuga hann. Hefur Einar lýst honum nákvæmlega fyrir mér, og samkvæmt þeirri lýs-
ingu, tel ég lítinn vafa á, að þarna liafi silkitoppa verið á ferð. Ýmis einkenni fuglsins,
t. d. þau, að hann hafði allmikinn (rauðgulan) fjaðratopp á höfðinu og endar arm-
flugfjaðranna voru með liárauðum, gljáandi oddum, benda eindregið til þess, að svo
hafi verið. Er silkitoppan svo sérkennilegur fugl, að lítil hætta mun vera á, að hún
vcrði eigi aðgreind — af almenningi — frá öðrum fuglurn, sem hér kunna að sjást.
Eigi er mér kunnugt um, að silkitoppa hafi sézt fyrr né sfðar hér um slóðir.
Helgastöðum, 22. febrúar 1949,
Eyþór Erlendsson.
* Einarsson, H.: 1941: Survey of the benthonic animal communities of Faxa Bay
(Iceland). Medd, Komm. Danm. Fiskeri- og Havunders. Ser. Fiskeri XI Nr. 1.